15/02/2026
#نصيحة السر في العجينة المورقه مش فيها في طريق طيابها
كي تستعملو العجينة المورقة باش تنجح !
اولا: كي تحلوها متحلوهاش رقيقة بزاف ينقص التوريق ولا يروح كامل وماتخلوهاش خشينة بزاف حتى طيب معجنة تنحل حوالي 3 ملم
ثانيا : قبل مدخلوها طيب سخنو لفوغ مليييح في أعلى درجة .في الكوشه نتاعك ونار لفوق طافيه وكي دخلوها طيب حطوها ملفوق كامل في كوشتك وتكون نار قاوية اقصى درجة وتعسيها 10 د ونقسي الغاز وخليها تتورق تشوفيها حمارت ملتحت تجبدها وتهبطيها لتحتا كامل وتشعليلها ملفوق وخليها تكمل طيب فغرضها حتى تحمار
ثالثا: كي ديرو كوكا متزيروش لعجينة كي تلسقوها ديرو قطرة ما وحطوها برك تشد باه ميخسرش التوريق و كي ديرو لبيض ملفوق متخليهش يهبط على الحواف يغمها وميخليهاش تطلع وتتورق وبصحتكم 😍😋😋
كي تحلي العجينة المورقة لازم تنحي الحواشي نتاع عجينة بالموس خط رقيق برك من جميع الجوانب تقدري تستعمليهم لي كورني.
