29/01/2026
🎭✨ É ENTROIDO EN NOIA | XL EDICIÓN ✨🎭
😍 Noia prepárase para vivir unha edición moi especial do seu Entroido, na que se recupera o mellor da tradición e se aposta por facer medrar a festa por toda a vila.
👇🏻 Deixámosvos cun repaso da programación!
🏁 Volvemos ás orixes co Paris Dakar tradicional.
O Entroido arrincará o venres 13 coa recuperación do Paris Dakar popular, o de sempre, pensada para saír en grupo, montar unha carroza artesanal ou disfrazarse e encher as rúas de ambiente, e remataremos con animación musical na Carpa da Alameda!
(consulta de bases na sede electrónica)
🎶🎉 Sábado 14: Noia converterase nun auténtico campo de festa.
Durante todo o sábado haberá música e animación por diferentes puntos da vila, para que o Entroido se viva na rúa, nos bares e nas prazas. A xornada culminará cun dos pratos fortes desta edición:
👉 “Noia con marcha: A Noia dos 90-00”, unha gran festa de Entroido na que faremos unha viaxe ao pasado para render homenaxe á Noia máis festeira, revivindo o ambiente dos anos 90 e 2000 e animando a todo o mundo a participar con disfraces inspirados nesas décadas.
🎤🎶 O domingo chega o Bingo de Entroido.
O domingo celebraremos un Bingo de Entroido, cita pensada para todos os públicos, con música, animación e moito ambiente festivo!
👧🧒 Luns: o Entroido é para os máis pequenos.
O luns será o Día do Entroido Infantil, cunha tarde chea de diversión con inchables, espectáculo, animación e desfile infantil de disfraces, para que nenos e nenas tamén teñan o seu gran protagonismo nestas festas.
⚰️🥁 O Entroido tamén se despide coa tradición do Enterro da Sardiña.
No mércores de cinza, Noia volverá vivir o seu Enterro da Sardiña, con charanga, chocolatada e o percorrido fúnebre máis divertido do ano, mantendo viva unha das tradicións máis arraigadas do Entroido.
🎉🎭 Venres 20: chega o gran Desfile de Entroido.
O broche final poñerao o Gran Desfile de Entroido (O Paris Dakar dos últimos anos!) cun percorrido polas rúas de Noia, música, ambiente festivos no que os participantes poderán optar a 7600 euros en premios!
(consulta de bases na sede electrónica)
🎊Vémonos nas rúas!
