人人和平 Hopers' Base

03/10/2026

有網民在社交平台分享去連鎖茶餐廳叫「雞扒蝦球飯」，碟飯居然只有一粒細細隻蝦仁，佢向侍應反映，侍應答佢「係咁㗎」。

一碟飯好唔好食可能見仁見智，但係咪真材實料就有客觀標準，小編出post介紹人人和平菜式，經常有人問係咪實物相。

小編每次都答，我每次出post用嘅相，都係趁大廚剛煮好畀客人，嚮樓面同事未攞走一刻影㗎。

就算只係一個下午茶餐，蝦球都唔止一粒啦！

如果真係得一粒，小編都唔使客人投訴，自己已經先問大廚：「另外嗰啲去咗邊？」

02/10/2026

在家的宵夜 —— 試食🦀大閘蟹🦀 人人和平 大廚好認真，每有新食材或季節性食物都要畀我試食，今年嘅大閘蟹亦唔例外，雖然我少食，而且食得極慢。

今晚卻之不恭，我將隻大閘蟹帶回家，剛剛蒸翻熱，與英國同事開源視像會議後，開餐食宵夜😋

— 腦細

02/10/2026

腦細偶爾分享在英國開店嘅挑戰，好多網民關心腦細辛苦，但大家可以放心，腦細份人夠堅持，認定咗要做嘅事，再難都會做到最好。

好似佢自2017年起贊助「 腦前行（ Brain Trekking ）」活動， 向為關注腦腫瘤步行籌款的人送燒味飯盒及現金券，佢嘅贊助持續近十年，而且不斷加碼。

近年仲有 Gotthard Base 為步行者製作數百份低升糖指數（GI）Bavarian Wheat 麥包三文治，希望大家完成步行之後，既食得開心，亦食得健康。

麥包由歐洲空運到港，大廚再配上自家製醬料、火腿同芝士。為咗趕及活動，試過連小編都一齊落場幫手包裝。

隨住GB 進入倒數階段，今年將會係GB最後一次為腦前行準備三文治。如果你今年有參加，希望你好好享受呢個包。

唔係因為佢特別好食。而係因為裡面裝住嘅，係好多年來一份小小嘅心意。

01/10/2026

四個人來香港，使200元左右。
嘩，不得了！我哋要講多謝☺️
— 腦細

01/10/2026

免費升級！自家製鮮肉小籠包變【手拆蟹粉小籠包】！🦀 現已供應。

原本【和光不同塵・10人在一起・秋宴】套餐配鮮肉小籠包，但最近入秋，蟹粉開始當造。

大家本來以為會做升級套餐，或者補差價轉蟹粉小籠包。

點知腦細話：「而家啲蟹粉咁靚，梗係俾客人食啦。」

於是套餐原本配嘅鮮肉小籠包，全部直接升級做【手拆蟹粉小籠包】。

唔加價。

除咗蟹粉小籠包，秋宴仲有乜叉都有、小乳豬、蝦多士、龍蝦同礦泉水燉牛大力雪梨螺頭花膠湯。

做飲食有時好簡單。

有好嘢食，就想俾客人食好啲。客人食得開心，已經值回票價。

📍人人和平 HOPERS’ BASE
北角堡壘街6-8號A&B地舖
早上11:00am-晚上10:00pm
訂位及訂餐電話：2570 8616 / 2570 8182
WhatsApp https://wa.me/85225708616

公司辦公室 WhatsApp，只供查詢，及服務團體及企業訂購，不能為閣下訂位，
https://wa.me/852528233

01/10/2026

今期午餐餐牌 🍽️ 1/10 (Thu) – 7/10 (Wed)

逢星期四更新午餐餐牌，想食新款記得留意！

📲 請下載人人和平App落單。每日 11 點後開放點餐，即落單即做。
✨慳返打電話時間
✨外賣自取仲有9折（只限非假期星期一至五午市套餐）

📍 人人和平 HOPERS’ BASE
北角堡壘街 6–8 號 A&B 地舖
🕚 11:00am – 10:00pm 【最後落單時間 9:00pm】
📞 訂位：2570 8616 / 2570 8182
💬 WhatsApp：https://wa.me/85225708616

