04/04/2022
❤BANNERA💛
La bannera siciliana è una di li chiù antichi di lu munnu. Nasci nni lu 1282, duranti la rivoluzioni di lu Vèspiru. La bannera è furmata d'un biculuri giarnu-russo cu, a lu centru, na trinacria. Lu giarnu rapprisenta Cunigghiuni, mentri lu russu Palermu, li dui cità chi pi primi si ribellaru a l'angiuini.
L'attuali bannera di la Regiuni Siciliana però havi li culuri nvirtuti e cu tonalità differenti, insemimenti a la trisceli ca, inveci d'aviri li sirpenti, havi na pocu di spichi di furmentu. La modìficazioni la fìciru pi rùmpiri ogni ligami cu lu perìodu preunitariu, quannu la bannera s'utilizzava di parti di li movimenti separatisti. La sustituzioni sirpenti-spichi simboleggia infatti l'unioni di la Sicilia a l'Italia, in qualità di granaru accussì comu a l'èpuca di li Romani.
Oji la bannera di lu Vèspiru è estremamenti importanti, pirchì rapprisenta non sulu la nostra storia ma puru a li novi siciliani chi, accussì comu li so' predecessuri, nun stannu fermi a subiri li prepotenzi di li duminaturi, ma si jùncinu arreri pi jittari fora a l'invasuri e restituiri prestigiu e libertá a la so terra e a lu pòpulu.
Traduzzioni di Accademia della Lingua Siciliana
