Concello de Monforte de Lemos

Concello de Monforte de Lemos Monforte, cidade monumental e de servizos ¿Sabía que o chamado Escorial de Galicia está en Monforte?

Esta é unha das moitas sorpresas que lle agardan aquí, porque Monforte é unha cidade con importantes monumentos, museos e centros de interese, ademáis de hoteis, restaurantes, taperías, tendas e lugares para relaxarse despois dun día de excursións. Aquí encontrará tamén con facilidade, servizos que pode precisar durante as súas vacacións: bancos, hospital, farmacias, librarías, cine, tren, autobu

ses, etc. Ademais Monforte é a capital da Ribeira Sacra, un paraíso no interior de Galicia que merece a pena descubrir.

🚧 O Alcalde, José Tomé, anuncia unha nova actuación de mellora integral do Polígono Industrial do Reboredo.O Concello de...
20/06/2026

🚧 O Alcalde, José Tomé, anuncia unha nova actuación de mellora integral do Polígono Industrial do Reboredo.

O Concello de Monforte vén de licitar as obras de renovación do firme das rúas 1 e 2 do polígono, cun investimento de 150.000 euros e un prazo de execución dun mes.

A actuación permitirá mellorar preto de 7.500 m² de viario mediante o fresado do pavimento actual e a aplicación dunha nova capa de aglomerado en quente, ademais da adecuación de pozos, sumidoiros e sinalización viaria.

📅 As empresas interesadas poderán presentar as súas ofertas ata o 17 de xullo.

O rexedor destaca que esta obra súmase á ampliación prevista do polígono, á construción da nova depuradora e á mellora da rede de saneamento, dentro da estratexia municipal para impulsar o desenvolvemento industrial de Monforte.

💬 "Queremos poñer todo da nosa man para favorecer a implantación e o crecemento das empresas no noso municipio, e con isto facilitar o crecemento de Monforte en oportunidades económicas e, polo tanto, en poboación", conclúe.

👉 https://www.monfortedelemos.es/gl/novas/2026/alcalde-monforte-mellora-integral-poligono-reboredo-renovacion-firme-ruas-1-2

🎶 O Festival 'Festrad' puxo este venres o broche final ao curso da Escola Municipal de Música Tradicional de Monforte cu...
19/06/2026

🎶 O Festival 'Festrad' puxo este venres o broche final ao curso da Escola Municipal de Música Tradicional de Monforte cun concerto no Auditorio do Edificio Multiusos.

👏 Alumnas e alumnos das especialidades de Gaita, Percusión Tradicional Galega, Canto e Pandeireta ofreceron unha completa actuación interpretando pezas e ritmos tradicionais que forman parte do noso patrimonio cultural.

🎵 O Alcalde, José Tomé, acompañado por membros do Equipo de Goberno, asistiu a este acto e destacou o traballo desenvolvido ao longo do curso pola Escola Municipal de Música Tradicional.

👉 https://www.monfortedelemos.es/gl/novas/2026/alcalde-asiste-festrad-festival-fin-curso-escola-municipal-musica-tradicional

🎶🎵 A Escola Municipal de Música Tradicional do Concello de Monforte celebra este venres, 19 de xuño, o seu Festival de F...
18/06/2026

🎶🎵 A Escola Municipal de Música Tradicional do Concello de Monforte celebra este venres, 19 de xuño, o seu Festival de Fin de Curso: o ‘Festrad’ 🎵🎶

📅 Venres, 19 de xuño
🕣 20:30 horas
📍 Auditorio do Edificio Multiusos

🎼 No concerto participará o alumnado das actividades de Gaita, Percusión Tradicional Galega e Canto e Pandeireta, que interpretarán distintos ritmos tradicionais e pezas populares galegas, nunha mostra do traballo realizado ao longo do curso. 🥁🎶

👨‍👩‍👧‍👦 O ‘Festrad’ está aberto a toda a cidadanía, polo que desde o Concello convidamos a familias, veciños e veciñas a g***r desta celebración da nosa música tradicional.

👉 https://www.monfortedelemos.es/gl/novas/2026/escola-municipal-musica-tradicional-celebra-venres-festival-fin-curso-festrad

✨ O Alcalde de Monforte, José Tomé, inaugurou hoxe a nova Praza da Estación tras unha reforma integral que moderniza est...
18/06/2026

✨ O Alcalde de Monforte, José Tomé, inaugurou hoxe a nova Praza da Estación tras unha reforma integral que moderniza este espazo da cidade e mellora de forma significativa a súa accesibilidade e funcionalidade.

🤝 Esta actuación foi posible grazas ás xestións realizadas polo rexedor co ADIF, permitindo transformar a contorna da estación nun espazo máis cómodo, seguro e accesible para toda a cidadanía.

