31/05/2026
فصل جديد في مشوار طبوش
اولا حابيين نشكر كل زبائن ومحبين طبوش اللي فاكريين اننا هنقفل وكانو زعلانين جداً
لكن اننا نقفل باذن الله دا مش هيحصل ولكن احنا بنعمل تصحيح مسار .
والمسار دا زي ما بدأتوه معانا حابيين تكملوه معانا ، الجميع لاحظ اننا مش جايين نبيع اكل للناس وخلاص ولكن حابيين نقدم قيمة وجودة تليق بالانسان من حيث نظافة وطعم وامانة ، لا نذكر ولا مرة نفوسنا ضعفت واستخدمنا مواد خام تضر او زبون يشتكي ان بطنه وجعته مثلاً لكن وارد جدا الاكل ك طعم ميعجبش كل الناس دي ازواق وطبيعة اي سوق .
احنا حاليا بتواجهنا مشكلة ان المكان الحالي غير مناسب لظروف التشغيل ودا مخلينا مش قادريين نوسع المنيو ونقدم خدمة افضل حتى لو كانت الخدمة اللي بنقدمها مُرضية بالنسبة للناس .
وبناءاً عليه قررنا نغير المكان ومعاه تتغير الطموح للاكبر والاحسن باذن الله
هنشتغل على منيو اكبر يلبي احتياجات محبيين طبوش - هنساعد امهاتنا في موضوع التسوية -هنقدملكم تتبيلات جاهزة للي حابب يجهز اكله فالبيت وهو متطمن - هنقدم نصايح وفيديوهات تفيد اي حد مقبل على بيزنس المطاعم او اي حد بيحب الاكل عموماً .
المرة دي هنكون بنبني كيان طبوش بالشكل الصح تجنبا لاي اخطاء سابقة ودا احنا مش بننكره ابداً ، نتمنى تكونوا متحمسيين تشوفوا طبوش بالشكل الجديد قريبا باذن الله
نسألكم الدعاء لنا بالتوفيق
مع تحياتنا - Tboosh Owners
احمد محسن - اسلام عاشور
