31/08/2026
試營業咗三日！！！
今日係小島食堂第一個公休日！！
終於有時間可以好好發一下文！
大家的熱情完全超乎咗我哋想像！
記得第一日營業嘅晚上好多組客人我哋都冇辦法接待到，實在好唔好意思好抱歉😞
可能大家唔知道，暫時小島食堂嘅團隊其實都係家人幫忙，客人負荷量有限，十分唔希望大家過到嚟要等好耐，有唔好嘅用餐體驗，所以都非常抱歉地婉拒了接待。
我哋由衷地感激大家的喜愛，未來我哋一定會逐步完善小島營運的各個方面，人員招聘亦在同步進行中，希望每一位來到嘅大家都可以享受到好味嘅餐點，有一個愉快嘅用餐體驗，我哋會繼續努力保持初心朝着呢個目標繼續前進！
十分感謝大家嘅體諒同包容🤍
呢三日嘅試營業好攰好攰！
但好開心好滿足好感動！
好開心見返好多熟客仔！
好滿足見到大家吃光光嘅碗碟！
好感動聽到你哋嘅親切嘅鼓勵！尤其係試營業三日𥚃面見咗同一組客人兩次，大概以上種種就係支撐餐飲人繼續嘅動力🥹
小島係餐飲初哥，一定有考慮不周招呼不到嘅地方，我哋衷心感激大家對小島嘅包容同諒解
所以無論係口味或任何一方面的意見，我哋都會接受而且慎重對待，令小島每一天都比昨日更進步，讓大家在小島的餐桌上可以有更美好的回憶！！
再一次感謝過來的每一位❤️
最後為咗大家有更好嘅體驗，盡量令大家方便
今個星期開始開放訂位服務！
歡迎大家光臨小島！！！
(鞠躬）（心心你哋）（淚目）
