14/10/2019
طيب انا من عشاق بشدة وعمري ما بقول عليها لا وانتشارها في مصر مؤخراً مش حاجة مضايقاني خالص بالعكس العيب الوحيد ان محدش كان بيحاول يجدد غير في الساندويتشات بس لغاية ما ظهر المكان ده #روچرز
ده مطعم امريكاني عند عنده منيو كبيرة لأن المكان متقسم دورين دور قعدة بقي وخدمة والجو ده ودور فاست فود زي كنتاكي وماك
الحقيقة مجربتش عنده حاجة لسه غير الفرايد تشيكن والبرجر فكلامي هيكون عليهم بالذات الفرايد تشيكن لأنهم فعلاً اشبعوا رغباتي فيها
عنده الطلبات العادية الاوريحنال والسبايسي وكانوا هايلين مقرمشين من بره وچوسي من جوه حرفياً
والقرمشة الذيذة مش الغبية اللي توجع سنانك
العظمة كلها بقي في #الفراخ المتغطسة في الصوص
لأ مش مرشوش عليها صوص هي قطع الفراخ نفسها متغطسة تماما في الصوص
فده بيديك شعور مختلف تماما خاصة وانت بتقطم في الأول عشان بتبقي فعلاً مقرمشة وجوسي من بره الاتنين في نفس الوقت
في كذا نوع صوص بالنسبالي اعظمهم البافلو بس في مصريين متير مش بيحبوه عشان هو سبايسي وفي سنة مذاذة كده
اللي مثالي بالنسبة لمعظم الناس الجارليك باتر وده صوص زبدة بالتوم طعم بجد مش طبيعي مع الفراخ
انا ماليش في الجبن السايحة الكتير بس هم عندهم نافورة جبنة شكلها مش طبيعي في الحلاوة بصراحةصحابي طلبوها كمية جبنة مش انسانية مقدروش يخلصوها طبعاً
#نصيحة مهمة متاخدش فراخ بصوص مع نافورة جبنة عشان هيقلب عك عايز جبنة يبقي معاها فرايد تشيكن عادية مش بصوص
في ناس معانا مش غاوية لغوصة قوي اخدوا ساندويتشات طلعت ملغوصة برضو دوقت منهم البرجر كان عالمي
#المكان نفسة ظريف وواسع ودورين الدور اللي فوق في خدمة واللي تحت لا
عنوان في المهندسين الدقي عند
٣٤ شارع طيبة متفرع من شارع مكة في ضهر بيت ورد
وده #اللوكيشن
Roger’s
34 Tiba, Ad Doqi, Dokki, Giza Governorate
02 33661074
02 33661073
02 33661076
https://goo.gl/maps/6ZfwF5j4z6AMpaVo9
#الاسعار ظريفة جداً من ٥٠ ل ١٠٠ جنية تاكل لما تتقتل ونافورة الجبنة دي ب ٨٠ جنية محتاجة كذا شخص يطلبوها مع بعض
تقييم وتصوير: إسلام سلامة
