Happy Crêpe

27/09/2024

05/09/2023

Happy Crêpe 2.0
Hoi Zäme,
wie Ihr vielicht scho erfahre händ, isch min schöne, herzige Crêpe Stand ade Fragaria (Musikevent) am Sturm danach zum Opfer gfalle.
Da isch de Mister Happy Crêpe churz nümm so happy gsi.
Doch glichzietig hät mir das de "gingg in A..." ge zum mis Ständli neu z baue. Schöner (gaht das?), robuster, praktischer, mobiler und professioneller. Und das hauptsächlich wäg eune positive bis sogar superpositive Rückmäldige. Ich weiss, es git au scho paar Süchtigi nach minere Schinke/Chäs under eu🤣.
Ich han da so e Idee im Chopf wo allerdings chli über mim Budget liet.
Also han ich mir überleit es Crowdfunding z starte zum mis Projekt chöne z finanziere.
Will ich mir das Projekt aber nöd eifach möcht vo grosszügige Mänsche spendiere lah, han ich mir überleit, dass jede Spänder diräckt sin gspändete Betrag+20% als Ässensguetschie vo Happy Crêpe zruggbechunt… z.B.
10.- Spende = 12.- Essensgutschein,
100.- Spende = 120.- Essensgutschein usw.
Das Crowdfunding lahn ich über Crowdify.net laufe.
Wer mich gern wür understütze, aber nöd über sone siite möcht mache, dörf sich gern au Persönlich bi mir mälde.
Das wer de diräkti Link zum Crowdfunding. https://www.crowdify.net/de/projekt/happy-crepe-2-0
Danke zum Vorus für euri Unterstützig 😘😘😘😘😘

27/08/2021

12/02/2021

Happy Crêpe @ Röschibachplatz

11/02/2021

Am Samstig, 13.02 isch es sowiit...
Eusi Premiere im Aargau staht ah.
Dank de extrem unterstützende und hilfsbereite Markthof-Vereinigung dörfed mir eu am Samstig ab ca. 9:30 bis 18:00 in Nussbaume im Markthof ide Mall mit eusne feine Crêpes verwöhne. Es wird en Samstig wie kein Andere werde. sobald Ihr in Markthof chömed, werded Ihr vome feine, süesse Duft ide Luft empfange. Nach churzem träume chunt eu dänn in Sinn, dass das doch sicher de Happy Crêpe mit sine feine süesse Crêpes sie muss.
Dänn vergässed churz euche Samstigs-Ihchauf und chömed abe id Mall zu de Post und Apothek... folged eifach am guete Duft ide Luft. Natürlich gits au für die weniger süesse Müller wieder eusi super feini Schinkä/Chäs Crêpe.
Mir freued eus uf eu... aber dänked bitte ad Abstandsreggle und alles, au wenns schwierig isch bi somene chnurrende Buch😃

03/02/2021

Mir händ packt und sind startklar.
Am Samstig abem 9:00 bis ca. am 17:00 verwöhned mir eu am Röschibachplatz bim Bahnhof Wipkinge mit feine Crêpes.
Mir freued eus uf eu.

02/02/2021

START AM 6.2.2021 (Dieser Samstag)
.. nun ist es soweit, unser mobiler Crêpes-Stand ist startbereit. Unser Crêpes-Stand ist aufgebaut auf einem Velo-Anhänger (70 X 80 X 90cm). Aufgestellt benötigen wir eine Fläche von 140 x 180 cm. Wir sind nicht auf Strom angewiesen, ist jedoch eine Erleichterung wenn wir einen Stromanschluss bekommen. Unser Stand haben wir komplett selbst und mit viel Herzblut gebaut. Echte Birkenstämme zeigen unsere Natürlichkeit und widerspiegelt sich auch in unseren Zutaten.
Nebst den Klassikern wie Nutella und Zimt-Zucker bieten wir Saisonale Konfis an, wie momentan Clementine-, oder Birnen-Konfi.
Unser Hausgemachtes Apfelmus ist auf jeden Fall auch nicht zu vergessen.