05/30/2026
نن سبا ډېر داسې #مناظرې روانې دي چې د حق معلومول پکې مقصد نه وي. هر سړی غواړي ځان #غالب وښيي، خلک ورته چکچکې وکړي او #مخالف ته ماتې ورکړي. په دې کې کله کله خبره تر سپکاوي، #ملنډو او بدو الفاظو پورې ورسېږي.
حال دا چې د علم او دعوت اصل مقصد د حق #څرګندول او د خلکو اصلاح ده، نه دا چې څوک ځان لوی ثابت کړي.
که په بحث کې #اخلاص نه وي، نو علم هم بې برکته کېږي. که ادب نه وي، نو د حق خبره هم اغېز له لاسه ورکوي.
زمونږ اسلافو به #مناظرې کولې، خو مقصد به یې د حق لټون و، نه د خپل نفس بریا. که حق به د مقابل لوري په خبره کې هم و، هغه به یې منلو.
نن موږ ته اړتیا ده چې د #شور او جنجال پر ځای دلیل ته، د سپکاوي پر ځای ادب ته، او د #شهرت پر ځای اخلاص ته ارزښت ورکړو.
حق په لوړ غږ نه، بلکې په قوي دلیل او اخلاص سره څرګندېږي.
#اسلامیات #مناظرہ
