08/07/2026
El é Jorge. ❤️
Chegou a Etel&pan en outubro de 2025, ao remate da tempada pasada, e desde entón forma parte desta pequena gran familia.
Estudou cociña por vocación. Foi durante o confinamento de 2020 cando descubriu que ese era o seu camiño, e decidiu apostar polo que realmente lle facía ilusión.
Para min ten un significado moi especial. É o meu sobriño e, con el, xa son cinco as xeracións de hostaleiros da familia Lestón de Sardiñeiro. Ver como esa paixón polo oficio continúa é un orgullo difícil de explicar.
A súa primeira oportunidade chegou da man de Brais, en , que confiou nel cando estaba dando os seus primeiros pasos. Iso nunca se esquece. ❤️
Cando abrimos Etel&pan, alá polo 2015, Jorge acababa de cumprir 12 anos. A foto é dese día, saboreando a súa primeira hamburguesa no Etel&pan. Quen nos ía dicir que, uns anos despois, estaría ao outro lado da barra, compartindo cociña con nós.
Hoxe traballa comigo e con Etel na nosa pequena cociña de apenas 2 × 1 metros. Un espazo pequeno, pero cheo de ilusión, aprendizaxe, esforzo e moitas ganas de facer as cousas ben.
É moi novo e ten toda unha vida por diante, moitas experiencias que vivir e moitos soños que cumprir. Non sabemos canto tempo compartiremos este camiño, pero mentres estea con nós desfrutaremos de cada día. Sentímonos moi afortunados de poder velo medrar como profesional e, sobre todo, como persoa.
Grazas, Jorge, por formar parte desta aventura. Estamos moi orgullosos de ti. 🤍
