16/05/2021
Bu gün sizə, tanıdığım ən saf və sədaqətli bir insan haqqında danışacam. Qasimov İlham Sabir oğlu.
1966 -cı ildə Salyan rayonunun Arbatan kəndində anadan olmuşdur. Əsgəri xidmətini Qazaxstanın Balxaş şəhərində başa vurub doğma Salyanına qayıdan İlham, birinci Qarabağ savaşı başlayan kimi könüllü olaraq cəbhəyə yollanmışdır. 181 saylı moto-atıcı alayın tərkibində döyüşlərə qatılan İlham, Fizuli istiqamətində döyüşlərdə iştirak etmişdir. 1993-cü ildə Fizulinin Yuxarı-Veysəlli kəndində döyüş vaxtı "qrad" mərmisinin səngərə düşməsi nəticəsində ağır yaralanmış, huşsuz halda bir gün torpaqın altında qalmışdır. Torpağın altından yaralı halda çıxarılan İlham, Bakıdakı hərbi qospitala aparılır, uzun müddət müalicə olunur. Ağır yaralanmış İlham, həkimlərin səyi nəticəsində ayağa qalxa bilir amma təəsüf ki, ağır kəllə-beyin travması aldığı üşün ömürlük əlil olur. 1994-cı ilin may ayında adi bir təsadüf nəitəcisində İlhamla tanış olduq. Onun həyat hekayəsini dinlədim, keçdiyi döyüş yolu və ağır yaralanması, gənc yaşında əlil olması ona çox p*s təsir emişdı. Həyat eşqi ilə aşıb-daşan bu cavan insan, mənim təkidimlə həmən vaxt rəhbərlik etdiyim ictimai-iaşə obyektində aşbaz köməçisi vəzifəsində çalışmağa başladı. Həmin zaman mənim 24, İlhamın isə 28 yaşı var idi. Zaman keçdi, İlham usta , Aran bölgəsinin ən məhşur aşbazlarından birinə çevrildi. Artıq İlham ustanın bişirdiyi balığ xörəklərini dadmağ üçün Azərbaycanın ən müxtəlif bölgələrindən və paytaxt Bakidan insanlar Salyana təşrif buyururdular.Və bu məhşurluq durmadan artırdı. Artıq Bakının tanınmış restoranları İlham ustaya iş təklifləri ilə müraciət etməyə başlamışdılar. Amma bu sədaqətli və mərd insan bütün təklifləri birmənalı olaraq rədd etmiş və hər zaman hər kəsə bildirmişsdir ki, ona döğma və əziz olan “Bala Kür” restoranını heç bir zaman tərk etməyəcəkdir. İlham usta artiq 26 ildir ki, Salyan rayonunda yerləşən “Bala Kür” restoranında baş aşbaz kimi fəalliyət göstərir. Düz 26 il bundan öncə aşbaz köməkçisi kimi daxil oldüğu mətbəxə bu gün də sədaqət və yüksək peşəkarlığla xidmət edir. İlham həm də gözəl ailə başçısıdır, iki övadı və beş nəvəsi var.
Ильгар Меджидов
