D'Ziit vor de Industrialisierig isch interessant im Bezug uf Läbesmittel. Ufem Märt isch z'finde gsi, was d'Saison und Region hergeh händ. S'Agebot vo de no chline Höf us de Umgebig hät hauptsächlich us ursprüngliche Gmüessorte und Fleisch vo iheimische Tier bestande. Langi Transportwäg sind no sehr erschwärlich gsi und händ exotischi Güeter rar gmacht. Inspiriert dur d'Epoche vo de Erbauig vom Re
chberg, händ mir euis entschide, mit Produkt z'schaffe wo i de damalige Ziit erhältlich gsi sind. Verarbeitet mit ziitgemässe Technike erlebed Ihr bi eus e innovative Traditionschuchi. Begleitend zu euisere Chuchi chönd Ihr es usgwählts Agebot vo usschliesslich Schwiizer Getränk entdecke. Hinter allem was was Eui serviert wird, stönd lokali Produzänte mit Liib und Seel. Am Samstig trifft euisi Chuchi uf kreativi Chöpf us de Region und lönd zeme es einzigartigs kulturells Erlebnis entstah. Ob Musig, Lesige oder Comedy: Künstler uf de Bühni und am Herd bestimmed gemeinsam es Thema, wo vo beidene i ihrem Metier a de Verastaltige interpretiert werded. D'Fusion vo Kunst und Kuinarik laht zauberhafti Äbig entstah, wo dSinn uf meherere Ebene entzücked. Zwei Mittage pro Monat geöffnet
