26/09/2026
2016 წელს, როცა პირველად დავიწყე კომბუჩას კეთება, ალბათ ვერ წარმოვიდგენდი, რომ ეს პატარა ექსპერიმენტი ათი წლის შემდეგ ასეთ ისტორიად იქცეოდა. 🍃
დღეს ნამუს კომბუჩას ახალ მფლობელს ვაბარებ — და მიხარია, რომ ეს არის „რამეკაი“, რომელიც თქვენთვის დაუვიწყარ აზიურ გემოებთან ასოცირდება.
ჩემთვის ეს მხოლოდ ბიზნესის გადაბარება არ არის. ეს არის ათი წლის სიყვარულის, შრომის, ექსპერიმენტების, უამრავი ბოთლის, ფერმენტაციის მოლოდინის, ახალი გემოებისა და, რაც ყველაზე მნიშვნელოვანია, თქვენთან ერთად შექმნილი ისტორიის ახალი ეტაპი. 🤍
მიხარია, რომ ნამუს კომბუჩა, იგივე სახელითა და იგივე რეცეპტებით, გააგრძელებს ცხოვრებას. შენარჩუნდება მისი არტიზანულობა, ტრადიციული ფერმენტაციის პროცესი და ის უნიკალური გემოები, რომლებსაც წლების განმავლობაში ვქმნიდით.
ახლა კი ჩემი იმედი და სურვილია, რომ „რამეკაიმ“ ეს ისტორია კიდევ უფრო გააგრძელოს, განავითაროს და ნამუს კომბუჩა კიდევ უფრო მეტ ადამიანამდე მიიტანოს — შესაძლოა, უკვე ბევრად უფრო ახლოს თქვენს სახლთან. 💚
მე ამ ეტაპს დიდი მადლიერებით ვასრულებ.
მადლობა ყველას, ვინც ამ ათი წლის განმავლობაში ნამუს კომბუჩას სვამდა, გვამხნევებდა, გვირჩევდა, გვაკრიტიკებდა, გვაზიარებდა და უბრალოდ 'გვაფოლოუებდა'.
ნამუს კომბუჩას ისტორია არ მთავრდება — უბრალოდ ახალი თავი იწყება.
დაელოდეთ სიახლეებს. ✨
#ნამუსკომბუჩა #ანატიკარაძე