✅ O proxecto consistiu na renovación dos pavimentos e beirarrúas, construción de novas medianas axardinadas, reforzo e renovación da iluminación, rede de saneamento separativa, nova sinalización e equipamento urbano.

✅ A Praza conta agora con máis de 50 prazas de estacionamento organizadas con espazos para taxis, autobuses, carga e descarga e zona de recarga para vehículos eléctricos, así como espazo para autobuses, carga e descarga e acceso para ambulancias.

🌲 O Alcalde indicou que nas medianas axardinadas plantaranse árbores entre farola e farola para crear zonas de sombra. Esta actuación farase previsiblemente no mes de novembro, por ser mellor época para garantir que a plantación teña éxito.

Esta actuación desenvólvese de forma paralela ás obras de mellora da accesibilidade realizadas por ADIF na estación, nun investimento conxunto superior aos 2 millóns de euros financiados con fondos europeos do Plan de Recuperación, Transformación e Resiliencia.

🗣️ José Tomé destacou que “abrimos un espazo modernizado e moito máis funcional ao servizo de toda a cidadanía” e subliñou que “estamos ante unha obra moi importante para seguir mellorando a nosa cidade con proxectos transformadores que benefician ao conxunto da veciñanza”.

👉 https://www.monfortedelemos.es/gl/novas/2026/alcalde-inaugura-praza-estacion-monforte-renovacion-integral-modernizado-funcional

O Alcalde de Monforte, José Tomé, asistiu este mércores á clausura do Programa Activa 2025-2026, unha iniciativa destina...
18/06/2026

O Alcalde de Monforte, José Tomé, asistiu este mércores á clausura do Programa Activa 2025-2026, unha iniciativa destinada a promover o envellecemento activo, a participación social e o benestar das persoas maiores de 55 anos.

O evento tivo lugar na Praza de Abastos coa asistencia de usuarios e usuarias, familiares, monitores e representantes municipais.

👏 Preto de 800 persoas participaron no programa nesta edición, converténdose na máis numerosa da historia do programa.

💬 Durante o acto, o Alcalde destacou que “o Programa Activa é unha iniciativa prioritaria para o Concello porque, ademais de fomentar a aprendizaxe e os hábitos saudables, permite tecer lazos de amizade e compañeirismo entre os participantes”.

💃 🧵 A xornada contou con exhibicións de baile, exposicións dos traballos de manualidades realizados durante o curso e unha merenda de convivencia para celebrar os logros acadados ao longo dos últimos nove meses.

❤️ As enquisas realizadas reflicten un alto grao de satisfacción entre os participantes, que destacan os beneficios do programa para combater a soidade non desexada, mellorar a saúde física e emocional e favorecer novas relacións de amizade.

📅 O Alcalde avanzou que o Concello xa traballa na próxima edición do Programa Activa 2026-2027. O prazo de solicitudes abrirase previsiblemente en setembro para iniciar as actividades a mediados de outubro.

👉 https://www.monfortedelemos.es/gl/novas/2026/clausura-programa-activa-2025-2026-mais-participativa-800-persoas-inscritas

🏆✨ O Concello de Monforte premia o esforzo e dedicación de deportistas, clubs e persoal adestrador, técnico e de arbitra...
18/06/2026

🏆✨ O Concello de Monforte premia o esforzo e dedicación de deportistas, clubs e persoal adestrador, técnico e de arbitraxe da cidade✨🏆

O Alcalde, José Tomé, ven de anunciar a data da Gala do Deporte de Monforte, que terá lugar na Casa da Cultura Poeta Lois Pereiro o vindeiro 26 de xuño, ás 20.30 horas.

👏 No evento daranse a coñecer os gañadores e gañadoras en cada unha das categorías do certame. Nesta edición, presentáronse 40 candidaturas

👉 https://www.monfortedelemos.es/gl/novas/2026/gala-deporte-monforte-celebrarase-26-xuno-premiar-esforzo-deportistas

🏆 O Concello de Monforte destina 12.000 € en axudas para clubs deportivos que participen en Campionatos de España, Europ...
17/06/2026

🏆 O Concello de Monforte destina 12.000 € en axudas para clubs deportivos que participen en Campionatos de España, Europa e Mundiais.

📅 O prazo para solicitar estas subvencións está aberto desde hoxe, 17 de xuño, ata o 13 de outubro de 2026.

O Alcalde, José Tomé, destacou que “o deporte monfortino vive un momento moi bo e son varios os clubs que se clasifican para participar en campionatos nacionais e internacionais”. Con estas axudas, engade, “queremos contribuír a que poidan acudir a estas competicións, xa que somos conscientes do esforzo económico que isto supón”.

