Amásame Bakery Lab

19/06/2026

Que ganas de que llegue ya!!!

🤘⚓ ARMADIÑOS, EMPEZAMOS! ⚓🤘

Mañá volvemos xuntarnos para dar o pistoletazo de saída ao Armadiña Rock 2026.

Queremos compartir este momento con toda a xente que leva anos facendo medrar este festival: veciñanza, colaboradores, amizades, artistas e, por suposto, os nosos Armadiños e Armadiñas.

📍 A Rualeira - Combarro
📅 Venres 19
🕣 20:30 h

Presentaremos oficialmente o festival, pero as ganas de troula son moitas polo que vos invitamos a celebrar con nos que o Armadiña Rock está de volta e xa queda menos para vivir unha nova edición.

🔥 3, 4 e 5 de xullo
🎸 Rock
🌊 Combarro
💙 Comunidade
🎉 Entrada de balde

Achegádevos, brindemos xuntos e demos a benvida ao verán máis armadiño. Teremos música e moitas ganas de reencontrarnos. ESPERÁMOSVOS!!!!

Combarro, non che falta nada!

15/05/2026

Hoxe cústanos atopar as palabras.

Hai apenas dous días faciamos 7 anos de Amasame, e hoxe recibimos este recoñecemento de Guía Repsol. Un Solete que nos fai moitísima ilusión, claro que si… pero que tamén nos fai parar un momento e pensar en todo o camiño andado.
Porque os premios son fermosos, emocionan e agradecémolos de corazón. Pero o verdadeiramente importante nunca foi iso.
O importante sodes vós.
As persoas que entrades cada mañá pola porta, as que facedes cola un domingo á choiva, as que recomendades o noso pan, as que nos acompañastes dende o primeiro día e tamén as que acabades de chegar. As que apostades polo pequeno comercio, polo traballo feito con tempo, coas mans, coa cabeza e co corazón.
Ningún premio vale máis ca esa confianza diaria.
Nestes 7 anos tivemos a sorte de recibir varios recoñecementos, pero se algo temos claro é que iso non nos fai máis importantes.Nin mellores. Seguimos sendo os mesmos: un pequeno equipo intentando facer as cousas o mellor posíbel cada día, aprendendo, equivocándonos, mellorando e traballando con honestidade.
Porque o noso oficio está no día a día. No madrugar. Na masa. No forno. Na atención. Na constancia.
E aí é onde de verdade está todo.
Grazas por acompañarnos nestes 7 anos. Este Solete tamén é voso. ☀️🖤