10/02/2021
Comunicado de peche definitivo. Hai tres anos que nos embarcamos nun proxecto moi ilusionante porque era un proxecto para Betanzos e os Betanceiros. O proxecto tiña en conta a promoción da historia da nosa Cidade a través dos seus diseños. Algo moi noso porque sempre pensamos que Betanzos tiña e ten moito que ofrecer tanto aos betanceiros coma aos foráneos. A aposta foi sempre local, é dicir, contamos con magníficos diseñadores locais que souberon adaptar os diferentes elementos arquitectónicos aos diferentes produtos que ofrecía QUINCE300 e apostamos por produtos de calidade sempre pensando que os distintos elementos arquitectónicos de Betanzos, o merecían.
Lamentablemente as circunstancias tanto personais, como derivadas da situación económica na que nos atopamos, lévanos a pechar
definitivamente a nosa tenda online que deixará de estar operativa
o 16 deste mes.
Queremos despedirnos dando as grazas a todas esas persoas que
fixestes que QUINCE300 fose posible. Grazas aos nosos colaboradores, ilustradores, diseñadores. Grazas á nosa casera que tantas facilidades e axuda nos ofreceu para levar isto a cabo, grazas a toda esa xente que dende as redes e dende distintos lugares nos felicitaban e animaban polo proxecto, pero sobre todo GRAZAS aos betanceiros e as betanceiras pola confianza depositada durante estes anos. Sen vós
non houbera sido posible.
“As veces as cousas non saen como un espera posto que as circunstancias sobrevidas son moitas veces difíciles de capear, pero cando recibes tantas mostras de cariño e parabéns polo traballo realizado, compensa sobradamente”
Sempre agradecidas
❤️
