My Tart

12/08/2026

08/07/2026

六月My Tart嘅暢銷磅終於岀爐，今次第一名嘅口味得到好多新客嘅讚賞，亦收到好多老朋友嘅支持，在此多謝各位🥰
六月第一名🥇
合桃香蕉朱古力撻🍌🍫🥧
香甜嘅完熟香蕉，配上70%黑朱古力餡，仲有用黎提昇口感嘅脆脆合桃！絕對可以俘虜到一衆朱古力迷！

第二名🥈
招牌夏威夷果仁撻
相信好多客人都會係因為哩款獨家口味而認識My Tart，仍然係最高回頭率嘅口味，所以今次唔太多介紹嚕～

第三名🥉
桂花栗子戚風蛋糕
夏天一般都會比較少客人揀選栗子，怕會太heavy，但我地加入咗桂花嘅清新感，好多客人之前食過都覺得我地嘅栗子蛋糕唔會再局限於秋冬。所以今次佢仲可以成為第三名，全靠各位試過之後再翻啅嘅客人🙏

其他差少少就入圍嘅仲有開心果撻，同埋茅台醬香Tiramisu撻，全部都收到客人一致嘅好評～

唔知睇到排行磅，會唔會幫到您地選擇7月慶祝用嘅蛋糕呢？
請各位讚好，留言話我地知我地嘅岀品吸唔吸引到您，仲要share比身邊鍾意食甜品嘅朋友呀～

#手作甜點
#生日蛋糕
#石門

06/07/2026

My tart咁就三周年喇，7月7號除咗係my tart開店嘅第一日，23年前嘅今日，亦係店主入行，喺某酒店返工嘅第一日……🧑‍🍳
喺入行哩23年以黎，未試過一份工可以過到三年，以前嘅同事同大佬都話我受到咀咒。所以一直覺得如果有一份工可以過到三年就已經死而無憾。
哩幾年雖然未算有任何成就，起碼得到唔少客人嘅欣賞🙏由第一款推岀嘅艾菲蘋果麻糬撻，之後上架嘅貓山王芝士、開心果、夏威夷果仁、到最新推岀嘅蕃石榴千層每款都收到唔少好評！
哩段日子靠住您地嘅欣賞，我地先可以撐到哩一日。
過去嘅三年一啲都易過，初初冇人認識，又唔識宣傳，一個月只有三幾張單，到一次嘅合作，一個星期制作過百個My Tart，市集曾經受客人誤會我地係名店，由市集未開始就已經排隊等候，初嘗排隊名店嘅感覺。但亦有難過嘅時候，不時會靜到交唔起租，甚至需要借貸渡過。不過只要收到您地嘅訂單，我地都會繼續堅持一下，當然會繼續制作新款口味，令您地對my tart保持新鮮感啦～
賣慘唔係我地賣開嘅product，黎緊我地會繼續賣撻，一個個手工製作，充滿層次，可以為客人慶祝活動添色彩嘅撻～
多謝各位大力支持🙏

06/07/2026

My Tart終於3周年喇，店主誤墮烘焙業唔經唔覺咁就23年🤷今次推岀嘅蕃石榴千層，絕對係哩23年以黎整過又愛又恨嘅款式！
蕃石榴千層
Pink Guava Layer Cake
層次介紹：
🌼食用花🌿、蕃石榴慕斯、水滴型忌廉裝飾
🍮清爽蕃石榴啫喱
🍰輕盈蕃石榴慕斯
🎂雲呢嗱籽海棉蛋糕
🍫蕃石榴軟朱古力饀
🥚雲呢嗱吉士
⬜煙韌麻糬粒粒
🥧香脆四方撻底
蕃石榴未必係您地喺蛋糕諗起嘅味道，但試過一次之後，佢一定會深刻留喺您記憶中！
MT = 味覺 × 口感 ＋ 心思
蕃石榴做嘅慕斯、啫喱、Granche，三層各自精彩，夾埋仲正。味道豐富，口感立體，但一啲都唔複雜。我哋唔係將材料是但堆埋，係有公式計過度過㗎，你試吓就明。
工序繁複，每日製作數量有限🙇
🟥設有5寸/6寸可供選購
📞 *查詢*：56354672
📍 *門市地址*：沙田石門達利廣場1812室
📍觀塘自提點 ：觀塘巧明街萬年工業大廈12樓D1
📍銅鑼灣寄賣點：銅鑼灣,東角LAFORET 1樓124號舖 Caketionary hongkong
🤍所有蛋糕/大撻 *建議提前1-3天預訂！
#手工撻
#石門 #銅鑼灣 #觀塘

26/05/2026

依家訂購My Tart，港、九、新界都可以拎到喇～
每個自提點離地鐵站都係大約5分鐘！
石門本店：
📝預訂提取
🥧現貨選購
🙆即日急單（歡迎查詢）
地址：沙田石門，安麗街18號，達利廣場18樓1812室（12：00-19：00）
觀塘飛豪自提點：
📝預訂提取
🚗車團團購
地址：觀塘巧明街116至118號，萬年工業大廈12樓D 1
銅鑼灣Caketionary寄賣店
📝預訂提取
🥧現貨選購
地址：銅鑼灣，東角道24-26號，東角LAFORET一樓124號舖
每個月仲會Join唔同嘅市集添！

#石門 #觀塘 #銅鑼灣
#手工撻

16/04/2026

香蕉合桃朱古力撻
元熟香蕉、濃滑朱古力Ganache、香脆合桃碎，哩一個組合，您話唔夾呀？
整體甜味嚟自熟得啱啱好有梅花點嘅香蕉！以74%朱古力做嘅Garache絲滑濃厚，重點！唔膩！！有留意我地嘅客人就會發覺我地真係好鍾意用唔同嘅堅果配合其他食材，今次緊係唔例外啦～！加入香脆嘅加洲合桃，即時拉高成個撻嘅層次！！
香！
脆！
濃！
滑！
最緊要唔過甜！唔會膩！！
**香茅龍眼椰香班蘭撻載譽歸來！！！
設有4寸/5寸/6寸/8寸，由二人慶祝到10人party都冇問題
📞 **急單查詢**：56354672
📍 **門市地址**：沙田石門達利廣場1812室
🤍所有蛋糕/大撻 *建議提前1-3天預訂，急單另議。
多謝支持

#班蘭 #朱古力 #手工撻 #生日蛋糕

14/04/2026

多謝各位客人一直以黎嘅支持🙏
4月22至27號，我地會暫停接受新訂單啊～
不便之處，敬希原諒🙏
另外五月限定嘅合作！！第一次港島區嘅自提點！
不過詳細地址就要月尾先可以公布喇！
到時仲有機會現場可以選購現貨添～
唔知可唔可以吸引到更多港島嘅客人認識我地呢？

05/04/2026

三月My Tart暢銷榜三甲：
1）開心果撻
以為開心果嘅熱潮退減咗啲，開心果撻就好少會再上榜，估唔到市集有客人食完，即刻引黎好多人訂購，仲要收到好多好評，但太尷尬唔敢post岀黎🤣

2）夏威夷果仁撻
暫時仲係獨家口味，冇得作比較。自稱全港最多夏威夷果仁，最好食嘅夏威夷果仁蛋糕！！！不服來辯！！！

3）茅台醬香Tiramisu
中西文化薈萃，大膽嘗試，超有驚喜嘅Tiramisu，有酒派嘅T控，哩款絕對值得您地為佢跨區過黎石門一試！！

黎緊仲有夏日限定口味推岀！多謝各位支持！