05/01/2021
هتوحشونا
القصة ابتدت يوم افتتاح المطعم 7/2/2020
شهر و 15 يوم من احلى الايام اللى فاتت علي كل اللي اشتغلوا في المكان قبل ما موجة كورونا الاولى تشد ونقفل في اواخر شهر 3 وساعتها مكناش عارفين ايه اللى جاى
رجعنا بعدها في شهر 6 ومن وقتها لحد هذة اللحظة كل حاجه كانت صعبة ..
الالتزامات اللى على مجرم من إيجار مكان وكهرباء وعمالة كانت بتزيد يوم عن يوم والمبيعات كانت بتقل
والسبب هو انعدام وجود الطلبة لأنهم كانوا الشريحة الاولى اللي بنستدهفها
اخدنا قرار اننا مانستسلمش ونحاول نفضل ثابتين على أمل اننا نرجع تانى زى الأول - لكن للأسف ايام كنا فيها شغالين والحمدالله وأيام تانيه كانت بتبقي ( صفر مبيعات )
وده أدى ان في ( منتجات ) كتير بتجهز ويجى اخر اليوم بيتم اتلافها لأننا استحالة نشتغل بيها اليوم التالى..
من لحظة ما بدئنا وكان هدفنا افضل جودة وطعم بأقل تكلفة - كنا بنتعامل مع اهم موردين مطاعم بأعلي سعر في مقابل ان العميل بتاعنا يكون مبسوط وان ربنا يكون راضي عنا..
وطبعا الجزئية دى ادت اننا بننزف اكتر واكتر بسبب عدم تشغيل اى ( منتجات ) مرة أخرى
راضين عن كل حاجه عملناها وراضين ومؤمنين بتدابير واختيار ربنا لينا
حابين اللى قدمناه والسندوتشات اللى كان لينا رزق انها تكون مختلفة عن كتير من أماكن تانية وبشهادتكم ❤️
ابتدينا بقوة وبحماس وهننهى بنفس القوة واحنا محافظين عليكم وعلى الاسم ( مجرم 😎 )
ومين عالم ممكن نرجع يوم من الايام ... هتوحشونا لحين اشعار اخر ❤️
