Paul’S Kitchen

14/10/2026

今日係禮拜三，又係我嘅義工日

今日係第二次教大埔宏福苑街坊煮非洲同菲律賓菜

佢哋今日學咗整
1. 菲律賓牛尾蔬菜薯仔粟米湯
2. 迦納菠菜醬配木薯

有好多時我哋以為做義工係幫到其他人，其實喺過程裏面
佢哋都幫咗我好多。今日去做義工之前好多瑣碎嘅煩惱事情要處理
有啲覺得，自己今日好似不在狀態咁，唔知會唔會教得唔好

不過，當我去到見到一班街坊，我哋一齊準備材料，一齊學煮飯，傾吓講吓，令到我心情亦都輕鬆咗好多。

上完堂之後，佢哋邀請咗我同佢哋一齊食飯傾吓偈。

食飯之前我同佢哋分享咗我少少嘅感受
我多謝佢哋，喺一齊煮飯嘅過程，我搵返自己喜歡煮嘢食嘅初心，亦都係成個過程裏面，我得到好多好純粹嘅快樂，我好感謝有呢個機會同佢哋一齊學習。

本身仲有三堂，但係應該會繼續。好感恩🙏🏾

#教煮飯分享小故事
#互相學習互相支持

11/10/2026

今日係 Paul'S Kitchen 家庭日
員工帶埋佢嘅屋企人同朋友一齊去海玩一日
咁當然我一定帶埋我嘅好朋友 Eva Yim 一齊去🙌

在餐飲業係非常辛苦，尤其是跟住我呢個老闆，要求多多，佢哋都好盡力咁做到最好。今年我啲同事話生意不似預期，不如今年唔好搞。不過我覺得無論如何，佢哋真係做得好好，我都好希望佢哋可以同屋企人開開心心玩一日。

今日天氣實在非常好，真係可以用 「風和日麗」去形容，好耐已經冇試過曬太陽吹吓海風，同好朋友傾吓偈，見到香港好靚嘅景色。今日真係好舒服同好開心。

希望呢一間餐廳可以好好咁經營落去，我嘅工作夥伴同佢哋嘅屋企人可以有更加好嘅生活。


#我會盡我能力將呢間餐廳做到最好

06/10/2026

兩年前，我心靈最需要被療癒的時候，很幸運遇見一位很好的國畫老師。他教我的，不單只是筆墨技巧，更是：累了就休息，不必勉強自己。

謝謝老師讓我參與這次師生展。

展覽名叫「在兹」，意思是活在當下。簡介裡，老師寫了一段我很感動的話：
「鋪紙，點墨，起行收，勾皴點染，換不來五斗米，也不一定能成為大師。只是在這過程中，我們很清楚的看見自己內心和情感發生變化，從忙忙碌碌的隨波逐流，無意識渡過一天的飄渺，到漸漸覺得心有個錨點，可以安在一處，心定了，一切都不一樣了。」
「每一筆落下去，墨痕無法回頭，但你可以再畫一張，再畫一張，一張。」

