MaMa Cafe

24/07/2026

祝我哋 Mama 尊貴的 VIP 🐶 生日快樂 🎂

Mama 其實一直都有為主子整生日蛋糕 🐶🐱

個蛋糕香到一打開個盒，主人都話咁香既，結果當然係一齊食啦

蛋糕係可以一齊食既

今次個蛋糕係 5 層享受

餅底 - 雞肉淮山脆脆
南瓜矛屋芝士
日本沖繩紫薯泥
再來多層雞肉淮山脆脆
無糖乳酪配新鮮藍莓

主人話第一次同妹妹一齊食蛋糕，以往慶祝只有妹妹獨食

另外仲有「巴斯克」「Tiramisu’s」 架
下次主子生日搵我哋訂啦
🎂🐶🐱

#人寵共享蛋糕
#寵物蛋糕
#寵物巴斯克芝士蛋糕 MaMa Cafe

21/07/2026

呢期愛上左黑芝麻既香

用嚟整 bagel or toast 都好夾

焗既時候，整個 workshop 都香噴噴 😌😌

16/07/2026

16/07/2026

一個輕鬆體驗，與大家將烘焙帶進生活

工作坊是一種專為烘焙愛好者、情侶拍拖或朋友聚會設計的手作體驗課程。在專業導師的指導下，學員可以在 2 至 4 小時內，從零開始體驗揉麵團、定型、熱水燙麵到烘焗的完整過程，親手做出自己想外皮煙韌、或鬆軟口感的專屬 bagel 🥯

每人帶走成品：視乎自己設計味道，餡料，學員一般可親手做並帶走 4 至 6 個熱騰騰的 Bagel 及相關配方食譜。

絕對係獨一無二嘅課程及滿足感 😌😌

查詢工作坊內容，請 PM / WhatsApp 61379278
工作坊地點：九龍灣 （近 MegaBox)

#麵包工作坊 #烘焙工作坊 Cafe

11/07/2026

今日有好多位 Mama 小餅師呀 😎

親手製作美味蛋糕，麵包俾爸爸，媽媽食

經過今日，大家都成為 Mama 小餅師啦 👨🏽‍🍳👩🏼‍🍳

烘焙不只是玩，更是全方位發展
🔸 鍛鍊手眼協調：揉捏、攪拌，刺激觸覺與肌肉發展。
🔸 培養耐心專注：按部就班看步驟，做事情更專心。
🔸 建立滿滿自信：親手做出成品，成就感無價！

全程由專業老師安全指導，家長只需在旁捕捉寶貝的
「認真瞬間」📸

🧁 本月熱門課程：[親子 Bagel 製作] ［港式腸仔包&藍莓杯仔蛋糕製作］

適合年齡：[5-12 歲]

📍 上課地點：九龍灣 （近 MegaBox)

🔗 報名方式：私訊 IG / WhatsApp 6137 9278 領取課堂介紹！

#兒童烘焙 #親子活動 #烘焙教室 #香港親子活動 #小小廚師親子烘焙班

05/07/2026

Mama Cafe 結業後第一個自家製麵包，蛋糕團購 🍞🍰

又太高估左自己，又太低估左大家對我既掛念 ❣️

今次出團，揀左4款麵包，4款蛋糕

有啲客人未食過，所以係呢度介紹一下 👇🏼👇🏼

香濃黑糖香蕉麵包 🍌
黑糖香蕉麵包：一定要揀熟香蕉，第二就係黑糖，Mama 選用台灣黑糖，因為台灣黑糖夠香，佢係有種獨特焦香的味道，第三就係選用高筋麵粉，所以呢款香蕉麵包口感濕潤、充滿麥香，而且沒有酵母，一直都係 Mama 客人頭 3 位最熱賣產品

伯爵茶白朱古力酸種 Bagel 🥯
Mama 既 Bagel 做法是以天然野生酵母（酸種 / Sourdough）長時間發酵製成的 Bagel, 不依賴商業速發酵母，製作過程無油低糖，兼具獨特麥香與微酸風味，且因發酵時間長，使小麥麩質更易於消化，對腸胃負擔較小, 不過我個人唔太鍾意太有咀嚼感，所以我哋既 Bagel 唔係一般出面果啲煙韌野啊

波蘭種巴斯克軟吐司 🍞
波蘭種（Poolish）軟吐司是一種採用「液態酵頭」法製作的麵包。這種做法能賦予吐司極致柔軟、拉絲的口感，而且具有優秀的保濕度，呢個軟吐司係 Mama Cafe 其實經常出現架，不過可能好多人都唔知佢出現過，因為佢就係下午茶既法式西多士，好多人會特登走來食呢個西多士，甚至打電話來預留呢個西多士，而家大家可以買返屋企自己復刻返個西多士啦！

湯種香濃咖啡餐包 ☕️
呢個曾經出現過係 cafe 既咖啡餐包，當時我哋試過加雪糕食，個個都食到嘩嘩聲，個感覺係好似食菠蘿油咁，熱辣辣既咖啡包加個凍冰冰嘅雪糕，未試過既，你一定要試吓 🤤

