Foodieeeee

Directions

Foodieeeee Contact information, map and directions, contact form, opening hours, services, ratings, photos, videos and announcements from Foodieeeee, Restaurant, Shop 222A, Level 2, K11 Art Mall, 18 Hanoi Rd, Tsim Sha Tsui, Hong Kong.

𓂃◌𓈒𓐍📍 QUE (MOKO新世紀廣場) (旺角) 旺角太子道西193號MOKO新世紀廣場4樓453號舖 今次試咗呢間充滿質感嘅日式 Fusion 餐廳 🌿🍽️，由前菜到甜品都驚喜不斷！😍🔥前菜 野生天使紅蝦海鹽薄切 🦐✨，賣相超精緻 📸...
24/07/2026

𓂃◌𓈒𓐍
📍 QUE (MOKO新世紀廣場) (旺角)
旺角太子道西193號MOKO新世紀廣場4樓453號舖

今次試咗呢間充滿質感嘅日式 Fusion 餐廳 🌿🍽️，由前菜到甜品都驚喜不斷！😍🔥

前菜 野生天使紅蝦海鹽薄切 🦐✨，賣相超精緻 📸，蝦肉鮮甜彈牙 😋，配埋海鹽同海葡萄更顯鮮味 🌊🟢！

主食 煙燻海鹽鰹魚丼 🐟🍚，煙燻香氣撲鼻 💨，鰹魚厚切極有口感 🥢！另一款 九州豚肉里脊佐黑糖菠蘿 🥩🍍，配上金黃酥皮 🥐，淋埋特製醬汁 醬汁濃郁 🤤，豚肉肉質嫩滑 ✨，黑糖菠蘿嘅微酸甜平衡咗油膩感 👌🏻！

飲品叫咗 黑糖柚子紅豆梳打 🍹🫘 同 荔枝玫瑰梳打 🌹🥤，賣相夢幻 🌈，消暑又解膩 ❄️！

最後甜品一定要試 京都宇治抹茶甜筒 🍦🍵，淋上濃郁抹茶真係超療癒 🍵💚；還有造型極得意嘅 菠蘿芒果芭菲 🍨🥭，層次超豐富 🍧，完美的果香結尾！😋👍🏻🎉

𓂃◌𓈒𓐍📍沐館德己立街1號世紀廣場18樓02室（中環站D2出口）今日終於去咗沐館最新進駐中環嘅第三間分店啦！🏢 店內環境一如既往咁舒服，裝修好有現代日式禪風，一入到去就聞到淡淡嘅草本香氣，成個人即刻放鬆晒。💆🏻‍♂️今次體驗咗佢哋嘅「全面恢...
03/07/2026

𓂃◌𓈒𓐍
📍沐館
德己立街1號世紀廣場18樓02室（中環站D2出口）

今日終於去咗沐館最新進駐中環嘅第三間分店啦！🏢 店內環境一如既往咁舒服，裝修好有現代日式禪風，一入到去就聞到淡淡嘅草本香氣，成個人即刻放鬆晒。💆🏻‍♂️

今次體驗咗佢哋嘅「全面恢復養生套餐」（$498），性價比真係極高：

45分鐘足底穴位按摩 🦶🏻：師傅手勢非常到位，準確按壓每一個穴位，將平時行路、企得太耐嘅酸痛感完全帶走！

20分鐘頭肩頸按摩 💆🏻‍♀️：針對都市人最緊繃嘅肩頸位置，力度啱啱好，按完之後好似卸下咗千斤擔咁輕盈。

40分鐘熱療排毒汗蒸足浴桶 🪵：最後暖笠笠咁出返身汗，促進全身血液循環，成個人由內到外排毒兼去濕。

成個療程足足有 105 分鐘，做完之後真係叉滿電 🔋，疲勞全消。中環返工嘅朋友，收工或者放 lunch 嚟鬆一鬆，直情係市區入面嘅完美避難所！港島區嘅朋友又多個養生好去處啦！🙌🏻

