https://www.facebook.com/492784524593611/

Mamy Kitchen, cairo, Nasr City (2026)

03/05/2020

وجبات الخير من mamy kitchen
ربنا يزيد الخير في شهر الخير 🌙📿
#حلويات
em

01/05/2020

قبل الفطار فالسرييييع

طريقة للسوبيا بس معدلة شوية

اول حاجة بنجيب نص كوب جوز هند مجروش
و دا نقطة اختلاف عندي و بين الوصفة الاصلية
لو حد بيحبه يجي بالكبة او مطحنة هيطحنه شوية
لو مش حابيين زايي
نحط الجوز الهند فالخلاط عليه بق مية
و عليه كوباية و نص مية و نص كباية سكر
و نضرب ضربا فشيخا مبرحا
و بعدين نصفيه ف مصفة ضيقة

دا خلاصة عصير الجوز هند

"منرميش التفل طبعا بنستخدمه ف حاجات تانية عادي جداا "

و بعدين بعد ما صفناه هنرجع العصير فالخلاط بعد ما نشطفه
عليه كوبايتين لبن و نص معلقة صغيرة فانيليا و معلقة و نص
كريم شانتيه باودر

" انا بجيها من محلات مستلزمات الحلواني و بستخدمها فالطبيخ و الحلو و في بتاعت دريم برده"

و نضرب تاني ضرب مبرح
و الف هنا و شفا سوبيا بيتي و مغذية
و لا رز ولا نشا ولا زروطة 😍

01/05/2020

طلبات اليوم 🤩
المحشي طلب أساسي من mamy kitchen
رمضان كريم عليكم
healthyrecipes #حلويات
em

21/04/2020

اثناء تحضير الجريمة النجرسكو
من mamy kitchen
هتعوم في بحر الحلاوة 😍😍
#حلويات
em

19/04/2020

السينابون من mamy kitchen
رمضان كريم عليكم
#حلويات
em

18/04/2020

الحواوشي علي اصله من mamy kitchen
رمضان كريم عليكم
#حلويات
em

31/03/2020

‏‎إكلير بالكاستر وصوص الشوكولاته 😋😍

‏‎مقادير العجينه ⬇️
‏‎- كوباية دقيق
‏‎- كوباية مياه
‏‎- ربع كوباية زبده
- ‏‎3 بيضات
‏‎- معلقه صغيره فانيليا سايله
‏‎- نص معلقه صغيره ملح

‏‎مقادير حشوة الكاستر ⬇️
‏‎- كوباية لبن
‏‎- صفار 3 بيضات
‏‎- رشة ملح
‏‎- نص معلقه صغيره فانيليا سايله
‏‎- ربع كوباية سكر
- ‏‎2 معلقه كبيره نشا

‏‎مقادير صوص الشوكولاته ⬇️
‏‎- ربع كوباية كريمة خفق
‏‎- نص كوباية شوكليت شيبس او شوكولاته خام
‏‎- معلقه صغيره عسل
‏‎- معلقه صغيره فانيليا سايله

طريقة التحضير ⬇️
‏‎- اول حاجه نجهز الحشوه، نسخن كوب اللبن على النار لحد ما يسخن شويه بس مش هنخليه يغلي.
‏‎- في طبق غويط نخفق صفار البيض مع السكر والنشا والفانيليا ونركنه على جنب.
‏‎- نحط اللبن على الصفار مع التحريك السريع بالمضرب السلك.
‏‎- نحط الخليط على النار ونقلب بس لحد ما الكتل تختفي ويتقل.
‏‎- نرفعه من على النار ونسيبه لحد ما يبرد ولازم نغطيه بنايلون ستريتش او كيس بلاستيك عشان مايعملش قشره ويفضل كريمي.
‏‎- في طبق على النار نحط المياه مع الزبده لحد ما تغلي.
‏‎- ننخل الدقيق ونضيفله الملح وننزل بيه على المياه والزبده مره واحده ونقلب بسرعه بمعلقه خشب لحد ما الدقيق يختفي خالص والعجينه تبقا متماسكه.
‏‎- نرفعها من على النار ونسيبها تبرد حوالي 5 دقايق.
‏‎- نحط بيضه واحده مع معلقة الفانيليا ونخلطهم كويس لحد ما البيضه تختفي.
‏‎- نحط البيضه التانيه ونقلب لحد تختفي والبيضه التالته بنفس الطريقه.
‏‎- نسخن الفرن على 200 درجه.
‏‎- نجهز صينيه كبيره ونفرد فيها ورق زبده
‏‎- نشكل العجينه بايدينا بالطول زي العيش الفينو او نحط العجينه في القمع ونشكلها صوابع طويله ونرصها في الصينيه.
‏‎- ندخل الصينيه الفرن على درجة حراره 200 لمدة 25 : 30 دقيقه وبعد مايستوي ولونه يبقا دهبي نطفي الفرن ونسيبه 5 دقايق والفرن مطفي ومقفول وبعدين نخرجه من الفرن ونسيبه يهدا خالص.
‏‎- نفتح صوابع الإكلير بسكينه مشرشره من الجنب زي السندويتش ونحشيها بالكاستر باستخدام القمع.
‏‎- تجهيز صوص الشوكولاته للتزيين: نخلط الكريمه مع العسل والفانيليا ونحطها على النار لحد ما تسخن، نرفعها من على النار وننزل عليها بالشوكليت شيبس او اي نوع شوكولاته تحبوه ونقلب بسرعه لحد ماتدوب خالص.
‏‎- نغطي صوابع الإكلير من فوق بصوص الشوكولاته ولما الصوص ينشف على الاكلير ممكن تسيحوا شوكولاته بيضا على حمام مائي وتعملوا بيها
خطوط زي مانتوا شايفين كده وبالهنا والشفا

