Quel est le site Web ?

https://www.facebook.com/101314792940535/

Ibrahim turki, Democratic Republic of the (2026)

16/08/2023

الشابة

قبل ما يوفة الصيف .. شنو أحسن بحر صيف السنة ؟؟

10/08/2023

Ah ya dinya

يا حسرة .. 😔
كيف كانت العشوية تعشّي نخرجو نسيّقو الفيراندا ..
نبرّدوها و نفرشو فيها كليم الشوالق و جريريات قشرة و نقعدو نتبرّدو ..
يا نشمّو الياسمين🌸 يا نقشرو اللّوز ..
يا نسمعو الإذاعة و احنا نتبننو في شروبو الورد و الا النعناع بقْرين قطّو دياري ...
كانت العشيّة تتعدى في رمشة عين .. ضحكة مالقلب و قلب صافي و صفاوة ماتلقاها كان عند الي حامدين و شاكرين .. العشية تعشي و المغرب يمغرب ..
ندخلو للكوجينة نتعشاو الي كتب اذا الفطور زهومة و الا نحضرو عشاء بالوهرة اذا فطورنا هكاكة و برة .. و نغسلو ماعونا تقولش علينا نعزفو في فرقة .. الاصحنة اتلحن و الكيسان اتدندن و احنا مصفصفين فوق اللافابو نغنيو و نميلو في روسنا ..
و نبرجو الدلاع🍉 و البطيخ و نخرجو لقصر فيراندتنا..
و نعديو سهريتنا .. عين على الدروج لا تطلع هايشة و عين على التلفزة الي في الوسطية ثماش مسلسل باهي و الا حفلة تفرهد علينا ..
و يا فرحتنا اذا الباب دق و جانا شكون يسهرحذانا ..
بالوقت القلوب يحضر و العالة تتنصب و الشكبة اتدور و تتعدى سهريتنا فاوحة كي المسك نحكيو على ارواحنا و نضحكو على بعضنا مع بعضنا لا نحكيو على حد و لانضحكو عليه.....و يوفى الليل 🌚 و يمشيو سهارتنا ...
و نستحلاو النسمة...نتراماو كل واحد في جراية و تاخذنا عينا مشوار و مانفيقو بارواحنا كان الفجر ياذن و السردوك يسردك...ندخلو مدهشرين لبيوتنا و نكملو نومتنا الرأس على المخدة مرتاح و القلب كيف الوردة زاهية و فواحة 🌺
لايام هاذم مشات مع ماليها انجم كان نقول يا حسرة وربي يرحمهم 😔
منقول