23/08/2026
منشور تعليمي......❤️🧡
علابالكم بلي امهاتنا و جداتنا يعرفو تقنية الاوتوليز قبل الايطاليين انفسهم ؟؟؟ ايه ايه قبل الطلاين و انا اعي ما اقول لاني بحثت كثيرا في هذا الموضوع بالذات ....نعم
جدودنا كانو قبل ما يعجنو .....يجيبو الماء و الفرينة و يخلطوهم مع بعض و يخلوهم يرتاحو قبل ما يزيدو الخميرة و الملح....و هذي هيا طريقة التحلل الذاتي لي يستعملوها الإيطاليين .....autolyse
بصح وعلاش يستعملوها هذي الطريقة البسيطة ؟
جواب ❤️🧡
باش طور شبكة الغلوتين تلقائيا .....و باقل جهد عجن ممكن...شغل طريقة نتاع واحد حاب يعجن و فنيان هههه
المهم 🤔😭
جيبو الفرينة ديالكم...خلطوها مع ماء ...خلط فقط ماشي عجن ...
خلوها من 20 الى 60 دقيقة......و لي حاب نتيجة مبهرة يخليها 24 ساعة او 18 ساعة
بعد ذلك زيدو الخميرة ثم عجن ثم الملح ثم عجن ثم راحة ثم كريات ثم راحة ثم ثم ثم هههه باينة الى الفرن .
هذي الطريقة الاحترافية رايح تعطيكم 👇👇👇👇
وقت عجن اقل و تحافظلك على العجانة ديالك ...
تولي ساهلة في الفتيح ...يعني ما ترجعش العجينة كس تفتحها ....
تخلي العجين خفيف لانو الغازات لي داخل العجين بقاو فيه حتان وقت الطهي ...
اللون الذهبي ووالذوق الطبيعي لانو العجينة لم تتأكسد كثيرا بفعل العجن الميكانيكي ...دونك يبقى الكاروتين الطبيعي
كان معكم شاف شكري ماستر كلاس بيتزا نابولي.
بسكرة
