26/04/2023
Hoxe concentrámonos para denunciar a situación insostible na nosa Atención Primaria e na de todo Galicia.
Compartimos o noso manifesto con todos vós.
Moitas gracias por vir e mostrar o voso apoio como sempre.
Queremos agredecer a Cafeteria Pequenos por deixarnos o micro unha vez máis.
Gracias SOS Sanidade Pública por axudarnos a elevar as nosas queixas e denuncias no Parlamemto Galego a través la ILP. Gracias por darnos voz a todos e a todas.
Verín segue na loita!
MANIFESTO PARA AS MOBILIZACIÓNS EN DEFENSA DA ATENCIÓN PRIMARIA E A SANIDADE PÚBLICA
26 DE ABRIL
Estamos aquí hoxe para mostra ó noso apoio á Iniciativa Lexislativa Popular para Salvar e fortalecer a Atención Primaria, presentada no Parlamento de Galicia co apoio de mais de 40.000 firmas, é decir mais de 40000 persoas en toda Galicia que clamamos contra o desmantelamento da Sanidade Pública.
Un feito histórico na nosa comunidade que da boa conta de que, lamentablemente, o que estamos a padecer en Verín coa falta de pediatras, entre outros profesionais da sanidade, non é un caso illado.
É un feito que a Atención Primaria en Galicia está a sufrir un proceso de precarización e destrucción por parte da Administración.
A Plataforma SOS Sanidade Pública promoveu o pasado 12 de marzo unha gran manifestación en Santiago para a defensa da Atención Primaria e da Sanidade Pública Galega, xusto un día despois da nosa manifestación pola falta de pediatras que, unha rolda de presa con moitas promesas e dous meses despois segue sen remediarse.
A mobilización, celebrada na Praza do Obradoiro , foi apoiada por máis de 50.000 persoas, de diferentes ámbitos.
Esta enorme mostra de descontento co estado da sanidade pública galega foi respondida con desdén, desprezo e prepotencia pola Administración informando que se ían a Lalin a comer cocido.
Desde entón nada cambiou na política sanitaria galega: Continua a falta de persoal sanitario, seguen pechadas consultas e PAC, as listas de espera continúan crecendo e a xente enferma é tratada maioritariamente mediante consulta telefónica cando a hai. As únicas medidas adoptadas consistiron en pequenas melloras salariais para o persoal medico, suprimir acceso a prazas sen exame, pequenos cambios burocráticos ou suprimir a obrigatoriedade dá dedicación exclusiva do persoal do sistema publico, para beneficiar á privada.
No nosa caso concreto, o día 19 deste mes publicouse por fin no Dog a convocatoria das plazas de difícil cobertura pero o proceso real segue sen estar aberto, e mentres, nin unha soa medida de contención do problema... a administración carece de ideas, e recursos de xestión, que é polo que lles pagamos, e abandona ós nosos fillos a súa sorte, como esta semana que estamos de novo con un só pediatra.
Ata o de agora tiñamos unha dás mellores Atención Primas e Sanidades Pública do mundo, polo que perdelas será un desastre de consecuencias incalculables para a nosa saúde e a dos nosos fillos.
Ningún sistema, por forte que sexa, pode sobrevivir á falta de financiamento; a mala organización e xestión; aos recortes de persoal; ao abandono da atención integral; ao sometemento da Atención Primaria ás Xerencias Hospitalarias; en fin: a acabar coa participación social e profesional.
É necesario incrementar o orzamento en AP ata o 25% do total sanitario, recuperar e incrementar o persoal, incorporar novas categorías profesionais aos equipos , mellorar a dotación e equipamento dos Centros de saúde e PAC, equipamentos que unha vez houbo e que ou nunca se puxeron en funcionamento ou simplemente desapareceron, deso tamen sabemos ben no centro de Saúde de Verín.
O obxectivo da ILP é devolver á AP ó eixo do sistema e recuperar o seu carácter participativo e Comunitario para garantir unha atención integral e actuar eficazmente sobre os determinantes dá saúde.
Por todo isto seguimos na loita, por nós, polos nosos fillos e os seus dereitos: QUEMOS PEDIATRAS XA, SANIDADE PÚBLICA E DE CALIDADE XA.
