Հայտնի է, որ համեղ սնունդը ապահովում է բարձր տրամադրություն և լավ ինքնազգացողություն: Այդ իսկ պատճառով, մեր միակ նպատակն է ապահովել Ձեզ համեղ, բարձրորակ և առողջ սնունդով: 1829-1830 թվականներին Բայազետից ներգաղթում են 240 ընտանիք, բնակություն հաստատում Սևանա լճի ավազանում, հիմնադրելով Նոր Բայազետը։ 1995թ. ին բնակավայրը վերանվանվում է Գավառ, նույն ինքը՝ բոլորիս հայտնի Քյավառը: Այդ ընտանիքները, պահպանելով իրենց նախնիների ավանդույթներն ու սովորույթները, իրենց հետ բերում են Քյավառին բնորոշ համեղ կերակրատեսակներ և քաղցրավենիքներ, որոնցից են քյուֆթան, գաթան, փախլավան, շաքար-լոխումը և այլն: Քյավառի ամենահայտնի ճաշատեսակը՝ քյուֆթան, պատրաստվում է փայտի վրա ծեծած մսից, որից էլ պատրստում են գնդեր և եփում ջրում: «Քյավառի»-ի նպատակն է համեղ և պատշաճ ներկայացնել մեր ավանդական ուտեստները ինչպես մայրաքաղաքի բնակիչներին, այնպես էլ նրա հյուրերին: «Քյավառի»-ում դուք հնարավորություն կունենաք վայելելու ավանդական ուտեստները նոր և ինքնատիպ մոտեցմամբ, պատրաստված սիրով, միմիայն թարմ և բարձրորակ սննդամթերքից: Այստեղ Ձեզ սպասում են համեղ անակնկալներ Քյավառի այլ կերակրատեսակների տեսքով, որոնցից մեկն է մեր հայտնի թավա-քյաբաբը: Դարձրեք Ձեր օրը հաճելի՝ համեցեք «Քյավառի», և մենք խոստանում ենք դառնալ Ձեր համեղ բարեկամը:
