Let's cook

23/08/2020

البانية السريع💜💜💜
كلنا بنحب البانية بس بنستتقل الخطوات التلاتة بتاعة الدقيق ثم البيض ثم البقسماط دة بعد التتبيلة🤷‍♀️
طيب نجرب الطريقة السهلة
التتبيلة:
علبة زبادى/بيضة /معلقة كبيرة بصل بودر/٣ معالق كبيرة خل/معلقة صغيرة من ملح/بابريكا/مرقة دجاج فورية/نص توم بودر /نص شطة/نص زنجبيل/ربع كوب مية
نقلب وننزل فيها البانية
الكفر الخارجى دقيق بسسس
نطلع البانية للدقيق ونرجع تقليبة فى التتبيلة ونرجعة للدقيق ونقلية علطول بس كدة
المكرونة:
فى حلة معلقتين زيت وننزل ب٣ معالق صلصة ومكعب مرقة يتسبمو ننزل بالمية والملح والفلفل تغلى ننزل بالمكرونة ونسويها تسوية الرز بس كدة🤷‍♀️
عايزة تغيرى التسبيكة يبقى بصلة و٣ طماطم و١ فلفل وو٢ فص توم وفى الخلاط وتنزليهم على الزيت يتسبك تضيفى معلقة صلصة والمية والملح والفلفل وبرضو المكرونة وتسوية زى الرز وبالف هنا
مفيش اسرررع من كدة🤷‍♀️

20/08/2020

الجمبرى الكريسبى💜💜

15/08/2020

حد بيحب المقلوبة ولا انا لوحدى بس الى بحبها؟؟🤷‍♀️🤷‍♀️

15/08/2020

https://youtu.be/4pcjBawPau4

السنابون ٤ كوب دقيق ٢ بيضة معلقة كبيرة خميرة فورية ٢ ملعقة كبيرة زبدة ملعقة صغيرة بيكنج بودر ذرة ملح كوب حليب دافىء ٢ ملعقة سكر الصوص ٦ قطع جبنة كيرى او مثلث...

14/08/2020

مساء الجمعة لازم يكون مميز ان شاء الله💜
سينابون 🤷‍♀️
المقادير:
٤ كوب دقيق
٢ بيضة بحرارة الغرفة
٢ معلقة زبدة كبيرة بحرارة الغرفة
معلقة كبيرة خميرة فورية
معلقة صغيرة بيكنج بودر
كوب ونصف حليب دافىء قابل للزيادة حسب احتياج العجين
ذرة ملح
معلقتين كريم شانتية خام ان وجد مش ضرورى بالوضفة ولاكن اضافة جميلة
٢ معلقة سكر كبيرة
نضع السكر والخميرة على الحليب الدافى واول مايخمر نضيف الزبدة والبيض ونخفق جيدااا ثم الدقيق والبيكنج بودر والكريمة والملح ونعجن جيدااا وتترك لتخمر
فرد العجينة:
نفرد العجينة بشكل مستطيل سمكة نص سم
ندهنها زبدة بحرارة الغرفة ويكون سمكها ربع سم
نرشها بسكر وقرفة ومعلقة كاكاو ان وجد
وتلف رول وتقطع بطول ٥ سم
وترص بالصينية ويترك بينها مسافات لتخمر
وتترك لتخمر
التوبينج :
علبة كيرى او اى نوع مثلثات متوافر
نص علبة قشطة حلويات
نص كوب سكر بودر
٢ ملعقة زبدة
معلقتين او ٣ معالق حليب بودر
يضرب جيدا بالخلاط
ويزين بشيكولاتة دايبة او كراميل💜💜

14/08/2020

كبسة اللحمة:
المقادير ٣ كوب رز بسمتى منقوع لمدة ساعة فى مية(كدة بننقص من الشوربة لما يتنقع يبقى كوب الرز بياخد كوب ونص شوربة بس)
٢ طماطم مبشورة
٢ بصلة متوسطة مبشورة
٣ معالق صغيرة ممسوحة بهارات كبسة
معلقة صلصة طماطم
حبهان وورق لورى وعودين قرفة خشب
نص معلقة فلفل اسود
معلتين صغيرين ممسوحين ملح
زيت نباتى