我的作品未必最好，但這些國畫，見證了我這兩年的療傷旅程。

我一直很喜歡創作。以前每日只顧工作，完全無時間做自己喜歡的事。今晚同同學喺老師工作室玩桌上遊戲、喝梅子酒、談藝術，呢種久違了的感覺回來了。原來開心就係咁簡單。

越過高山低谷，我終於看見自己喜歡的星星和月亮。
我現在，很幸福。

03/10/2026

02/10/2026

秋季期間限定

老闆家鄉的原味道
Plantain with Beans
大蕉配迦納炆豆 (素）

因為前幾日教咗大埔嘅街坊煮呢道菜
大家都好喜歡

所以我再次將佢擺喺餐廳嘅餐單裏面
希望大家可以食到老闆家鄉嘅味道

#迦納的味道

02/10/2026

人與人之間嘅緣份實在太奇妙

多謝今日嚟搵我嘅客人
佢喺加拿大返咗香港，就嚟支持我哋。
其實佢幾年前已經睇咗 .millmilk 我哋嘅訪問。佢話如果返嚟香港就要嚟我哋餐廳食嘢。

佢都有擔心過老闆走咗之後我唔會繼續做呢間餐廳，咁佢就冇得嚟食嘢。點會呢！我有咁多咁好嘅客人支持我，無論如何我都會盡自己能力去做。

原來我哋餐廳已經變咗移民咗去外國嘅客人，返到香港必食嘅餐廳，佢哋覺得係「家」嘅味道，感覺溫暖熟悉。

我聽到佢哋咁講，其實我真係好感動。
呢啲就係我每一日努力嘅動力，多謝你哋🫶🏾🌟


#身邊實在太多守護天使
#多謝你哋拖住我隻手一路陪我行呢條路
#多謝你哋喜歡我哋嘅食物

30/09/2026

多謝呢個「妹妹」
上次見面，佢話細個已經嚟過我餐廳食飯；而家出嚟做嘢，遇到呢個適合我參與嘅義工服務，就即刻諗起我。

好感激你搵我一齊參與咁有意義嘅活動。
今日去咗啟德，教一班大埔街坊煮非洲菜。
呢次係我第一次參與，其實自己好緊張。好彩所有街坊都非常好，上堂之前仲幫手準備食材。

今日有廿幾個街坊一齊學煮非洲菜，個個都好叻煮嘢。我教咗兩道餸，其中一樣係「非洲大蕉配迦納炆豆」。成個過程好開心、好溫馨。我亦都同大家分享咗一啲非洲食材背後嘅故事，大家有講有笑就過咗幾個鐘。

今日感受最深刻嘅，諗起喺人生跑道上，我哋好多時候都會突然遇到重大轉變，傷痛或者失去。但係感恩沿途一直有人拖住我哋隻手一齊行，令我哋知道——原來我哋唔係一個人面對。呢啲，就係同路人嘅力量。
嚟緊仲有四堂，我會好好準備每一堂嘅流程，希望可以令更多街坊一齊參與。我自己都好期待。

多謝今日所有人。
你哋俾咗好多好多力量我🥹

#今日感受到好多愛
#義工服務
#好喜歡呢班大埔街坊
#多謝你哋

28/09/2026

今日一個非常特別嘅午餐聚會

之前我被邀請參加咗 銘琪癌症關顧中心，嘅一個小組叫做 「牽念同行」 。 係一個親人因癌症離世嘅一個同路人support group。

呢個活動維持咗半年，完成咗之後，我哋一班參加者都會定期見吓大家。

今次聚會嘅期間，大家分享咗大家嘅狀況，我好開心大家都開始適應自己一個人嘅生活，開始參加不同嘅活動，喺療傷嘅路程慢慢行出嚟。

當然，大家亦都會好掛住離開咗嘅親人。但係幸運嘅係，我哋有一班同路人互相支持，互相接住大家。

尋晚睇完 #大死撐日，最大嘅感觸係，喺人生嘅旅程當中一定會有好多好痛，好不如意嘅日子，我哋成日都會覺得，為咗唔好令人擔心，同自己講一定要好出力咁「好好活落去，要活得精彩，死都要撐住！」其實，人係可以軟弱，可以喊，可以有情緒，可以休息再去衝。
對面海嘅風景好靚，喺去到美麗嘅終點站之前係要經過好多磨練，但係唔需要急，每樣嘢都有過程，慢慢一步一步，有一日一定會見到自己想見到最美麗嘅風景。
多謝 寫一個咁好嘅劇本

#唔需要每一日都要咁盡力
#可以容許自己休息再嚟過

27/09/2026

開心的一晚

近呢一年去睇舞台劇，變成咗我同媽媽嘅一項快樂親子活動。

每次見到你喺台上嘅演出，都感染到我，令我睇得好開心好感動。
多謝你，每一次見到你都要多謝你嘅原因係，你每次嘅演出都令我可以帶到嘢返屋企。多謝你嘅努力

每次去睇舞台劇都好似一個朋友聚會咁，無特別約定，但係我哋就係咁有緣見到。

下個月劇場見
#大死撐日

25/09/2026

我最愛的好朋友，生日快樂🎂

“Happy Birthday the sweetest girl Lori✨ who deserves all the love and happiness in the world 🌎 “

多謝你好用心咁照顧我嘅皮膚
多謝你俾咗好多正能量我，同埋咁多年嚟都好支持同埋鼓勵我🥹
Love you love you 🙆‍♀️

#珍惜身邊的每一個人
#好幸福身邊好多守護天使