𓂃◌𓈒𓐍📍GoodDay (朗豪坊) (旺角)旺角亞皆老街8號朗豪坊11樓25號舖今晚去咗試旺角新開呢間分店，成個 Menu 由海鮮到肉類都好豐富，味道好有驚喜 🍽️✨！先食呢款蔥蒜牛油炒蟹肉、味噌蟹膏，磯煮鮑魚炊飯，一上枱就香氣四溢 🦀💨...
07/06/2026

𓂃◌𓈒𓐍
📍GoodDay (朗豪坊) (旺角)
旺角亞皆老街8號朗豪坊11樓25號舖

今晚去咗試旺角新開呢間分店，成個 Menu 由海鮮到肉類都好豐富，味道好有驚喜 🍽️✨！

先食呢款蔥蒜牛油炒蟹肉、味噌蟹膏，磯煮鮑魚炊飯，一上枱就香氣四溢 🦀💨。炒蟹肉用蔥蒜牛油帶出鮮味，配埋甘香濃郁嘅味噌蟹膏，啖啖都好鮮甜。磯煮鮑魚燜得入味、口感彈牙，個炊飯底更索晒海鮮嘅精華，加埋碗自家熬煮嘅昆布蟹湯一齊食，鮮味 double 🥣。

另一道主菜係香蔥美國安格斯西冷，自家濃香牛高湯炊飯*🥩🌾。安格斯西冷牛味好濃，肉質軟嫩，面頭嘅香蔥啱啱好可以提鮮。個飯底用咗牛高湯同野菌一齊炊煮，每粒飯粒都吸飽咗菇菌同牛肉嘅精華，好夠入味。

最後叫起上甜品，食埋個法式栗子醬窩夫配日本抹茶雪糕🍦🍵。窩夫烘到外脆內軟，配上滑順嘅法式栗子醬，甜度啱啱好。最正係伴埋半份甘香嘅日本抹茶雪糕，用微苦嘅茶味去平衡栗子醬嘅甜，食完超級滿足🌟！

𓂃◌𓈒𓐍📍Gelato Pique Cafe (九龍城)九龍城啟德協調道2號AIRSIDE 3樓L306-L307號舖今日同朋友去咗打卡好girly嘅 Gelato Pique Cafe，成間店以柔和嘅粉藍色做主調，周圍都擺滿咗軟綿綿嘅巨型...
07/06/2026

𓂃◌𓈒𓐍
📍Gelato Pique Cafe (九龍城)
九龍城啟德協調道2號AIRSIDE 3樓L306-L307號舖

今日同朋友去咗打卡好girly嘅 Gelato Pique Cafe，成間店以柔和嘅粉藍色做主調，周圍都擺滿咗軟綿綿嘅巨型小熊公仔，環境少女心爆棚，極度療癒 🧸☁️！今次師傅精心設計嘅 Menu 由鹹食到甜品都非常吸引。

先上枱嘅蕃茄玫瑰奶油煙肉意大利麵超有心思，特意用咗精緻嘅熊 ears 麵，索滿酸甜濃郁嘅蕃茄奶油醬，配埋厚切煙肉極之惹味 🍅🥓。

另一道豆乳芝士蟹肉意大利飯口感綿密，豆乳清香平衡咗芝士嘅膩感，面層鋪滿鮮甜蟹肉同脆卜卜嘅飛魚籽，層次感十足 🦀🌾。

飲品方面，熱棉花糖摩卡咖啡上面浮住幾粒小棉花糖同埋一隻立體朱古力小熊，超得意 ☕️🐻 仲有粉藍乳酸梳打雪糕賣相好夢幻，微酸嘅乳酸梳打配埋香滑雪糕，清爽解膩 🍦💙。

最後嘅重頭戲甜品，野莓芝士可麗餅配埋大熱嘅意大利雪糕忌廉，中間夾住酸甜士多啤梨雪葩，頂層仲有一隻精緻嘅小熊曲奇餅，餅皮煙韌蛋香十足 🍓🐻。另一款柑橘可麗餅就帶點清新果香，啱晒炎炎夏日嘅天氣～～ 成餐飯由賣相到味道都令人極之雀躍，打卡一流 🌟✨！

𓂃◌𓈒𓐍📍翠華餐廳網址: https://s.openrice.com/QrbS0hXa200~uLi7oAw地址: 東涌富東街6號富東廣場1樓101號舖電話: 28112877每次去翠華食飯都係一個 Good Time ჱ̒ ᴖ⩊ᴖ ） ...
05/06/2026

𓂃◌𓈒𓐍
📍翠華餐廳
網址: https://s.openrice.com/QrbS0hXa200~uLi7oAw
地址: 東涌富東街6號富東廣場1樓101號舖
電話: 28112877

每次去翠華食飯都係一個 Good Time ჱ̒ ᴖ⩊ᴖ ） 店內環境乾淨整潔，座位舒適寬敞，成個氛圍好有港式茶餐廳特色 ☕️✨

坐低必試招牌「神之叉燒飯」 🍛！出品用料足、細節位超有誠意。叉燒肥瘦適中，帶點焦香燶邊 🥓，配埋高質粗鹽同黑椒調味，食材好講究。全店更使用可生食用無抗生素雞蛋 🍳，蛋汁嫩滑，撈飯食層次感十足！配多杯凍檸檬茶 🍋，茶香夠濃，加上檸檬清香提味，品質非常穩定 🎯。

呢度上菜速度合理 ⚡️，店員態度親切有禮，整體服務專業、體驗流暢，食得好舒服 👍🏻！

𓂃◌𓈒𓐍📍Nisugu (雙子匯1期) (九龍城)九龍城啟德協調道12號雙子匯1期崇光啟德店食匯堂14樓1402號舖同朋友去咗試間新餐廳，幾有驚喜 🍽️✨ 最正係呢度有戶外位置，夜晚坐喺出面一邊吹微風一邊食飯，成個 vibe 超 Chill...
04/06/2026

𓂃◌𓈒𓐍
📍Nisugu (雙子匯1期) (九龍城)
九龍城啟德協調道12號雙子匯1期崇光啟德店食匯堂14樓1402號舖

同朋友去咗試間新餐廳，幾有驚喜 🍽️✨ 最正係呢度有戶外位置，夜晚坐喺出面一邊吹微風一邊食飯，成個 vibe 超 Chill，好似去咗外國度假咁 🥂。

嘢食方面，主菜個西班牙海鮮飯好香口，底層仲食到微微飯焦 🥘。明太子大蝦意粉 個汁亦好掛汁，配埋黑麻麻嘅墨汁意粉幾有層次。嘢飲叫咗杯 Cloudy Pineapple，酸酸甜甜帶點椰奶香，好啱夏天飲 🍍🍹。最後食埋個軟心焦糖巴斯克蛋糕做 Ending 完美 🍰。

成餐飯上菜節奏同環境都好舒服，好啱同朋友嚟 hea 吓傾吓計 🌟。

𓂃◌𓈒𓐍📍菊月町 (觀塘)觀塘鴻圖道23號利登中心地下1號舖今日去咗試呢間 Omakase，由頭到尾都感受到師傅喺 Menu 設計上嘅用心 👨🏻‍🍳 依家 $980 嘅 Omakase 竟然食到原隻北海道海膽，性價比真係極高！而且就快到父親...
01/06/2026

𓂃◌𓈒𓐍
📍菊月町 (觀塘)
觀塘鴻圖道23號利登中心地下1號舖

今日去咗試呢間 Omakase，由頭到尾都感受到師傅喺 Menu 設計上嘅用心 👨🏻‍🍳 依家 $980 嘅 Omakase 竟然食到原隻北海道海膽，性價比真係極高！而且就快到父親節，只要同爸爸同行仲會免費送清酒 🍶✨，啱晒帶阿爸去慶祝嘆茶！

一坐低先食個蘭王蛋溫泉蛋撈魚子，蛋漿極其濃稠，配埋柚子汁嘅酸香，成個胃口即刻開晒 🥚✨ 跟住上枱嘅螢光魷魚掛滿蛋汁，伴碟仲有炸到脆卜卜嘅澤蟹同昆布干，口感好豐富 🦀 北海道八爪魚繼續用柚子汁提鮮，清爽嘅開場好有層次 🐙

