16/04/2025
#بالهنا
طريقة عمل مكرونة بشاميل جوسي #بالهنا
المقادير
١-٣٥٠ مكرونة فرن اهم حاجة نوع يكون كويس .
٢- البشاميل$ كيلو لبن - نص معلقة فلفل اسود -
نص معلقة ملح - ٤ معلقة دقيق - ٢ معلقة زبدة - ١٢٥ جرام موتزريلا .
٣ - ٣٥٠ جرام اللحمة المفرومة - نصة معلقة فلفل اسود - نص معلقة ملح - ربع معلقة بابريكا - معلقة صلصة - ١ طماطم مفرومة - بصلة متوسطة - معلقة زبدة
٤ - التزين حسب الاختيار انا بحط ١٥٠ جرام جبنة شيدر احمر علي الوش وممكن اي نوع جبنة من اختيارك
$$ التحضير $$
١- سلق المكرونه نصف تسوية
٢ - تعصيج اللحمة المفرومة ( طاسة علي النار معلقة زبدة ننزل باللحمة المفرومة تاخد لون وننزل بالبصل و التوابل ومعلقة الصلصة ونقلب ٢ دقيقة وننزل بنص كوب مياه صغير ونخفض مستوي النار ونغطية حتتي تستوي )
٣ - $$ تحضير البشاميل $$
ننزل بحلة علي النار مع ٢ معلق زبدة وننزل بعد كدة ب ٤ معلاق دقيق ونقلب حتي تاخد لون ذهبي وننزل باللبن شوية بشوية مع التقليب المستمر ونفضل نقلب حتي نوصل لقوام متوسط ليس ثقيل شوفت نسيت اوعي تنسي التوابل.
٤ - $$ التسوية $$
نجيب صينيه بايركس نجيب نصف كمية المكرونة نحط عليها ربع مقدار البشاميل ونقلبهم في بعض حتي تتشرب المكرونة الصوص و نسويها وننزل عليها باللحمة المفرومة ونجيب باقي المكرونة ونقلب علي شوية صوص بشاميل ونسويها وننزل بباقي صوص البشاميل علي وجه الصينية ونزينها بالجبن وتدخل لمدة ٣٥ دقيقة في نصف الفرن وبعد كدة نفتح الشوية علشان تاخد لون ذهبي #وبالهنا والعافية
