04/12/2019
🔊🔊🔊果然德有野講🔊🔊🔊
就近日有位網友Kimmy Lee在各大FB Group對本店的不實陳述，本店認為係時候需要在此作出一次性聲明。
🌟注意：發貼文既Kimmy Lee 小姐而家改左fb名為Sakura KL 🌟
又改左名。KL Sakura
我哋兩公婆讀得書少，唔識包裝同美化，有嗰句講嗰句。希望唔會得罪左啲唔關事嘅人。如果各位街坊好友在網上看到對本公司 🥬🥬 果然德 🥬🥬有任何報導令你懷疑，可以直接同我講，我可以同你一一解釋清楚。
首先點解今次我要出 post澄清：
一）我感到太委屈了
二）見到班好兄弟手足為左呢件事，勞心勞力，我不能夠再沉默了
三) 我哋從來冇做過任何小動作要影響其他店舖，所以吾明白點解要突然被中傷呢
本來只要這位 kimmy lee 出來澄清及道歉，我大可以當無事發生過。
可惜佢而家只做删post 及潛水就以為可以當冇事發生？咁樣係叫做夠膽做唔夠膽認！網絡攻擊是需要負責任的。
我唔知 kimmy lee 你咁玩我，係有咩居心。
我只係知道喺你嘅post裏面講嘅野，完成喺冇了解過真實情況底下就亂作一通！
你可以唔黎幫襯我哋，但請你唔好胡亂誣蔑本店。以下五點我望大家睇完會更了解我哋:
1⃣我唔貼文宣係因為我地作風低調亦唔想發國難財，只識得靠努力去做，唔夠數就做多幾個鐘，再做埋早市，亦冇諗過要影響其他人。寧願辛苦D捱通宵都唔想做午市，同人哋爭生意累鬥累。我地兩公婆唔怕捱，只希望得到街坊支持。
2⃣⚖政見係個人立場，不代表公司，我哋從來冇用公司名義去做任何義捐，但係有以個人名義咁捐錢去星火同申請捐飯俾小朋友，我哋認為唔需要周圍去話比人知，只係做番認為啱同本應要做嘅事。
3⃣你地大可以話本店係和理非但絕對唔係扮黃呃飯食！未有送中條例前，本店堅守365日開舖，努力賺錢只想個女同屋企人生活得好D。就算十號風球本店都照開，風雨不改，真係連假都唔敢放呀！
4⃣唔罷工其中一個大原因係因為好多熟客屋企都冇得煮野食，佢地真系當本店好似屋企咁。另外，因為我哋有大有細要照顧，我哋都唔可以有事，所以本店情願拉半閘，只做熟客生意就算。
5⃣李小姐你誣蔑本店每日都做便衣警生意，如果你有證據證明到便衣警有入本店幫襯，麻煩請你post岀黎！不過連示威者自己本身都分辨唔出便衣警，我好想知道你如何分辨到？請賜教！
⚒⚒⚒⚒⚒⚒⚒⚒⚒
感恩本店有班兄弟姊妹🥰🥰手足們都好愛我地，亦好相信我哋兩夫婦為人。
原本我哋都傻下傻下🤔🤔，以為市道差，我會諗唔緊要啦總有明天🌝，🌪光復左就會天睛🌤但奈何躺着也會中槍😔😔😔
我哋唔知李小姐係咪附近舖嘅朋友還是熟客，但你背後原因係乜我哋都心裡有數。
我哋兩夫婦從來對任何人都客客氣氣，唔會理你係咩顔色都好，都只會用最平常心去講每一件事。
人不犯我，我不犯人。
本店到現在才作出回應，本想大事化小，希望等到李小姐既道歉和澄清，但係你選擇咗逃避及再繼續到處造謠誹謗，令本店感到非常失望，希望你回頭是岸。🤯
希望各位不要道聽途說和只相信片面之詞，任何事都應該要先FC，提出證據先好作出定奪。同時請大家先思考清楚，否則後果可以非常嚴重！
🥰最後本店要喺度同大家講句，非常感謝你地嘅支持🙏🏻🥰