刺身環節見到師傅刀工好熟練 🔪，島根縣池魚配埋薑汁同日本葱，鮮味好突出 🐟。之後嗰碟北海道毛蟹拼馬糞海膽真係重頭戲，蟹肉拆得好細緻，啖啖鮮甜 🦀🧡最特別係煙燻吞拿魚拖羅，大拖羅同赤身夾埋沙甸魚干同紫蘇葉，嗰陣煙燻香氣令油脂味更加有深度 🔥中間食返個滑溜茶碗蒸解解膩，接住係視覺效果好強嘅墨魚汁烏賊配素麵，黑白對比好有創意 🦑🍜

熱食方面，鐵板鵝肝燒到表面焦香，入面仲好軟綿，配埋紅酒煮蘋果同意大利黑醋，酸甜度啱啱好平衡咗鵝肝嘅油膩感 🍎🍷之後食埋個梅子素麵清一清味蕾，就進入手握壽司環節 🍣北海道帆立貝非常厚身，鰈魚裙邊經過火炙後油脂完全滲入味蕾，金目鯛加咗柚子胡椒帶出微辛 🌶️太刀魚同馬糞海膽壽司水準都好高，海膽份量仲要俾得好慷慨 ✨

壓軸嘅吞拿魚手卷同埋濃郁嘅魚湯飲落好舒服 🥣最後甜品係焗蜂蜜玉子蛋糕，口感似輕盈版嘅長崎蛋糕 🍰，再配埋灑滿黃豆粉、晶瑩剔透嘅水信玄餅 💧成間餐廳環境氣氛好輕鬆，師傅手勢乾淨俐落，由前菜去到甜品成個節奏拿捏得好好，係一次好好嘅用餐體驗！✨🥂

30/05/2026

𓂃◌𓈒𓐍
📍漁の屋 (銅鑼灣)
銅鑼灣登龍街1-29號金朝陽中心二期 - Midtown 地下B號舖

每次行過見到銅鑼灣登龍街呢間日本嘢，都俾門口寫住嘅「特大盛鮨」壽司蛋糕🎂吸引住，賣相幾澎湃，好似幾啱大班人慶生或者開 party 影相打卡。📸 門口仲有個「海膽專櫃」，見到一板板俄羅斯海膽排得幾靚，身為海膽迷嘅我一於入去試下！見到佢哋嘅丼飯同壽司賣相幾精緻，就試咗幾款。🍱✨

先嚟一杯海膽山，海膽層層疊起真係幾吸睛，食落口味道甘香帶點微甜，鮮味幾濃郁。😋 之後試咗個炙燒奢侈丼，魚生經過輕輕炙燒之後帶出油香，配埋一碗清清地嘅蜆肉海帶湯，成個組合幾暖胃平衡。🍲 另外仲點咗炙燒三文魚親子丼，三文魚油脂豐腴，配埋一粒粒爆汁嘅三文魚籽，口感幾豐富。

🍣 壽司卷物方面，香蔥吞拿魚蓉卷食落去魚蓉質地綿密，帶點蔥香，幾清爽；而經典嘅花之戀，只要堂食消費滿158蚊，就可以加1蚊換到啦，真係超級抵😋 用肥美嘅三文魚包住壽司飯，面層加埋沙律醬同蟹籽，味道一如既往咁夾。

👨🏻‍🍳 原來呢到嘅大廚做左二十年日餐，所以對食材來源同埋品質要求高同嚴謹！會保證安全同新鮮先供應俾客人💪🏻
❤️ 所以整體食物質素唔錯，調味啱啱好，坐落又舒服。💯🥢

𓂃◌𓈒𓐍📍Flaming Frango (尖沙咀)尖沙咀柯士甸道西1號ELEMENTS圓方金區演薈廣場頂樓R009號舖今日去咗尖沙咀圓方 Elements 嘅 Flaming Frango 食 Brunch，見到餐廳紅白色嘅門面好搶眼，外面...
30/05/2026

