Les Délices de Amoul

20/09/2026

كل شهر.. نفس الحضن، نفس الضحكة، وكيكة صغيرة تكبر معاها 🥹💖

هاد الأم كل شهر ولا شهرين تجيبلي بنوتتها بنفس الأوتفيت تاعها، ونخدمولها ميني كايك بنفس الديكور.. المرة اللي فاتت كانت تشينة 🍊🍰

كبرت معايا شهر بشهر، من 1 mois حتى 11 mois اليوم

الحاجة اللي مستحيل ننساها.. كي كنت كونجي، زبوناتي ما راحوش لبلاصة وحدوخرا، قالولي "نأجلو حتى ترجعي" 🥺
هادي ماشي زبونة، هادي ثقة وعشرة

شكراً لكل وحدة دارت فيا الثقة، انتوما سر Les Délices de Amoul ✨

قولولي....شكون تحب دير نفس الفكرة للبيبي تاعها !!

#تشينة

20/09/2026

كيكة الأميرات لأجمل أميرة 👑🎀
واللي حابة تفرّح أميرتها وتديرلها حاجة تفرّح قلبها، نقولكم مرحبا بيكم عندي ونوجدوهالكم بكل حب ♥️😘
كي جاتكم التفاصيل؟

20/09/2026

يا صباح الخير على قلوبكم 🤍
ربي يجعل أيامكم كلها خير وفرحة، ويفرّح قلوبكم ويهنيكم.
نهاركم زين حباباتي 🌷

19/09/2026

هلا حبيباتي، توحشتكم بزاااف والله، وتوحشت هاد الصفحة واللمة تاعها وتوحشت نبارطاجي معاكم خدمتي.

غبت عليكم شوية، بصح دروك حابة نرجع ونعاود نحي الصفحة معاكم، ونشارككم كيكاتي وحلوياتي وخدمتي للمناسبات الخاصة كيما بكري.

نحتاجكم معايا بتفاعلكم باش توصل الصفحة للناس ونرجعو للنشاط شوية بشوية.

فرحتكم بخدمتي وتفاعلكم معايا ديما كانوا أكبر تشجيع ليا، وإن شاء الله نرجعو نعيشو هاد الجو الحلو مع بعض.

29/08/2026

الحمد لله يا ربي على هاذ الفرحة لي دخلت لقلبي اليوم 🥹🤍
ربي يحفظلي والديا ويطول في عمرهم ويخليهم تاج فوق راسي 🤲🏻
فرحتهم فرحتي، وربي يديم علينا نعمة الوالدين وما يحرمنيش منهم أبدًا ❤️
الحمد لله🤲🏼 الحمد لله 🤲🏼 الحمد لله 🤲🏼

27/08/2026

نقولكم حاجة؟

وحشتوني ووحشتني الخدمة بزاف! 👩🏻‍🍳🎂

من نهار حبست الخدمة وديت عطلة و أنا نقول:
"نرتاح شوية برك ونرجع"

شوية هذي ولات شوية بزاف 😂🫣

بصح خلاص… سبتمبر راه قريب، وحان الوقت نرجع للورشة تاعي

بصراحة توحشت هذيك التفاصيل كامل، وتوحشت هذيك الفوضى الجميلة ....

توحشت نحضر الطلبية من الأول للآخر، توحشت نفتح علبة ونشوف النتيجة قدامي، وتوحشت أكثر ردود فعلكم كي توصلكم طلباتكم ❤️

إن شاء الله نرجع نخدم في سبتمبر، وبإذن الله تكون رجعة مليحة بعد هذي الغيبة .
شكراً لكل زبون وثق فينا، ولكل واحد بقى يستنى رجوعنا ❤️

بصح قبل ما نرجع رسمي…

عندي سؤال واحد ليكم 👇

لو نرجع نوجدلكم حاجة جديدة،
واش أول حاجة تحبو تشوفوها عند Les Délices de Amoul

قولولي بصراحة… حتى الأفكار لي في بالكم كامل مرحبا بيها
نقرا التعليقات وحدة بوحدة 😚

29/06/2026

29/06/2026

زبوناتي الغاليات 🌸
أعلمكنّ أنني سأبدأ عطلتي السنوية ابتداءً من 01 جويلية إلى غاية شهر سبتمبر إن شاء الله.
أعتذر من كل من تواصلت معي خلال هذه الفترة ولم أستطع تلبية طلبها، وأشكركنّ من القلب على ثقتكنّ ودعمكنّ المتواصل الذي كان سببًا في استمراري.
رغم توقفي عن استقبال الطلبات، ستبقى الصفحة نشطة بإذن الله، وسأشارك معكنّ العديد من الأعمال والصور التي لم تتح لي الفرصة لنشرها سابقًا. 🤍
دمتنّ أوفى الزبونات، وشكرًا لكل واحدة منكنّ على محبتها وثقتها. 🌷
إلى لقاء قريب بإذن الله.

من أعمالي ❤️

25/06/2026

حبيت نشكر من قلبي كل زبونة وثقت فيا، شجعتني بكلمة طيبة، ولا اختارت حلوياتي تكون جزء من مناسباتها وأفراحها. ❤️

كل طلبية خدمتُها كانت بمحبة كبيرة، وربي يدوم المحبة بيناتنا.

24/06/2026

كيجاوكم الألوان 😍

مقديتش نعبر مشاء الله تبارك الرحمن الله يعطيني الصحة هذا مانقول ♥️