✅ Poderán beneficiarse asociacións e clubs deportivos de Monforte legalmente constituídos e inscritos no Rexistro Municipal de Asociacións Deportivas.

💶 As axudas permitirán sufragar gastos federativos, de inscrición, desprazamento, aloxamento e manutención relacionados coa participación en campionatos de España, Europa e do mundo.

📲 As solicitudes deberán presentarse por medios electrónicos.

👉 https://www.monfortedelemos.es/gl/novas/2026/concello-monforte-12000-axudas-clubs-deportivos-campionatos-espana-europa-mundiais

O Concello informa da apertura do o prazo para solicitar as axudas destinadas á celebración de festas de barrios e parro...
17/06/2026

O Concello informa da apertura do o prazo para solicitar as axudas destinadas á celebración de festas de barrios e parroquias de Monforte en 2026.

✅ A contía global destinada a esta convocatoria é de 25.000 € para apoiar as festas populares de carácter tradicional.

💶 Cada barrio ou parroquia poderá optar a unha axuda de ata un máximo de 1.000 € por anualidade.

📅 O prazo de presentación de solicitudes está aberto ata o 30 de outubro de 2026.

📌 Entre os requisitos para acceder á subvención, é imprescindible contar coa autorización municipal para a celebración da festa.

📄 Xunto coa solicitude deberán presentarse os documentos establecidos nas bases reguladoras, que poden consultarse na páxina web do Concello.

Máis información e bases completas na web municipal.

👉 https://www.monfortedelemos.es/gl/novas/2026/aberto-prazo-solicitude-axudas-festas-barrios-parroquias-monforte-2026

👷‍♀️📚 O Alcalde de Monforte, José Tomé Roca, deu a benvida aos 20 alumnos e alumnas do Obradoiro Dual de Emprego A Pingu...
17/06/2026

👷‍♀️📚 O Alcalde de Monforte, José Tomé Roca, deu a benvida aos 20 alumnos e alumnas do Obradoiro Dual de Emprego A Pinguela III, que se desenvolverá durante os próximos 9 meses na Escola Obradoiro de A Pinguela.

O programa, promovido polo Concello de Monforte e financiado pola Consellería de Emprego, Comercio e Emigración, combina formación teórica e práctica remunerada nas especialidades de:

🪵 Carpintería e moble
🧱 Pavimentos e albanelería de urbanización

A iniciativa conta cun investimento de 526.576 € e permitiu crear 24 postos de traballo durante 9 meses, entre alumnado e persoal docente e administrativo.

Ademais, inclúe incentivos á contratación, de xeito que o alumnado terá a posibilidade de optar a un posto de traballo noutra empresa durante un período mínimo de 3 meses.

O alumnado levará a cabo actuacións de mellora nas instalacións da Escola Obradoiro A Pinguela, así como de restauración da zona afectada polos incendios forestais do ano 2025, concretamente no contorno dos locais sociais de Moreda e de Seoane.

👏 O Alcalde animou a todos os participantes a aproveitar esta oportunidade para adquirir cualificación en sectores con alta demanda laboral.

👉 https://www.monfortedelemos.es/gl/novas/2026/alcalde-benvida-alumnado-persoal-obradoiro-emprego-pinguela-24-postos-traballo-monforte

💡Por fin a ronda urbana terá iluminación pública grazas ao Concello de Monforte.🚧 Hoxe comezaron as obras para dotar de ...
16/06/2026

💡Por fin a ronda urbana terá iluminación pública grazas ao Concello de Monforte.

🚧 Hoxe comezaron as obras para dotar de iluminación pública a ronda urbana, entre a rotonda do Peregrino e a rúa Ourense, un vial de titularidade da Xunta de Galicia que foi inaugurado hai xa 19 anos, pero que aínda carece de luminarias.

🌙 Tamén se actuará no paseo fluvial do río Cabe, na zona de Ramberde, mellorando a seguridade, a accesibilidade e o desfrute destes espazos en horario nocturno.

As novas luminarias incorporan tecnoloxías sostibles, con sistemas de enerxía solar que contribúen ao aforro enerxético e ao coidado do medio ambiente. 🌍♻️

O Alcalde, José Tomé Roca, supervisou o inicio dos traballos e destacou que esta actuación permite dar resposta a unha necesidade pendente desde hai case dúas décadas, ao tempo que se modernizan as infraestruturas urbanas da cidade.

👉 https://www.monfortedelemos.es/gl/novas/2026/ronda-urbana-monforte-iluminacion-publica-grazas-concello

Dirección

Campo De Santo Antonio S/n
Monforte De Lemos
27400

Página web

Notificaciones

Sé el primero en enterarse y déjanos enviarle un correo electrónico cuando Concello de Monforte de Lemos publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.

Atajos

Compartir