公司／團體訂購查詢 WhatsApp（不設訂位）https://wa.me/85252823378 See less

30/09/2026

《今晚批核的 不只是英國38份糧》身處香港的我，今晚坐定定打開電腦，登入英國公司網上銀行，approve 財務同事已經準備好嘅9月份 payroll。

我有個習慣，每次出糧都會逐個同事名睇清楚，望見每組英文字絕大部分都係熟悉嘅香港姓氏、香港名字。望住個螢幕，心裏面忽然有啲感觸。

原來唔經唔覺，我哋英國辦公室連同兩間餐廳（包括籌備緊開業嘅 HONGrill），今個月出糧嘅同事已經有 38 位，38位同事背後，就係 38 個家庭。

有人喺英國重新開始，有人帶住家人移居英國，亦有人喺異鄉努力建立自己嘅事業。能夠提供一份工作、一個發展機會，我一直覺得係責任，更係榮幸。

公司今個月人工連同 NI 及 Pension 支出，總額已突破六位數英鎊，絕對唔係一個細數目。

但睇住團隊一步一步成長，每一位客人嘅鼓勵，餐廳營業額逐漸向上，我內心更多嘅係感恩。

三年前開始計劃呢條路，由香港走到英國，可以話係重新開始。今日，公司喺英國已聘請超過卅位同事。雖然規模仍然好細，但至少我哋正一步一腳印向前行。

希望唔使太耐，Hopers' Base UK group 會由38人變成100人，再由100人，變成1,000人嘅團隊。

不禁想睇多一次 綠豆 Green Bean Media 條片

人生如棋，落子無悔。

— 腦細

「這不是敗走，而是為了讓品牌延續下去。」經營 13 年的香港餐廳「人人和平」，在經歷政府部門頻繁巡查與經營困境後，選擇遠赴英國倫敦...

30/09/2026

台北11月選市長，有個候選人好有趣。

例如最近有學生食完營養午餐肚痛，呢位候選人走去學校攞住鹹度儀，測試午餐會唔會太鹹。

所以做餐飲有時最怕都係答錯問題。

客人：「啲蝦夠唔夠鮮？」

我哋唔會答：「鹹度正常。」

因為人人和平一直最重視嘅，係鮮度同埋客人滿意度。蝦夠鮮，先敢做主角；醬夠香，先值得上枱。

🦐 香芒蝦球（圖左）柚子蜜蝦球（圖右）全日供應

📍人人和平 HOPERS’ BASE
北角堡壘街6-8號A&B地舖
早上11:00am-晚上10:00pm
訂位及訂餐電話：2570 8616 / 2570 8182
WhatsApp https://wa.me/85225708616

公司辦公室 WhatsApp，只供查詢，及服務團體及企業訂購，不能為閣下訂位，
https://wa.me/852528233

29/09/2026

【礦泉水燉牛大力雪梨螺頭花膠湯】現已上架！

煲老火湯總會見到一味好特別嘅藥材。叫做「牛大力」。

第一次聽嗰陣覺得好有趣，一聽就令人覺得充滿力量。

牛大力、雪梨、螺頭、花膠，再以礦泉水慢火燉製，湯色清澈，味道甘甜鮮香。

其實香港人最叻嘅關心方式，從來都唔係講出口。而係一句：「飲碗湯先啦。」

🔸製作需時・只限晚市5:30PM後開始供應

28/09/2026

🥢 9月28日起【手拆蟹粉小籠包】正式上架！

從前嘅人人和平，主要做小菜同燒味。後來原地擴充，廚房大咗，腦細諗：可以點樣善用呢？

所以近年我哋開始增加手工點心，請嚟一位曾經喺上海點心舖工作嘅師傅。佢前排推出鮮肉小籠包，大受好評，而家出埋蟹粉小籠包！

由搓皮開始，到調餡、包摺，每一個步驟都堅持人手製作。

餡料選用七成瘦、三成肥豬肉比例，再加入手拆蟹粉調味。皮薄而不易穿，肉餡要有咬口，湯汁要夠鮮甜。

有客人問，點解一間做咗十幾年中菜、燒味嘅餐廳，仲要花咁多工夫去研究小籠包？

答案其實好簡單。

因為傳統唔係停留喺原地，而係一路做好自己之餘，亦願意學習新事物。

📍人人和平 HOPERS’ BASE
北角堡壘街6-8號A&B地舖
早上11:00am-晚上10:00pm
訂位及訂餐電話：2570 8616 / 2570 8182
WhatsApp https://wa.me/85225708616

公司辦公室 WhatsApp，只供查詢，及服務團體及企業訂購，不能為閣下訂位，
https://wa.me/852528233