泰泰 THAI THAI Restaurant

18/08/2026

外賣仔進軍大銀幕咁大件事，店長好想幫外賣仔搞個應援活動，可惜被外賣仔強行制止，唯有為大家爭取其他福利，而家只要憑《廚師發辦》票尾嚟泰泰，除咗可以拎到外賣仔親簽postcard之外，恵顧晚市有9折、午市有95折優惠！

請支持港產片，入場睇《廚師發辦》記得保留票尾🥰

附上外賣仔fan cam首映謝幕致詞片段😌

🎥🎥🎥🎥🎥🎥🎥🎥🎥🎥🎥
✨ 泰泰 The Thai Restaurant🍴
📍 佐敦庇利金街42號地舖
🕕：12:00 - 16:30 & 18:00 - 22:00
☎️：2779 8980

#廚師發辦 #泰泰 #我真係泰撚鍾意香港 #外賣仔

17/08/2026

話說兩年前外賣仔如常送外賣，雙手拎住幾袋飯盒，「一個咁出色嘅男人，無論喺邊度，都好像漆黑中嘅螢火蟲一樣，咁鮮明、咁出眾。」外賣仔嘅光芒，終於被黃浩然導演睇中，成功拗撈，客串出演《廚師發辦》一角🎉
泰泰隆重其事，專誠印咗postcard並邀請低調嘅外賣
仔簽名🥰，大家係咪好想攞親簽呢💕
只要憑《廚師發辦》嘅票尾，嚟泰泰就可以攞到外賣仔親筆簽名嘅Postcard一張！

黃浩然、鍾宏杰執導嘅《廚師發辦》由盧鎮業、楊偲泳、梁雍婷、張紋嘉及彭秀慧領銜主演，今個星期五8月21日正式公映，支持香港電影，快啲入戲院睇啦💕

09/08/2026

電影《廚師發辦》誠邀你分享心跳回憶-

有機會贏取泰泰全年8折VIP咭🎉🎉

伴侶為你帶來最難忘，最美味的一餐，有機會贏後
。獲邀出席8月17號晚首映禮
。電影換票證
。餐廳BonBon泰泰全年8折VIP卡

來自日本，Omakase在香港叫廚師發辦，在台灣叫無菜單料理，顧名思義，由主廚依據當日食材，為客人設計料理，核心是客人對廚師一份信任，而這份信任，亦存在於我們日常生活之中。

無論夫婦抑或情侶，對方為你帶來最難忘一餐，那心跳回憶，有相片記錄嗎？

結合料理與愛情，電影《廚師發辦》誠邀你分享心跳回憶 - 伴侶為你帶來最難忘，最美味的一餐。

參加辦法：
觀眾可於自己個人社交媒體版面（Facebook 地球post、Instagram 或Threads)

🍣上載照片
🍖文字解釋（80字內）
🍅再加以下兩個hashtags
#廚師發辦

兩位導演（黃浩然、鍾宏杰）會選出最後8强，獎品包括：

🍿首獎（1名）：獲邀出席8月17號晚電影《廚師發辦》首映禮 門票（兩張）+ 餐廳BonBon及泰泰全年8折VIP卡
🍱二獎 （2名）：電影換票證 + 餐廳BonBon及泰泰全年8折VIP卡
🎬三奬（5名）：電影換票證

