Ağır gərgin iş günündən sonra şəhərin səs-küyündən uzaqlaşıb rahat və zövqlə istirahət etmək istəyirsinizsə, “SeaBay” restoranı bunun üçün ən uyğun yerdir. Qonaqpərvərlik ənənələrinə sadiq olan peşəkar komanda sizin üçün maksimum rahat istirahət təşkil edəcək. Rahatlığın hökm sürdüyü bu məkanda gözəl süfrə arxasında ünsiyyət qurub dincələ bilərsiniz. “SeaBay” ın təqdim etdiyi milli və dünya mətbəxinin yeməkləri sözün əsl mənasında tərifə layiqdir. Baş aşpazın manqal və kürədə hazırladığı gözəl yeməklər, qutab, kükü və plov çeşidləri, gürzə, düşbərə, ətirli dovğa, ləzzətli kabablar, ət və yeni ovlanmış balıq buğlaması, cız-bız və qovurmanın dadı uzun müddət damağınızdan getməyəcək. Təptəzə ərzaqdan hazırlanan bu təamlar təravətli göyərti və tərəvəzlər, müxtəlif çeşidli dadlı turşularla tamamlanır. Bunlarla bərabər siz dünya mətbəxinin gözəl və unikal menyusunu da dada biləcəksiniz. Kəklikotulu və mixəkli ətirli çaydan içib gözəl desert və zərif mürəbbələrin dadından böyük zövq alacaqsınız. Burada romantik şam yeməyi, işgüzar görüş keçirməklə bərabər siz ailəniz üçün önəmli günləri - ad günü, nişan, xına gecəsi qeyd edib, banket təşkil edə bilərsiniz. Uşaqlarınızın əyləncəli istirahət keçirməsi üçün isə xüsusi guşə ayrılıb. Dəbli launc və pul barda sizə xəfif kokteyldən tutmuş unikal reseptlərlə hazırlanmış içkilər də təqdim olunacaq. Sual verəcəksiniz ki, bu qeyri-adi məkanda daha nələr təqdim oluna bilər? Siz burada təşkil olunan əyləncəli şou, tanınmış artist və müğənnilərin konsertindən unudulmaz təəssüratlarla ayrılacaqsınız.
“SeaBay” restoranını ən gözəl xüsusiyyətlərindən biri də dadlı, keyfiyyətli mətbəx, canlı musiqi və məkanın dekorunun vəhdət təşkil etməsidir. Məkanın eksteryer və interyeri sizə əsl estetik zövq verəcək. 400 nəfər üçün nəzərdə tutulmuş məkan yüksək səviyyəli xidmətləri ilə sizin qulluğunuza daim hazırdır!
İstirahətinizi gözəl və yaddaqalan keçirmək istəyirsinizsə, “SeaBay”a buyurun!