الطريقة
نبشر البصل ونضيفلة زيت ونقلبة لما يصفر
نضيف الطماطم المبشورة والصلصة والبهارات المطحونة والسليمة لحد مايتسبكو
ونضيف الملح ونظبطة
ونضيف ٤ كوبايات ونص شوربة
اول ماتغلى نصفى الرز كويس جدا ونضيفة لما يتشرب الشوربة خالص نوطى النار ونسيبة لتمام السوا
نطفى النار ومنفتحش علية الا بعد ١٠ دقايق
ونحمر اللحمة ونضيفها فوقها وبالف هنا💜

12/08/2020

كبسة اللحمة ولا مندى الضانى؟؟🤔🤔🤔

12/08/2020

تشيكن ستربس♥️♥️
المقادير:
نص كيلو صدور دجاج متقطعة عريضة شوية ولكن السمك ١ سم
التتبيلة معلقة ملح صغيرة خفيفة ونص نعلقة فلفل
نص معلقة زعتر جاف صغيرة
معلقة صغيرة مرقة دجاج بودر.نص معلقة شطة اختيارى
ننزل عليهم بمية سخنة كوباية تطلع التيست
ننزل عليهم بشرايح الدجاج
يتنقعو ليلة كاملة
تانى يوم تطلعى ااشريحة على الدقيق ٥ تقليبات
تنزلى فى بولة ميةثانية وتطلعى عل الدقيق تانى
او ممكن بدل المية تنزليها فى مية تتبيلتها تقليبة سريعة جدا
وترجعيها تقلبيتين فى الدقيق تعمل الكفر الى يرضيكى وعلى زيت سخن جدا تاخد صدمة تهدى النار شوية
١٠ دقايق بتكون مستوية وبالف هنا

11/08/2020

دبس الرمان♥️♥️♥️
اجمل اضافة لطبخاتك طعم مميز واضافة صحية
نحطة على اية بالظبط؟؟
تتبيلات السلطة
تتبيلات المشويات
خلطة محشى ورق العنب
تحفة فى كل انواع الكبدة
تدهنية على الطيور قبل دخول الفرن ياخد لون مميز
تتبيلات الشاورما
الاكلات الصينية

11/08/2020

اهم من الطعم طريقة التقديم♥️♥️

11/08/2020

بسبوسة السينابون♥️♥️♥️
المقادير:
نص كيلو سميد بسبوسة
كوب سمنة على زيت
كوب حليب دافى مضاف الية معلقة عسل كبيرة
معلقة بيكنج بودر صغيرة
نص كوب سكر
ربع كوب جوز هند اختيارى
٢ ملعقة قرفة
يخلط السميد مع البيكنج بودر مع السكر مع جوز الهند مع القرفة ويبسس بالسمنة الدافية لحد ماتتشرب كل ذرة سمنة
يضاف الحليب ويقلب ويصب فى صينية مدهونة طحينة وعلى الفرن
الشربات ٢ كوب سكر
٢ كوب ماء
عصير نصف ليمونة توضع على النار وتترك تغلى لمدة ١٠ دقائق
الصوص للوجة:
علبة كيرى
نص كوب قشطة
نص كوب سكر
و٢ ملعقة كبيرة حليب مجفف
يضرب فى الخلاط ويوضع بعد تمام تبريد البسبوسة
ويزين بالكراميل او خطوط الشيكولاتة
وتدخل التلاجة لتمام التماسك
ملحوظة:البسبوسة تكون باردة والشربات سخن ♥️
طبعا قبل اخر طبقة

11/08/2020

https://youtu.be/bk7pOhH7poE

المقادير: كيلو لحم مفروم دهن قليل ٣ معالق كاتشب كوب فول صويا منقوع ومتصفى ملعقتين ملح صغيرة مملؤة ملعقة صغيرة فلفل اسود ملعقة صغيرة زنجبيل ٢ ملعقة صغيرة بصل ...