365 Deli

28/09/2026

日日諗煮啲咩嘢食俾班老細諗到頭髮都白，放假有時仲要煮足三餐，差不多10月仲係咁熱，諗住食啲清爽開胃嘢，但係口水雞、蒜泥白肉、蟹籽沙律嗰啲食到佢哋厭，正當苦惱緊，毫無頭緒嘅時候Spotify隨機播放咗一首歌，喺我未受精嘅時候應該非常之流行嘅歌，歌手就麟伯，廚房佬雖然只係聽咗3秒就飛咗落下首，但係嗰度靈感好似有由天靈蓋打落嚟一樣，我諗到要食咩啊！就係 《粉絲》
最後就整咗呢個越式粉絲春卷😋簡單，易做又清新✌️

26/09/2026

見村長個post咁靚仔，我都出番個先😂
中秋節快樂🎑

25/09/2026

20/09/2026

搬屋搬得七七八八，拆番啲箱，
見到呢塊暖簾，真係唔知仲有冇機會或者幾時可以掛番起佢🥹

20/09/2026

開頭覺得天窗好靚，日頭睇雲，夜晚睇星，
宜家覺得好熱🥵（仲未裝隔熱貼同窗簾）

15/09/2026

今日又係一年一度權力生日，但最近真係太忙無咩可以準備或plan去玩，所以就簡簡單單煮餐海鮮餐慶祝🪅

廚房佬去咗間有海鮮賣既巴基超市，可能我生得靚仔，只係幫襯過幾次，呢間鋪頭個巴基斯坦老闆就認得我，懶係friend咁😂

由於喺啲落後地方，好少游水海鮮，大部分都係急凍或冰鮮，我就問個巴基老闆啲海鮮掂唔掂㗎？咁當然我問都多餘，佢實話掂…

我就同佢講，今次真係要掂，因為係煮生日飯俾我太太，唔掂會好大鑊，巴基就笑笑口又話真係掂，我問佢有冇聽過：
Happy wife happy life!
Angry wife take my life!
佢就係咁笑 重複我講嗰2句嘢，
我就再補多句 張家輝 名言:if she get mad, even Allah won’t be able to save me.

佢聽完就好認真話：唔好食你番黎搵我退錢！
最後仲送多2隻生蠔俾權力過生日😋

07/09/2026

第一眼見到 新香港城，請洗碗🥣即時有衝動想試吓，興奮完再望下個群係福建人…

廚房佬心諗見工時會唔會講番兩句福建話親切啲，但我淨係識講一兩句福建話：恁爸同龫女尔女良😂
唔知係咁講識嗰兩句過唔過到骨？

有少少疑惑點解福建人要開新香港城唔開新福建城？福建炒飯同鄉會
Fuc king fired rice hometown association
明明好出名㗎⋯⋯

就連籍貫湖南嘅 唐牛 同 史提芬周 比賽都係煮 福建福州名菜《超級無敵海景佛跳牆》
連味公主都大讚 佢個盅佛跳牆…濃而不重，光而不亮！九種材料各有各嘅味道，足足有七七四十九種變化！官燕軟腍，海參彈牙，真不愧為 超級無敵海景佛跳牆啊！

27/08/2026

今日傾盤大雨下去咗Alton Towers 樂園玩，玩完朋友個女話想食buffet ，然後我哋揀咗最近又有成4.5星星既Cosmo🍴

生蠔、鵝肝、長腳蟹、龍蝦、刺身及多款海鮮都無之外，無味既炒粉麵同燒到碳一樣既燒烤嘢食應有盡有，仲有個即叫即做既鐵板燒吧，排15分鐘再等10分鐘就可以攞到一份嚡過我腳踭、乾過我荷包既豬牛雞扒。

全晚最感動嘅係竟然有接近陳記級數嘅急凍蓮蓉包，廚房佬翻啅咗2個😂

裝修：⭐️⭐️
味道：😩😩😩
款式種類：😩😩😩

14/08/2026

全屋手機一齊響，仲以為包頭佬打到黎，
真係好熱呀🥵

08/08/2026

Ig 彈番4年前個post 出黎，

咩料⁉️堂食$42 有飯有湯有嘢飲，
學生仲要再減$4…….

今日睇番總算明白點解廚房佬喺廚房做到懷疑人生都仲係咁燶……