Mr.Pizza

Mr.Pizza ( دوق طعم الجودة ) دوق طعم الجودة

26/04/2026

😋🔥🔥

24/04/2026

محمد سيد ❤️

بودكاست قعدة مطعم

مستر بيتزا شارع القلل المعتمدية
شارع ناهيا بولاق الدكرور

للدليفري
01122359426

01127960034

23/04/2026

ربنا يوفقك يا حماده ❤️

استنونا قريب جداً في بودكاست جديد مع شباب الدليفري ❤️
23/04/2026

استنونا قريب جداً في بودكاست جديد مع شباب الدليفري ❤️

العميل اشترى اغلى بيتزا في بولاق 😇😇عميل جالنا بعد وقت الحظر دخل على الكاشير وقال انا طالب بيتزا سي فود رانش وعاوز استلم...
16/04/2026

العميل اشترى اغلى بيتزا في بولاق 😇😇

عميل جالنا بعد وقت الحظر دخل على الكاشير وقال انا طالب بيتزا سي فود رانش وعاوز استلمها وكان مستعجل

سئلته حضرتك طالب الاوردر باسم مين قالي محدش طلب مني اسم
( هنا شكيت وعرفت ان فيه حاجه غلط )

عندنا بناخد اسم العميل ورقمه حتى لو هتستلم الاوردر تيك وى
ومكانش فيه حد حاجز اي اوردر يجي يستلمه من المطعم

بلغته حضرتك متأكد انك طالب من مطعمنا قالي طبعاً انا مش باكل السي فود رانش غير منكوا

كنت مستغرب جداً من الثقة اللي بيتكلم بيها
قولتله لو سمحت بلغني بالرقم اللي اتصلت طلبت منه

العميل بيشوف تليفونه لقى نفسه طالب الاوردر من مطعم منافس قريب من منطقتنا

كان مصدوم وبلغنا انه من الاستعجال ماخدش باله وطلب الاوردر من مكان تاني
وصمم يطلب من عندنا الاوردر تاني نفس نوع البيتزا

ومن احترامه وامانته اتصل بالمطعم الاخر وشرحله الموقف عشان لو فيه امكانية يكنسل الاوردر لكن المطعم التاني كان جهزها

قام وبكل امانه واحترام واخلاق حول مبلغ الاوردر فودافون كاش للمطعم التاني عشان يطمنهم
ويعتبر دفع فوق ال 600 جنية في البيتزا

لما بشوف الموقف دا قارنته ببعض النصابين الاوساخ اللي بنتعامل معاهم احياناً ويقفل تليفونه بعد ما يعمل الاوردر او يكون نصاب وعامل كوبري عشان ينصب على الدليفري من خلال فودافون كاش

وبقول لسه الدنيا بخير وفيه ناس محترمه وعندها اخلاق ودين

كنت بشكر العميل على امانته وبلغته خلاص مش مهم يطلب مننا المرادي

صمم يطلب وقالي انا مش بتعجبني البيتزا السي رانش غير من عندك والمطعم التاني ملوش ذنب ودي غلطتي ❤️

انا مش عارف العميل اللي حصل معاه الموقف دا هيشوف البوست والا لا

لكن لو شوفت البوست بتاعنا فاحنا بنشكرك على امانتك واخلاقك وعاملين لحضرتك خصم هيعجبك على اوردرك الجاي من عندنا

واذا مشوفتش البوست بتاعنا فلو حضرتك شرفتنا في المطعم تطلب تيك وي هنعملك الخصم ان شاء الله ❤️

14/04/2026

الشباب دي بتفكرني زمان وانا مسافر
حبيت اعمل محشي كرنب كلمت اختي عشان مميزة بالمحشي وعرفت منها كل التفاصيل

وبعد لما خلصته بكل مراحله كنا بنضحك من القرف والعك اللي طلع معانا في الاخر مكانش فيه صباع واحد مظبوط 😅