𓂃◌𓈒𓐍
📍Flaming Frango (尖沙咀)
尖沙咀柯士甸道西1號ELEMENTS圓方金區演薈廣場頂樓R009號舖

今日去咗尖沙咀圓方 Elements 嘅 Flaming Frango 食 Brunch，見到餐廳紅白色嘅門面好搶眼，外面仲有戶外座位，成個氛圍幾有外國風情，坐得幾 Chill ☕️✨

嘢食方面，點咗份煙燻三文魚 Egg Benedict，切開水波蛋，蛋黃汁緩緩流出，配埋滑溜嘅荷蘭醬同 English muffins 一齊食，口感好豐富。旁邊仲配埋香脆嘅薯餅同新鮮沙律菜，整體好有滿足感 🍳🐟

主菜 Peri peri chicken leg and thigh 烤得幾香，雞肉幾惹味。配菜揀咗綿密嘅薯蓉同埋時令蔬菜，食落幾清爽 🍗🥕

最後嘅甜品 Apple Crumble 焗得幾香脆，面層配埋一球雪糕，一冷一熱好有層次。甜品前飲埋杯酸酸甜甜、滿滿果香嘅 Strawberry Smoothies，成餐飯食得好滿足舒服 🍓🍎🥤

今日去依間好有格調嘅餐廳，位於中環正中心，食住中環嘅品味😎赤貝卷 (Akagai) 好新鮮，咬落去極之爽口，入面夾埋露筍一齊食，口感層次好豐富，非常開胃💫🤓Shredded Celtuce Salad 一上枱就睇得出師傅嘅刀功極之細緻，萵筍...
26/05/2026

今日去依間好有格調嘅餐廳，位於中環正中心，食住中環嘅品味😎

赤貝卷 (Akagai) 好新鮮，咬落去極之爽口，入面夾埋露筍一齊食，口感層次好豐富，非常開胃💫🤓

Shredded Celtuce Salad 一上枱就睇得出師傅嘅刀功極之細緻，萵筍切成絲之後爽脆到不得了。上面鋪滿咗亮晶晶嘅三文魚籽同蘿蔔泥，每咬一啖，三文魚籽嘅鹹鮮同清爽嘅萵筍絲完美融合，成道菜好清爽、好治癒💥

Caramelized Pumpkin 外層煎到好香、帶點微脆，一入口入面依然保持到好綿密。🎃 最正係聞到淡淡嘅肉桂香，仲有杏仁碎增加口感，甜甜地、熱辣辣好舒服😌

Charcoal Grilled Eel 嘅食法好有儀式感！上咗菜之後，師傅先喺我哋面前直接用炭火去炙燒，燒到個皮好脆、帶住極濃郁嘅炭香味🔥 裡面的魚肉依然好肥美嫩滑，配埋特調醬汁真係無得輸👍

A4 Wagyu Cutlet Charcoal Sando 個竹炭麵包烘到脆一脆，夾住塊厚切和牛。一咬落去，油脂即刻喺口入面爆開，舊肉嫩到好似識融化咁。🤤 最驚喜係佢配咗秘製嘅特調Gravy 仲有粗鹽同檸檬，酸酸地帶點肉香，啱啱好解咗和牛嘅油膩感，食完一件完全唔覺滯，好想追加多件！💯

最後用 Matcha Cheesecake 同 Mini Melon Daifuku 收尾，一個茶味濃郁，一個煙煙韌韌又清甜🍵🍈

成間餐廳嘅裝修都好靚、極有格調，燈光調校得啱啱好，非常有情調。✨ 每個角落嘅設計都好精緻，一坐低就覺得成個人放鬆晒🥱

Address

Shop 222A, Level 2, K11 Art Mall, 18 Hanoi Rd, Tsim Sha Tsui
Hong Kong
852

Website

Alerts

Be the first to know and let us send you an email when Foodieeeee posts news and promotions. Your email address will not be used for any other purpose, and you can unsubscribe at any time.

Shortcuts

Share

Category