جربوها هتعجبكوا اوووي بجد 😍
؜
healthyrecipes #حلويات
em

29/03/2020

فتة شوارما🤭
ابدعي في الحظر 😎👩🏻‍🍳
أول حاجة من قبلها بيوم هنتبل نصف كيلو صدور متقطع شرائح مع بصلة و ربع كوب خل و معلقة صغير فلفل و معلقة ملح و بابريكا و نسيبهم ليلة فى التلاجة ..

تانى يوم بقا نشوح بصلة صغيرة فى معلقتين زيت و بعدين الفراخ نشيلها من التتبيلة و نحطها معاهم ١٠ دقايق عل نار متوسطة

و نضيف بعد كدا ٢ طماطم مقطعة و نسيب الفراخ تستوى ع نار هادية.. الرز بقا ٢ كوب رز بسمتى نشوحهم مع معلقتين سمنة كبار نضيف معلقة كبيرة ملح ، كركم و م. صغيرة من (بهارات ،بابريكا، فلفل،بدرة ثوم، بدرة بصل ) نقلبهم كويس

و نضيف ٣ أكواب و نصف من الماء نعلى النار و تغطى الحلة أول م المياة تغلى نقلب الرز و نوطى النار و نغطيه لحد م يستوى ..

رغيفين عيش شامى نقطعه مربعات و نقلبه فى معلقة سمنة لحد م يتحمص..التومية بقا ٥ معالق كبار مايونيز+علبة زبادى كبيرة+م.ك بدرة ثوم+ م.ص ملح و فلفل نقلبهم مع بعض كويس ..

نقدمه بقا طبقة من العيش بعدها الرز بعدها الشاورما و اخيرا التومية 😍 الكمية دى تعمل ٣
أطباق زى الصورة كدا ❤ يا رب تعجبكم😍😍🤭

؜
healthyrecipes #حلويات
em

28/03/2020

الحظر عايز ايه عايز كيكه اسفنجيه ابدعي في مطبخك☺️

المقادير
- دقيق : 2 كوب
- البيض : 6حبات (كبير الحجم)
-حليب: كوب
- السكر الناعم : كوب
- النشاء : ملعقة كبيرة
- بيكنج بودر : ملعقة كبيرة
- الفانيليا : ملعقة كبيره
طريقة التحضير
1. جهزي قالب الكيك بدهنه بالزيت ورشة من دقيق وسخني الفرن على حرارة 180 درجة.

2. قلبي الدقيق مع النشا والبكينج باودر.

3. اضربي الحليب و البيض والفانيلابالمضرب الكهربائية.

4. أضيفي السكر بالتدريج لخليط البيض ثم أضيفي مزيج الدقيق والنشا بالتدريج مع الضرب البطيء حتى يتجانس الخليط ويبقي كريمي.

5. صبي المزيج في الصينية المجهزة مسبقاً حطيه في الفرن المجهز لمدة ساعة .

6. سيبي الكيكة تبرد بعدين احشيها وزينيها بالطريقة اللي تحبيها .

جريوها هتعجبكوا اوووي بجد 😍
؜
healthyrecipes #حلويات
em

25/03/2020

عشان زهق Mamy kitchen هتنزلكم كل يوم وصفه عشان تبدعي في مطبخك

بطاطس كريسبي زي المطاعم بالظبط 😍👏

ـــــــــــــــــــــــــــــــــــــــــــــــــــــــــــ
المقادير سهله جدا..... بطاطس متقطعه صوابع
خمس معالق دقيق
معلقه نشا
ملح وفلفل وببريكا وتوم بودر وبصل بودر
ماء حسب سمك الخليط
طبق ف دقيق تاني
ــــــــــــــــــــــــــــــــــــــــــــــــــــ
التحضير
ماء بيغلي ع النار هنحط البطاطس لمده خمس دقايق... هنشيل البطاطس ونحطها ف ماء ساقع... هنحط البطاطس ف الدقيق.. وبععد كدا الخليط... ونرجع نحط ف الدقيق تاني وع زيت سخن لحد م تحمر ❤
جريوها هتعجبكوا اوووي بجد 😍
؜
healthyrecipes #حلويات
em

23/03/2020

معجنات mamy kitchen

اخبار العزل معاكم ايه
هو ده العزل عند mamy kitchen
خليك في بيتك و الاكل علينا كل حاجه مغسوله بدرجة حرارة عالية و مطهره كويس و ايدك هي اول ايد هتلمس الاكل خليك معانا في اكل صحي و مضمون ١٠٠٪؜
healthyrecipes #حلويات
em

Mamy Kitchen

03/05/2020

01/05/2020

01/05/2020

21/04/2020

19/04/2020

18/04/2020

31/03/2020

29/03/2020

28/03/2020

25/03/2020

23/03/2020

Address

Website

Alerts

Shortcuts

Share

Category