30/04/2026
Mañá venres 1 de Maio abre o prazo de solicitude das axudas do programa Marela!, de apoio á recría de Raza Rubia Galega da área de Rural da Vicepresidencia da Deputación de Lugo.
O Boletín Oficial da Provincia (BOP) de hoxe 30 de Abril publica as bases da convocatoria con axudas de 400 € por xovencas nacidas na propia granxa, que teñan acreditado o seu primeiro parto antes dos 36 meses e que estean inscritas no Rexistro Definitivo do Libro Xenealóxico de Raza Rubia Galega de ACRUGA (Asociación Nacional de Criadores de Gando Vacún Selecto de Raza Rubia Galega), incrementando o número de animais primables ata un máximo de 10 por beneficiario/a con respecto á convocatoria da anualidade pasada.
O prazo de solicitude de MARELA! é de 10 días hábiles, do 1 ao 15 de maio, ambos incluídos. Os formularios estarán dispoñibles na páxina web da Deputación de Lugo, na sección Medio Rural e Mar:
https://deputacionlugo.gal/gl/node/81633
No caso das persoas físicas, poderán elixir presentar a solicitude por vía electrónica ou presencialmente no Rexistro da Deputación de Lugo.
Para as persoas xurídicas, o trámite será unicamente por vía electrónica.
Na anterior convocatoria de 2025, un total de 273 ganderías da provincia de Lugo recibiron estas axudas do programa MARELA! da Vicepresidencia da Deputación de Lugo para a promoción e potenciación da Raza Rubia Galega, para un total de 577 reprodutoras de "Raza Rubia Galega" beneficiarias das axudas.
A Vicepresidencia da Deputación reforza as axudas directas a granxas que críen razas autóctonas, incrementando o orzamento de 250.000 a 400.000 euros e incorporando unha nova liña de subvencións, o programa MORENAS!, dirixido á preservación das razas bovinas Cachena, Caldelá, Frieiresa, Limiá e Vianesa e das razas "Ovella Galega" e "Cabra Galega", consideradas en risco de erosión xenética. As bases das axudas do programa MORENAS! serán publicadas no BOP do vindeiro 20 de Maio.
O deputado Daniel García, responsable provincial da área de Rural da Vicepresidencia da Deputación de Lugo encadra os dous programas "no apoio a conservación e promoción das razas autóctonas, incentivando con esa achega económica a conservación e a mellora
