Talako Kantinaren proiektuak lau ardatz nagusi ditu: tokikotasuna, ingurumena, kultura eta kooperatiba.
{Hurrekoa eta Kalitatezkoa}
Hurreko ekoizleak ezagutzeko lana hartzen dugu, kalitatezko produktuak eskaini ahal izateko, sasoikoak, ekologikoak, bereziak, kilometro gutxira elaboratzen direnak.
{Ingurumenaren Talaia}
Kostaldearen gainean dagoen belartza zoragarri batean kokatuta gaude eta gure inguruaz maiteminduta bizi gara. Egunetik egunera, terraza gero eta garbiago uzteko konpromisoa hartu dugu: energia berriztagarriak erabilita, hondakin gutxiago sortzen, organiko gehiago berrerabiltzen, plastikoa apurka desagerrarazten, kontzientziazio lana egiten...
{Kulturaren Topalekua}
Urtero, 40 ekimenetik gora hartzen ditugu Kantinan. antolatzen ditugu astero, udazkenetik udaberrira: hitzaldiak, errezitalak, akustikoak, dastaketak, proiekzioak... Eta jaialdia muntatzen dugu abuztuaren lehen zapatuan. Formatu txikiko ekitaldiak, baina plazer handikoak.
{Ekonomia Soziala}
Kooperatiba sortzeko erabakia hartu dugu, lana eta irabaziak zelan antolatu beharginon artean erabakitzeko. Egunez lan egin eta gauez deskantsu hartzen dugun ostalaritza-proiektua gara, bizitza erdigunean jartzen duena, merkatuaren korronte ilogikoei kontra egiten diena, gure tikian eta ahal dugun erritmoan, ikasteko askorekin eta gogotsu. Horizontea daukagu aurrean (gero eta hurreago).
