مطبخ كوكو

10/05/2023

♣️ تفاصيل صغيرة 👍👌
لو عملتيها هتوفر لك وقت و مجهود💪 و فلوس

يلا بينا👏👏

نصائح مطبخية
👇👇👇👇👇

❤-ملعقتين زبادى فوق الرز المعمر هيبقى جنان

❤-ملعقتين لبن مثلج مع البيض وأنتى بتعملى الفراخ البانيه عشان الزيت مايتحرقش

❤-لما تطبخى البسله أو الباميه حطى ٢ ملعقة توم مفروم وقلبى واطفى ريحه الأكل هتوصل للجيران

❤-أفرمى كميه ثوم كبيره وحطيها فى كيس وحدديه مربعات على اد الطبخه فى الفريزر تستخدميها

❤- عصير الجوافه أو الموز عليه نص ليمونه ميخلهوش يسود

❤- واحنا بنخزن الفراخ نقطع معاها شرايح ليمون ونحطها بعد ما تتصفي كويس فى كيس التخزين

❌- مانفتحش على الفول كتير أثناء التدميس الهواء هو اللى بيخلى القشرة بتاعته تسود وياريت يتسوى فى إناء فتحته ضيقة زى الدماسة عشان نقلل مساحة احتكاك سطحه بالهواء

❤- شوية خل فى مياه غسيل المواعين بتفرق كتير بتمنع التصاق الصابون وبتنضف وتطهر وتلمع المواعين

❤- فصين ثوم ع البسلة بتغير الطعم تماما للاحلي

❤- لحفظ الليمون نلف كل ليمونه فى ورق فويل او ورق جرايد ونحطهم فى علبه كده بيعيش مده اطول

❤- بعد ما نتبل البانيه نحطه فى البقسماط وعلى الفريزر نص ساعه هيتماسك معانا ومش هيفك ابدا واحنا بنحمره

❤- لو عندك كاتيل استانلس اغلي فيه مياه وملح ليمون حينضف ويبقي بيلمع

❌- اللحمه مش بيتحطلها ملح الا ف آخر نص ساعه وشوية سكر صغيرين ونص معلقة صغيرة بيكربوناتو لو اللحمه كبيرة بيساعدوا على التسويه بسرعه

❌- مانحطش زيت واحنا بنسلق المكرونة هنستخدمها فى بشاميل أو وايت صوص عشان بيزحلق الكريمة من على المكرونة وبتبقى كأنها مسلوقة

❤- البصل الأبيض للطبخ والأحمر للسلطات و الساندوتشات

❤- نشوح الفراخ بملح وفلفل قبل ما نضيف مياه الشوربه بتفرق جدا فى الطعم

❤- نضيف على عصير الليمون ربع كوبايه لبن بيبقي تحفه

❤- الطماطم بعد ما تتعمل بالخلاط بتتصفي من القشر والتفل عشان مايبقاش فيها طعم مرار

❤- للتخلص من اي دهون على البوتجاز كربانوتو وملح ليمون وخل بتشيل اي دهووون

❤ملعقة كبيرة توم مفروم بعد ماتخلصى الطبيخ قلبيها واطفى علطول من غير مايغلى ريحة الأكل هتوصل للعماره 👍دى بقى اسمها التحديقه

-❤ لو مش عاوزين الكفته تكش مننا نضيف معلقه بقسماط ونص معلقه بيكنج بودر عليها وبس كدا

❤وأنتى بتقلى السمك حطى نشا مع الدقيق وبعدين حطيه فى ماء مثلج بسرعة وحطيه فى خليط الدقيق والنشا تانى هيطلع مقرمش زي بتاع المطاعم بالظبط 🐟🐟

لا تنسونا فى الدعاء❤❤
أحبكم فى الله ❤

10/09/2022

10/09/2022

10/09/2022

10/09/2022

10/09/2022

15/01/2022

ده لينك قناتى التانيه للوصفات الطبعيهhttps://www.youtube.com/channel/UCjKzeM4gQ9aFhRPwTaCehZgدجاج كنتاكي بالطريقة الاصليه اسراردجاج كنتاكي سر الفراخ المقرمشه

12/05/2021

اصبغي شعرك للعيد لون بني بمكونات طبيعية وبدون اكسجين والنتيجة مذهلة وهتعجبكم جدا

11/04/2020

يشتهر المطبخ المصري بتقديم البيتي فور في عيد الفطر المبارك، وتُقدم لكِ اليوم "سوبرماما" طريقة عمل البيتي فور بالفانيليا والشوكولاتة، فجرّبيه معنا وشاركينا رأيك.