28/05/2025
_ خلصت خيانـ ـة وانبسطت يا ممدوح وداخل تدندن كمان كإنك راجع من حفلة عمر خيرت
= انتي عبيـ ـطة وللا إيه يا يسرية، خيانـ ـة إيه
_ إوعى تكـ ـدب لتولـ ـع وانت واقف ، والمايه قاطـ ـعة عن المنطقة كلها وهيبقى يوم أمـ ـك أسـ ـود من يوم طلاقها
= إيه جو الدجـ ـل اللي عاملاه في البيت دا يا يسرية، بقولك ايه انا جاي من الشغل تعـ ـبان وعايز انام
_ بطل كـ ـدب يا كـ ـداب ، سامحوه يا اسيادنا دا اهبـ ـل ومش فاهم حاجة ، دا ماشي بكارنيه الچيم
= يا وليـ ـه بطلي تخريف بقى كلتي دماغ أمي
_ براقع براقع ، مراقع مراقع ، فرتـ ـكـة فرتـ ـكة عالطبلة وعالسكسكة ، احضروا يا حراس الجـ ـن أقسمت عليكم بالعهود الشـ ـخرمانية وبر9ح الفنان حمود بيكا ، تعالى يا ممدوح يا ابن اعتماد
= إيه الرخـ ص دا ، انتي بتبهريني عشان عارفة اسم امـ ـي
_ لا وعارفة إسم امـ ـها هي كمان، فاتن بنت زينات
= إيه ؟؟
_ مش اسمها كدا برضو اللي كنت بتخـ ـوني معاها ، فاتن بنت زينات
= وانتي عرفتي ازاي يا يسرية
_ سامحوه ، دا عبيـ ـط وفاكر الاقصر وأسوان محافظة واحدة ، مش كنت عازمها عالغدا في زاكس مدينة نصر
= صح، بس انتي عرفتي منين؟
_ وهي، مش حاطة رنة تليفونها أماكن السهر بتاعة عمرو دياب
= يا نهار اسـ ـود، انتي طلعتي مخـ ـاوية بجد يا يسرية
_ مخـ ـاوية 11 عفـ ـريت بالاحتياطي بتوعهم ، وبخلص اليومين دول في 3 عفـ ـاريت من منتخب السنغال
= انا متجوز جليلة الطرابيشي وللا متجوز مانويل جوزيه وللا فيه ايه بالظبط
_ انت متجوز يسرية اللي هتحميك من الإنس والجـ ن يا خايـ ن يا اهبـ.ـل ، اقعد هنا قدامي
= حاضر
_ البـ ـت اللي بتخـ ـوني معاها دي عينيها زرقا وشعرها أصفر صح
= صح
_ بتخوني مع ندى بسيوني يا ابن الهـ ـرمة ، ماشي
= .......
_ لدغة في السين هي مش كدا ؟
= ايوه ، صح والله لدغة فعلا في السين دا انتي طلعتي واصلة
_ كانت متجوزة واحد اسمه أشرف ابن ليلى واتطلـ ـقت منه في 2014
= عليا الطـ ـلاق مدد
_ كله مكتوب هنا ما مندوح
= وعرفتي كمان انها بتقولي يا مندوح
_ انا عارفة عنك كل حاجة، انا بشوفك وانت في الشغل وبشوفك وانت في الحـ ـمام وبقرا افكارك المريـ ـضة يا مريـ ـض
= السماح يا ست الكل
_ هنشوف، بس خلينا في الأهم ، البـ ـت دي عاملالك عمل يا ممدوح
= عمل
_ عمل سفـ ـلي إسـ ـود ميطلعش منك غير بطـ ـلوع ر9حــك
= عملته امتى دا ؟
_ انت مش سيبتها النهارده وانتو في زاكس ودخلت الحمـ ـام
= ايوه حصل
_ حطيتلك هي العمل في الساندوتش بتاعك
= وعاملالي إيه في العمل دا
_ العمل دا هيخليك تصرف عليها كل فلوسك زي المجـ ـنون ، ولو بطلت يوم واحد بس تصرف عليها هتسـ ـخطك مروحة سقف Ata في محل عصير قصب في روض الفرج ، وهتفضل تلف لما يبانلك صاحب
= اه يا بنـ ـت الجـ ـزمة ، فعلا دي مدفعاني 2000 جنيه في خروجة واحدة
_ متقلقش يا ممدوح انا هفكلك العمل دا ، بس لازم تمضيلي على العهد دا
= دا انا امضي وابصم يا بركة ، بس خلصيني من العمل اللي هيخـ ـرب بيتي دا
_ مبروك يا دوحة ، العمل اتفك خلاص ، يالا بقى لم هدومك وشوفلك حتة بات فيها النهارده
= ليه القلـ ـبة دي يا يسرية
_ لا قلـ ـبة ولا قومة ، اللي انت مضيت عليه دا يا اهبـ ـل تنـ ـازل عن كل حاجة تملكها في الدنيا ، ما عدا هدومك بس
= طب ليه كدا يا ام العيال
_ عشان انت راجـ ـل اهبـ ـل وبريـ ـالة ، بص أي راجـ ـل خايـ ـن لازم يكون اهبـ ـل مش انت بس ، انت فاكر انك هتعرف تستغـ ـفل واحدة سـ ـت
= يعني انتي مش مخـ ـاوية
_ انا شغلت عليك 10 ٪ من دماغي بس ، تخيل لو شغلت الباقي هعمل فيك ايه
= وعرفتي منين اني بخـ ـونك مع واحدة اسمها فاتن
_ ظهرتلي من اسبوع على الفيس في أشخاص قد تعرفهم ، دعبست وراها شوية لقيتها عاملة كومنت على صفحة بتاعة محل عطور بتسأل على سعر برفيوم اسمها ليالي باريس
= عملتي ايه
_ روحت المحل مخصوص وشميت ريحة البرفيوم دي وعرفتها ، وبعد كدا شميتها في هدومك
= انا متجوز كلـ ـب بوليسي ، طب عرفتي منين ان امـ ـها اسمها زينات
_ كانت عاملالها كومنت على بوست قديم
= بس امـ ـها معندهاش فيس بوك
_ كان عندها في 2010
= هو انتي قـ ـلبتي في الأكونت لحد 2010
_ طبعا أمال عرفت اسم طليـ ـقها منين
= طب عرفتي ازاي انها لـ ـدغة في السين
_ كانت عاملة لايڤ في 2018
= طب عرفتي ازاي انها بتقولي يا مندوح
_ عشان ممـ ـحونة وفاكرة نفسها ماجدة الصباحي
= طب عرفتي ازاي اننا كنا في زاكس مدينة نصر
_ شوفت المنيو بتاع المحل في محفظتك من شوية
= يا بنت الجـ ـنية ، وعرفتي ازاي انها حاطة رنة تليفونها أماكن السهر
_ عشان سيادتك من ساعة ما دخلت البيت وانت بتدندن الأغنية دي ، يعني اكيد سمعتها النهارده اكتر من مرة عشان تعلق معاك كدا
= وعرفتي ازاي اني دخلت الحمـ ـام واحنا في المطعم
_ انا اللي دخلتك الحـ ـمام اصلا ، قصدت اكلمك وانت معاها عشان تدخل الحـ ـمام ترد عليا
= طب إيه
_ ولا حاجة هتطلـ ـقني وهرمـ ـيك في الشارع ، مش عشان انت خايـ ـن لا ، عشان خاين وغـ ـبي
داڤنشي_Davinci
