12/06/2026
Təbiətin qoynunda, şəhərin səs-küyündən uzaqda unudulmaz istirahət axtarırsınız?
O zaman yolunuzu Şəkidə yerləşən BioGarden Eko-Aqro Turizm Məkanından salın!
8 hektarlıq yaşıllıq ərazidə yerləşən BioGarden sizi meyvə bağları, rəngarəng quşlar, yerli heyvanlar, arıçılıq təsərrüfatı və gözoxşayan təbiət mənzərələri ilə qarşılayır. Burada həm dincələ, həm də ekoloji təmiz həyat tərzini yaxından hiss edə bilərsiniz.
Bağdan toplanan təbii məhsullar, bu məhsullardan ləzzətli milli yeməklər, müxtəlif növ quşlar və heyvanlar, uşaqlar və böyüklər üçün əyləncə zonaları hər bir ziyarətçiyə xoş və yaddaqalan anlar bəxş edir.
BioGarden-in təsisçisi Ehtibar Nuriyev bu məkanı uzun illər ərzində qazandığı beynəlxalq təcrübə əsasında yaradıb. O, müasir kənd təsərrüfatı və eko-turizm sahəsində biliklərini artırmaq məqsədilə 30-dan çox ölkədə olub, müxtəlif beynəlxalq təlim və seminarlarda iştirak edib. Məhz bu təcrübənin nəticəsi olaraq BioGarden bu gün aqroturizm və ekoloji yaşam mədəniyyətini bir araya gətirən nümunəvi məkanlardan birinə çevrilib.
2010-cu ildən etibarən qonaqlarını qəbul edən BioGarden aqroturizm, ekologiya və milli qonaqpərvərliyi bir məkanda birləşdirir. Burada keçirdiyiniz hər an sizə təbiətin gözəlliyini, kənd həyatının səmimiyyətini və sağlam yaşamın dəyərini hiss etdirəcək.
Ailənizlə, dostlarınızla və sevdiklərinizlə fərqli bir gün yaşamaq istəyirsinizsə, BioGarden sizi gözləyir!