獎品名額、內容及安排均以主辦單位最終公佈為準。

截止日期：2026年8月11號 23:59（香港時間）

* 參加者所提交之照片及文字必須為原創內容，並確保不侵犯任何第三方之版權、肖像權、私隱權或其他權利。如內容涉及第三方權利或引起任何爭議，責任由參加者自行承擔。

* 參加者同意主辦單位可就活動需要，使用、轉載、編輯、展示及分享其參加內容作宣傳及推廣用途，而毋須另行通知或支付任何費用。

* 參加者即同意遵守以上條款及細則。主辦單位保留核實資格、取消不合規參加、修改活動安排及所有爭議之最終決定權。

* 主辦單位保留隨時修改本條款及細則之權利，而毋須另行通知。凡有任何爭議，主辦單位保留最終決定權。

⋯⋯⋯⋯
《廚師發辦》THE DATING MENU🍽️
8.21 準時發辦

🍳【香港國際電影節】世界首映
🥗【紐約亞洲電影節】國際首映
🍤【馬來西亞國際電影節】東南亞首映

導演 編劇｜黃浩然 鍾宏杰
領銜主演｜盧鎮業 楊偲泳 梁雍婷 張紋嘉 彭秀慧
主演｜黃溢濠 特別介紹｜馬騮搣 陳樂添
特別演出｜葉蘊儀 陳紀澄 床哥

#廚師發辦

05/08/2026

近日泰泰同Bon Bon早晚都為HOY TV最新處境劇《你的保安李寶安》嘅劇組提供餐飯餐，所以外賣仔好忙，就算幾忙，外賣仔都會悉心打扮🙈🥰

Btw知唔知點解兩間舖頭嘅制服都係黑色？咪就係為咗突出我哋繽紛燦爛嘅首席外賣仔😌

嚟緊外賣仔又有新搞作，記得留意我哋嘅post！

30/07/2026

尋日首席外賣仔同店長講有嘢做唔係舖，店長知首席外賣仔身兼數職，通常唔會多問，但轉頭見店長扁嘴，小編八掛追問得知，原來外賣仔去咗HOY TV最新處境劇《你的保安李寶安》嘅開鏡拜神儀式！原來外賣仔去咗集郵！（見第一張相，大家應該明店長點解扁咀啦！）有Jeffery，Marco，阿正，妹頭，麥東，小喬同濱崎老師！

外賣仔到場，就係近日泰泰有幸為何爵天執導嘅《你的保安李寶安》劇組提供飯盒，泰泰希望為劇組提供飽餐，打氣加油🥰

26/07/2026

［風暴通告］

現時8號風球仍然懸掛．泰泰今日(7月26日)午市暫停。
香港天文台表示會在下午12:40改發三號強風信號，泰泰晚市如常，六時恭候大家。

🐱店長而家仲係店長屋企瞓緊… 🐱六點都會坐定定等大家！

19/07/2026

早前王生出trip 專誠去咗東京世田谷區嘅「大谿山豪德寺」，並請咗隻招福貓返嚟！寺內嘅招貓殿其實係供奉「招福觀音菩薩」，所以王生仲帶埋招福觀音同招福貓同框嘅繪馬返泰泰！

點解王生要帶招福貓繪馬返舖？

咪就係為咗幫Mil Mil祈福囉！

話說店長有日見Mil Mil 神色不自若，仲咳添（喺咳咗成分鐘）店長非常肉赤，同事㧻𣁽話曾經見王生俾冰水Mil 飲，店長只能長嘆，並教仔般溫馨提示王生：貓係唔可以飲凍水，會肚仔痛同腹瀉！王生就立即話幫Mil祈福⋯.

12/07/2026

《傲然戱院》進入倒數階段….
店長日日係舖頭左影右影，俾店長搵到幾個最佳打卡位置，未嚟打卡嘅小虎隊，快啲訂枱，同Tiger一齊享受虎式浪漫💕

🐯Happy T.I.G.E.R Day 🐯
期間限定《傲然戲院》正式上映【虎式浪漫】餐牌同場獻映！

🐯🐯🐯🐯🐯🐯🐯🐯🐯🐯🐯🐯🐯🐯
泰泰
地點：佐敦庇利金街42號地舖
日期：即日至15/7/2025 （WED）
營業時間：12:00- 16:30; 18:00-22:00
訂座電話：2779 8980; 2779 8989

05/07/2026

🐱喵界小虎隊🐯

🐱店長今朝梳好毛毛，換咗虎展嘅傲虎頭飾，等緊招呼大家～喵

🐯Happy T.I.G.E.R Day 🐯
期間限定《傲然戲院》正式上映【虎式浪漫】餐牌同場獻映！

🐯🐯🐯🐯🐯🐯🐯🐯🐯🐯🐯🐯🐯🐯
泰泰
地點：佐敦庇利金街42號地舖
日期：01/07/2025（WED） -15/7/2025 （WED）
營業時間：12:00- 16:30; 18:00-22:00
訂座電話：2779 8980; 2779 8989

04/07/2026

追星獲得嘅友誼係好奇妙！
兩個唔相識嘅人，因為喜歡同一粒星，就算啱啱識，都會有講唔盡嘅話題；就算只係hi- bye嘅熟絡程度，只要喺Fan meeting或演唱會碰見，自然會互相照顧；亦會因為喜愛同樣嘅星，會互送應援物，會幫忙搶演唱會飛，一齊通宵排隊搶頭位😌

店長因為喜歡Tiger，認識到好多小虎隊，亦獲得好多小虎隊嘅幫忙同照顧，店長希望籍今次老虎生日應援，等泰泰成為小虎隊們一個聚會地坊，互相分享同一齊慶祝虎誔💕

喜歡邱傲然或唔認識Tiger嘅都歡迎！

🐯Happy T.I.G.E.R Day 🐯
期間限定《傲然戲院》正式上映【虎式浪漫】餐牌同場獻映！

🐯🐯🐯🐯🐯🐯🐯🐯🐯🐯🐯🐯🐯🐯
泰泰
地點：佐敦庇利金街42號地舖
日期：01/07/2025（WED） -15/7/2025 （WED）
營業時間：12:00- 16:30; 18:00-22:00
訂座電話：2779 8980; 2779 8989