Acai Attendant

02/10/2024

Gli isches sowit und mir öffne üsi Tür🤩. Dä Samsti 5. Oktober vo 09:00-16:00 chöit dir Cüpli, Häppli gniesse und mit üs fiire🥰.

Dir chöit üses gsamte Food & Drink Ahgebot Take-Away oder vor Ort konsumiere (je nach Platz) 🥑🍊🥯☕️. Achtung wichtegi Info: bi üs chame NID reserviere! Eifach verbi cho probiere, wenns Wätter guet isch, heimer dusse ou Plätzli🍂.

Ab kommendem Wucheänd güute fougendi Öffnigszite:
MI-FR 07:00-15:00
SA-SO 09:00-16:00

Usserdäm chöit dir nech uf abwächselndi und saisonali Weekly Specials fröie😍🔜.

Mir chöis chum erwarte, öich ih üsne nöiie 4-Wänd dörfe z begrüesse🫶🏼.

13/09/2024

Liebi Açaí-Fründe

Am 05.10. öffne mir endlech üsi Türe! 🎉 D Vorfröid isch riesig!

🎈 Opening Day Special🎈
Dr ganz Tag Häppli und Cüpli ufs Hus (09:00 bis 16:00 Uhr) 🥂

Weiteri Infos: D Foodtruck-Saison isch z Endi, aber ke Sorge – dir findet üs sehr baud im Bollwerk 21! 😍 Bleibt dran, aui witere Infos fouge baud!

Chömet mit eune Fründe und Familie verbi, mir chöis chum erware! 💜

Bis bald im Bollwerk!
Mir fröie üs! 🙌🌿

21/08/2024

It’s offical, mir eröffne üsi ersti Location am ne fixe Standort🥰

Liebi Açaí Lovers, nach 3.5 Jahr mit üsem Foodtruck ungerwägs, ### Pop-Ups waage mir dr nöchst Schritt. Ab Oktober 2024 eröffne mir üsi ersti fixi Location. Dir müesst nüm ufe Summer warte, sondern chöit ab Oktober s ganze Jahr üses wächselnde und erwiterete Ahgebot gniesse😍.

Das isch aus nur müglech Dank öiire Ungerstützig!! Wenn, wie, wo, gäbe mir baud bekannt🤭.

Stay tuned, mir fröie üs riesig ufe next step🫶🏼

✨

08/08/2024

31/07/2024

✨✨was gits bessers aus es feins Kaffi und es guets Zmorge drzue...

Heit dir gwüsst, dass dir ir ir Länggass üses Açaí Chia-Pudding (v) chöit gniesse?
Zudem bringt dr Açaí Chia-Pudding vili zuesätzlechi gsundheitlechi Vorteil mit. Chia lifert dim Körper vili Antioxidantie‚ Omega-3-Fettsürine, Ballaststoff und Vitamine.🫐

mir säge „e Guete & enjoy!“ 😋

Bis baud und hebet es schönes Wuchenendi!

10/07/2024

passend zum Summerwätter 🌞🌞

OUTDOOR YOGA 🧘‍♀️ & AÇAÍ 💜

no a zwöi Date - 14.07. & 28.07.

no a 2 Date: 14.07. & 28.07.

Iz no ameude via DM oder [email protected]

Mir fröie üs uf öich!✨

03/07/2024

YOGA 🧘‍♀️ & AÇAÍ 💜
no a 2 Date: 14.07. & 28.07.

Jetzt ameude via DM oder [email protected]

Mir fröie üs uf öich!✨

02/07/2024

Fründe, es isch Iced Coffee 🧋& Matcha 🌿💚 Season!
Jedä Samstig & Sunntig chöiter bi üs im Foodtruck im Marzili es feins, cremigs und erfrüschends Kaffi / Matcha uf Iis gmischt mit Miuch gniessä - aus vegani Alternative heimr oh Hafermiuch im Agebot! ✨🌞☀️

Perfekt fürne energiegladen Start i Tag oder us Namittagserfrüschig nachem Sünnele a dr Aare.

Für die wo Matcha no nid kenne. Matcha isch e fin gmalene Grüentee us Japan und bringt ganz vili Gsundheitsvorteil mit:

꧁ Antioxidantien
꧁ Energieboost
꧁ fördert d Konzentration
꧁ Stressabbou
. und zudem git Matcha e lüchtend grüeni Farb ab, es richtigs Farbhiglight 🌿💚

Mir fröie üs uf di kommende Summertäg mit öich. See you soon!✨

11/06/2024

New cooperation alert🤩

Liebi Fründe
Es fröit üs öich mitzteile, dass dir am nöiie Standort vor ir Länggass ab sofort üses Açaí Chia-Pudding (v) chöit gniesse. Vo Mänti bis Samsti chöit dir nid nur hervorragende Kaffi schlürfä, sondern ou no gsund z’mörgele🥰.

See you there🫶🏼
Rösterei x Acai Attendant

11/04/2024

Açaí-Lovers ufpasst ⚡️ Nöi chöitr bi üs die gliebti Açaí-Basis miter ‚Pink Tropical’ Basis ufpeppä - die nöii Basis mit Drache- und Passionsfrucht het oh Açaí dinne, schmöckt im Gegesatz zur bekannte es bitzeli ‚suurer‘ und git ar Bowl e extra erfrüschendi Note. Dir chöit öii Bowl im Verhäutnis 50:50 mische, chöit aber oh nach Lust & Luune jedi Basis puur bsteue. 😋

🥣 Dir möchtet öii Bowl gern seuber daheime zuebereite? Kes Problem! Nöi gits bi üs im Pop-Up im Adrianos Playground und online uf üsere Website die zwöi verschiedene Bowls fixfertig gfrore in Einzupackige zum choufe - for all DIY-Lovers 🔥

Chömet verbi, mir si bis Endi Juni 7 Täg ir Wuche für öich da!

Mit ganz viu Liebi, öies Acai Attendant Team 🫶🏻

22/03/2024

Liebi Açaí-Lovers

Gli isches ändlech wieder sowit - üses Pop-Up im Adrianos am Bahnhof Bern geit i die zwöiti Rundi! Mir wärde öich vo April bis Ändi Juni 2024 wieder jede Tag mit üsne Köstlechkeite verwöhne! 😍

Üsi Öffnigszite si wie folgt:
Mo-Fr 07:00 - 20:00 Uhr
Sa & So 08:00 - 19:00 Uhr

Mir hei ir Zwüschezit nöii Sache mit ganz viu Liebi für öich kreiert - chömet unbedingt verbi & probieret nech dür üses erwiteretä Sortiment düre und füuet öii Bellies mit früsche, gsunde Sache und Summergfüeu! ☀️🫐

START: Ostermäntig, 01. April 2024 🐰

Mir fröie üs fest uf öich!

Öies Acai Attendant Team 🤍

04/02/2023

Bärn, we are open🫶🏼

Dir finget üs 7 Tag ir Wuche vo früeh bis spät im Playground vom am Bahnhof!

➡️Eröffnigsweekend, GRATIS Açaí Bowl Probierportion🫐

Mir fröie üs uf jede vo öich!🥰