16/09/2026
JO NË EMRIN TIM.
Sot nuk heshtim dot. Sot duhet të jemi zëri i tyre, zëri që po mundohen ta mbyllin.
Baci Jakup, Kadriu, Rexhepi dhe Hashimi. Mbase nuk janë njerëzit tuaj të preferuar. Mbase nuk jeni pajtuar gjithmonë me ta, mbase i keni kritikuar dhe keni menduar ndryshe. Por kur Kosova kishte nevojë, ata u ngritën, u kthyen, luftuan dhe sakrifikuan.
Sot nuk po gjykohet vetëm një person. Sot, për ne, kjo prek diçka shumë më të madhe. Një prej njerëzve që nënshkroi Deklaratën e Pavarësisë së Kosovës është dënuar me 25 vite burg. Dhe kur shohim se si historia e luftës sonë vihet vazhdimisht në bankën e të akuzuarve, nuk mund të mos pyesim veten nëse po tentohet të njolloset edhe ajo që për ne është më e shenjtë, sovraniteti dhe shtetësia e Kosovës.
Por pikërisht këtu nuk duhet të biem në kurthin më të madh. Të ndahemi mes vete.
Mundohen të na përçajnë, të na vendosin kundër njëri tjetrit dhe të na bëjnë të harrojmë se jemi një popull. Mos ua bëjmë këtë më të lehtë. Mund të kemi bindje të ndryshme, mund të mos pajtohemi me ta, por nuk duhet ta humbim njëri tjetrin.
Sot nuk kërkohet që të gjithë të mendojmë njësoj.
Kërkohet vetëm të qëndrojmë bashkë.
MOS U NDANI.
Sepse kur ndahemi, humbim zërin.
Për Bacin Jakup, për Kadriun, për Rexhepin dhe për Hashimin. Për familjet e tyre. Për ata që ranë. Për ata që luftuan. Për Kosovën. Liria Ka Emër.
SOT NUK HESHTIM.
SOT JEMI ZËRI I TYRE.
JO NË EMRIN TIM.