蛋糕方面就唔多介紹啦，今次做了3款巴斯克芝士蛋糕 🍰🧀
伯爵茶味巴斯克芝士蛋糕
開心果味巴斯克芝士蛋糕
貓山王榴槤巴斯克芝士蛋糕

由於所有食品我都冇做多，好多客人想買都買唔到，實在抱歉，另外，團購後感，一次過還債實在有啲吃力，所以我會密啲出團，分散下啲單量 😌😌

感謝大家支持本地烘焙，你們喜歡就對了 💛

Do what I like 😘
Love what you Do 🩷

感謝「常樂士多」 借出場地讓大家取蛋糕，麵包 👇🏼👇🏼

https://maps.app.goo.gl/frqMkzSZLsBzTqyCA?g_st=ic

03/07/2026

某一天，當老闆娘遇上老闆

因為果日買咗幾支椰汁，一路等老闆整時，大家就一直傾，傾左好耐，佢話生意好差，一係又熱啦，一係又落雨，佢知道我而家冇做 cafe, 自己開 workshop ，堅持做返自己興趣，就話要係 social media 幫我賣下廣告。

係呢個講任何野都唔需要負責既年代，
雪上加霜既人多得是，通常都係話，做飲食咁辛苦，話左你做唔惦架啦，餐廳咁細，翻枱又翻唔切，做左3年，我聽過一千萬字既生意經，但當中又有幾多個係做緊飲食呢，其實全世界都知生意有幾難做架了，唔需要大家再加色加水講有幾難做，見到邊個小店老闆仔仲堅持緊，最好既溝通方式係俾個擁抱佢哋，買多啲野分享埋俾身在你果區既街坊朋友，等多啲人知道佢哋既存在 ，每一粒種子就係咁傳開去

同老闆第一次見面，傾完之後，估唔到果啲「得閒飲茶」 真係唔係得把口，竟然真係出 post 幫我宣傳，呢種感覺好似我個仔唔得閒湊，但又要返工，隔離陳師奶仗義幫我睇住幾個鐘果種感覺，以前既香港真係咁，左鄰右李都係好人，個個都打開門，入邊間屋都可以吹好耐水，佢話我知，香港人，我在呀 😭😭

大家同我去 Joe椰 度買爆哂佢啲椰子汁，老闆話咖啡超好飲，大家快啲去試吓啦

椰子汁粉絲上 🥥🥥

18/06/2026

風大雨大，紅紅黑，紅紅黑的一天 🌧️⛈️☔️🖤

我哋又完成左一次「韓式醬爆蒜蓉忌廉芝士包」
工作坊

好開心大家都喜愛 🩷🤤

最鐘意大家唔慳家，有幾多忌廉唧幾多忌廉

有幾多蒜蓉牛油醬落幾多蒜蓉牛油醬

我哋要做到香到樓下都聞到 😶‍🌫️😶‍🌫️😶‍🌫️

快啲來落手一齊整啦 😘😘

17/06/2026

✨ 零失敗神還原！Mama Cafe「原味巴斯克芝士蛋糕」班今天第一堂完滿結束 🍰✨

今日我哋好榮幸請到【 盧經理 】嚟擔任客席導師！🎉

平時見盧經理煮意粉，沖橙啡就沖得多，估唔到佢收收埋埋，整蛋糕都有色有水呢，
大家以為一定好難學？NO 🙅‍♀️！今日盧經理親自嚟到我哋位於九龍灣 MegaBox 附近嘅工作室，用最淺白、最易明嘅方法，教大家由零開始做出最原始、最正宗嘅「原味巴斯克芝士蛋糕」！🧀🔥
「原來呢個步驟要咁樣大力敲！」
「原來我平時做錯左，忽略咗呢個步驟！」
「平時喺屋企焗極都冇呢種完美焦香味，今日大師點撥一吓終於知點解！」
課堂上不論係烘焙小白、純粹想放工或放假嚟 chill 下嘅返工一族，定係住附近想充實吓生活嘅街坊媽咪，喺導師嘅一對一指導同不藏私秘訣傳授下，每個人出爐嘅巴斯克都擁有完美嘅深焦糖色表皮、以及切開極致治癒嘅半熟軟心！🤤 成功率 100%！

工作坊賣點；

新手：強調「零失敗」、「100%成功率」、「大師用最淺白方法教」，打破「大師班一定很難」的迷思。

上班族/休閒客：「放假chill下」、「同閨蜜，情侶檔，親子，度過充實週末」，體驗另一種生活品味與娛樂。

有經驗的烘焙愛好者：「不藏私秘訣」、「神還原 Mama Cafe 味道」，包括當中細節（如半熟軟心控制）。

地點便利：
地點超方便，行完 MegaBox 順便過嚟整蛋糕都得！即刻 DM 我哋落入 Next Batch 嘅優先預留名單，或喺下面留言話我知你最想學咩甜品啦！👇

7月工作坊 Google Form 仲煩腦緊 🤯🤯
大家可唔可以俾啲貼士，大家想參與既時間
平日日頭 ？
平日夜晚 ？
週末日頭？
週末中午 ？

#巴斯克芝士蛋糕 #客席導師 #大師班 #烘焙工作坊 #九龍灣整蛋糕 九龍灣工作坊 MegaBox附近 觀塘烘焙班 東九龍好去處 放假好去處 新手烘焙 手作蛋糕 【Mama Cafe】

26/01/2026

距離今年情人節仲有 18日咋 😱😱

大家訂咗枱食飯未啊 🤭🤭

希望今年見到大家

記住記住記住 🔔🔔🔔
要訂枱先有情人節限量版 4寸巴斯克芝士蛋糕送

Walk in 就只可以睇住隔離枱食了 😌😌
所有男朋友仔，老公們識做啦，快啲訂枱呀 💪💪

我哋既情人節餐真係超豐富加超值，所有材料都超上盛
包大家都滿足，開心，完滿 ❤️

#2026 情人節晚餐送原個蛋糕
#特色小店
#隱世自家製巴斯克小店