22/03/2026
THIRRJE URGJENTE/ Djemve përmetarë që merren me rafting në Vjosë
***
Situata në Përmet ka agravuar shëmtuar dhe ju duhet ta merrni këtë situatë në dorë. Uluni të gjithë bashkë, mos e sulmoni e mos e spiunoni njëri-tjetrin. Hartoni kërkesën tuaja dhe si fillim u duhet një takim gjithëpërfshirës me Ministrinë e Mjedisit, Parkun Kombëtar të Vjosës, Bashkinë Përmet, operatorët turistikë vendorë, Federatën Shqiptare të Raftingut, deputeten tuaj Mirela Kumbaro dhe biologë lokalë që njohin Vjosën shkencërisht ndër vite e dekada.
Ngulmoni dhe argumentoni të anullohet urdhëri i ish ministres së mjedisit të vitit 2024 të të bërit rafting në Vjosë nga datat 1maj-15 tetor dhe ky urdhër të riformatohet e të zëvendësohet me data të reja dhe më të përshtatshme që nisin më 15 mars-1 nëntor.
Autoritetet qendrore dhe lokale duhet ta kuptojnë se pas 15 vjetësh nuk mundet ta rikthejnë në pikën zero turizmin e Përmetit me një urdhër burokrat idjot.
Raftingu është pjesë e ekonomisë lokale agroturistike dhe si i tillë pjesë e zinxhirit lokal turistik që nis me rezervime-hotele-restorante-rafting-hiking. Skenat e turpshme me policë e turistë buzë lumit nuk duhet të përsëriten më dhe gjetja e një zgjidhje është e mundshme, imediate dhe duhet patjetër të pasqyrojë pjesën civile të Përmetit!
Të gjitha palët fajtore deri tani, të gjitha palët përgjegjëse për gjetjen e zgjidhjes!