كان عباره عن ورق كرنب بالرز عشان كنا بنلفه غلط

شرفونا يا شباب ونعلمكم تفردوها ازاي ❤️❤️

08/04/2026

التقدير مهم اوي يا جماعة ❤️

لو بتزهق من البوستات الطويلة منصحكش تكمل قرايه هحكي قصه عم ابو رباح هتاخد من وقتك 3 دقايق لكن هيفرقوا معاك كتير من 12 سن...
07/04/2026

لو بتزهق من البوستات الطويلة منصحكش تكمل قرايه

هحكي قصه عم ابو رباح هتاخد من وقتك 3 دقايق لكن هيفرقوا معاك كتير

من 12 سنة سافرت وكنت في بلد عربية وكنت شغال فيها مخالف واكتشفت الكلام دا وانا راكب العبارة وبعد لما كنت رايح ومتخيل اني مفروشلي الارض ورد 🌹

رحت لمجهول مفيش شغل
مفيش سكن مفيش ورق رسمي
وبقيت في البلد دي عايش زى المطارد وخايف من المفوضية
( حاجه زى الحى كدا عندنا ) بتمسك المخالفين وترحلهم لمصر

كنت شغال على (بصطة) زى الفرشات اللي تحت دائري ناهيا وكنت مهدد دايماً كدا كنت بياع شرابات وفلنات وجواكت ولبس اطفالي وحريمي وشكل لون

لهجة البلد غريبة عليا اسامي لبسهم مختلفة تماماً عننا
اسامي الالوان بتاعتهم مختلفة مجال لا افقه شئ فيه

بعد حوالي شهرين اتعرفت على ابو رباح

في خلال الشهرين دا كنت متبهدل جدا
اتنقلت حرفياً بين حوالي 10 سكنات واكتر
( غرف سكنية ) ( سده ) صندله في مطعم فراخ بسيط اوي
كلهم بلا استثناء اخر بهدله فوق سطوح غير آدمية نهائياً
ومقدرش افتح بوقي والا انطق كلمة على القرف اللي شايفه ما انا مش دافع حاجه

مكانش معايا فلوس ادفع نصيبي مع الناس في السكن وكنت زى الرحال اشيل شنطتي واشوف مين هيقعدني عنده يومين ببلاش

لحد لما اقبض اول قبض ليا وامسك فلوس

اشتغلت في محل ملابس بعد شهر وكنت بنام فيه الحمدلله على الهدوم في الارض
كل يوم صاحب المحل يقفل عليا الباب الساعه 11 بليل ويجي ولاده 8 الصبح يفتحوا عليا

مكتب العمل جه المكان وبقيت زى المطارد والشرطة وصلت المكان وفيهم واحد حطني في دماغه
وهربت في الفتره دي دخلت في حالة اكتئاب كبيرة كنت اتعرفت على عم ابو رباح اللي احتضني وقعدني معاه في السكن سعى كتير جداً يوفرلي فرص شغل كان بيخليني انام على الفرشه بتاعته مرتبه سفنج بسيطه كدا بس اكنى نايم على افخم مرتبة فندق مقارنة بالبهدلة اللي قبل كدا

كان يجبلي اكل معاه كل يوم وهو راجع من الشغل وبيبسي ويقعد معايا يحكيلي عن معاناته في البلد والصعوبات اللي قابلها وان الدنيا مش دايماً وردي وفيها تقلبات وانك لازم تصبر عشان توصل لهدفك

وكنت ابقى مرعرب امشي في الشارع من الخوف كان يقوي قلبي وينزلني نروح نقعد على البحر ويعرفني على ناس كتير في السوق ويقولهم دا ابن اختي
وانا مفيش اي صلة قرابة بينا

كان بيحفر في الصخر عشان يجبلي فرص شغل
ربنا كرمني بفرص شغل بعيد عنه وظروفي اتحولت بعد كذا سنة

وعم ابو رباح بعد لما كان صاحب فرشه كوتشات كبيرة حصله مشاكل ورجع اشتغل عند شخص من اهل البلد عرفت وحزنت جداً عشانه

وبقيت كل فترة

اروح اجيب اكل كل فتره اجيبله هدية واروح اشوفه فين واقعد معاه واصبرة وافكره هو عمل معايا ايه وساعدني ازاي ووقف جنبي وغير من حالتي النفسية وكان شايف اني حد عنده طموح بس الظروف رمته في مكان مش بتاعه

غيرت حوالي 4 محافظ

وصورة عم ابو رباح بنقلها معايا كل مرة أغير محفظه 12 سنه وصورته معايا بتفكرني بجدعنتة وشهامته ووقفتة جنبي

لو تعرف حد مسافر برا اعمله اشاره خليه يقولنا قصته ايه
تعالى مطعمنا بالباسبور بتاعك واحكيلنا قصتك في الغربه وليك خصم 10‎%‎
الخصم ليوم 15 ابريل

او لو اتغربت قبل كدا وفيه حد وقف جنبك وعمرك ما تنساه اكتبلنا في التعليقات قصتك

بحبكم
وبحب عم ابو رباح ❤️❤️❤️

دوق طعّم الجودة

مستر بيتزا المعتمدية القلل شارع ناهيا بولاق الدكرور

06/04/2026

🧀😋😋😋😋

حبايبنا عاملين ايه ❤️عاملين تقييم للمكان الجديد يخص الموظفين والمكان نفسه هل المكان عجبكوا ؟ ايه التحسينات اللي نحطها تخ...
05/04/2026

حبايبنا عاملين ايه ❤️

عاملين تقييم للمكان الجديد يخص الموظفين والمكان نفسه

هل المكان عجبكوا ؟
ايه التحسينات اللي نحطها تخليكوا تيجوا المكان وتكونوا مبسوطين ؟ ❤️

هل معاملة الموظفين كويسه وبيخدموك كويس داخل الفرع
هل مبتسمين ؟ هل فيهم حد معاملته سيئة ؟

الكول سنتر اللي بيرد عليك ياخد الاوردر هل اسلوبهم كويس ؟

موظفين الدليفري هل فيهم حد كلمك بقلة ذوق او بجاحه او قلة ادب ؟

هل فيهم حد طلب منك اي فلوس زيادة عن الفاتوره ؟
هل بيسلمك فاتوره مع الاوردر؟

ياريت متبخلوش علينا بتعليقكم ❤️

بنحبكم

وبنعرفكم اننا دلوقتي في فرع القلل بعد شارع الجزار بحاجه بسيطه المعتمدية ش ناهيا بولاق الدكرور

وشغاليين معاكوا تيك وي وصاله ودليفري لحد الساعة 8

وبعد 9 شغاليين دليفري وتيك وي من الفرع
ونوصل كل بولاق الدكرور والكفر والمعتمدية

ارقام التوصيل

01127960034

01122359426

بحبكم ❤️

31/03/2026

بمناسبة افتتاح فرعنا الجديد

محتاجين 2 مساعدين شيفات بيتزا
و 2 استيوارد

اجازات اسبوعيه
اجازات سنويه

حوافز شهرية للالتزام

الشروط

عدم التدخين
يفضل من سكان المعتمدية او بولاق الدكرور او برك الخبام

Address

ناهيا , 122 شارع ناهيا بولاق الدكرور
Giza

Opening Hours

Monday 3pm - 5am
Tuesday 3pm - 5am
Wednesday 3pm - 5am
Thursday 3pm - 5am
Friday 3pm - 5am
Saturday 3pm - 5am
Sunday 3pm - 5am

Telephone

+201127960034

Website

Alerts

Be the first to know and let us send you an email when Mr.Pizza posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Mr.Pizza:

Shortcuts

Share

Category