14/08/2023
Copied~
ඇපල් හදවතට - පෙයාර්(ස්) බඩට
හැම වැටකුළු කරලකම දාර 10 ක් තියෙන බව ඔබ දන්නවාද ?
කලාතුරකින් දාර 9 ක් ඇති වැටකුළු කරලක් තිබිය හැකි අතර නොදැන හෝ එය කෑමට ගැනීමෙන් එදින මුළු ආහාර භෝජනයම තිත්ත රසයට යට වීමේ හැකියාව ඇත.
වැටකුළු කරල ඇතුලත ඇති කෙදි ජාලය (Fiber Network) මිනිස් මොළය ඇතුලත ඇති ස්නායු සෛල (නියුරෝන) තියෙන ආකාරයේ පිහිටීමක්ව ඇති හෙයින් එකි ආහාරය මතකය වර්ධනය වෙන ආහාරයක් වන බව කිව හැක.
එය සොබා දහමේ ආශ්චර්ය හා කාරුණිකත්වය හෙවත් ආදරය හේතුවෙන් නිර්මාණය වූවක් බව අප මෙයට පෙර නිරීක්ෂණය කොට නොතිබුනේ මන්ද ?
ඔබ, මා, අප මෙයට පෙර දැන නොසිටි සොබා දහමේ තවත් අරුමයක් නම් ගොටුකොළයයි.
ගොටුකොළ කොළය හැඩවෙලා තියෙන්නෙත් මිනිස් මොළය හැඩේට බව දන්නේ කවුද ?
ගොටුකොළ කොළය සමඟ ඇති දිගු නටුව හෙවත් දණ්ඩ මොළය තුළින් පිටතට විහිදෙන සුෂුම්නාව (Spinal Code) මෙන් පිහිටා තියෙන්නේ කුමන අරුමයකටද ?
මල්ගෝවා වර්ග වු Broccoli හා Cauliflower කියන්නේ මොළය හැඩේ ගත්ත එළවළු. ඒ කියන්නේ ඒ ආහාරයන් මොළයට, බුද්ධියට, දැනුමට, මතකයට වඩා ගැලපෙන ආහාරයන්.
ඒ හා සමානව මුකුණුවැන්න කොළය සහ මිනිස් ඇස අතර ඇති සමානත්වය ඔබ මෙයට පෙර නිරීක්ෂණය කරනු ලැබුවේද ?
මුකුණුවැන්න හා පෙනීම (Vision) සම්බන්ධයෙන් හෙළ වෙදකමේ උපදෙස් දැන් අපට රහසක් නොවිය යුතුය.
මුරුංගා කරලක හරස්කඩ ස්නායුවකින් තවත් ස්නායුවක් සම්බන්ධ වෙලා තියෙන ආකාරය පෙන්වන්නේ මුරුංගා ස්නායු පද්ධතියට, සංවේදී ශරීරයකට යහපත් ආහාරයක් බව කියමින්.
පොළොස් ගෙඩිය කැපුවම හරියටම මවකගේ පියයුරුවේ හරස්කඩ වගේ. ඒ කියන්නේ පොළොස් කියන්නේ මවකට කිරි එරෙන ආහාරයක්. කොස් කියන්නෙත් එයට නොදෙවෙනි එහිම විකාශය බව නොදන්නේ කවුද ?
ආමාශයේ ඉතා යහපත් ක්‍රියාකාරිත්වය නම් අප ගන්නා ආහාර හොදින් දිරවීම මඟින් ශරීරයේ පැවැත්ම වෙනුවෙන් අවශ්‍ය පෝෂ්‍ය කොටස් හොදින් අවශෝෂණය කරවීමයි. අග්න්‍යාශයේ හා ආමාශයේ හැඩය ගත් ගස්ලබු ගෙඩිය මෙන්ම ලබුගෙඩියද අග්න්‍යාශයේ සිට ආමාශය දක්වාවු කොටසට ගුණදායක බව මලබද්ධයට ලක්වු අවස්ථාවක එයින් මිදීමට ඉදුනු පැපොල් සෙවු අපට පෞද්ගලිකව අවබෝධයට ගත හැකිවු අවස්ථාවක් වු අයුරු දැන් සිහියට ගත හැක.
පතෝල නම් දිගැටි හැඩගත් එළවළුව මහාන්ත්‍රය හෙවත් මහ බඩවැලට ගුණදායක ආහාරයක් වන විට සියඹලා යනු කුඩා බඩවැලේ ක්‍රමාකුංචනය හොදින් සිදුකිරීමට දායකවන පළතුරක් බව අපට අමතක නොවිය යුතු කරුණකි.
කෙසෙල්, වම්බටු, කජු පුහුලන් ගැනද විග්‍රහ කරන්නට අවස්ථාව දැන් උදාවි ඇති බව සිහිපත් කරනු කැමැත්තෙමි.
පුරුෂයන් මෙවැනි ආහාර බොහෝ කොට ගැනීමෙන් ජිවිතයේ රස විඳීමට එය රුකුලක් වනු නියතය.
ඒ හා සමානව බංඩක්කා, වැල් පෙනෙළ, කුරුම්බා වගේම දුරියන් ගැනත් හොඳ විග්‍රහයක් කරන්න පුළුවන් නොවේද ?
ජීවයේ අඛණ්ඩතාවය වෙනුවෙන් සරු ශුක්‍රානු නිපදවීමට රුකුල් දීම ශුක්‍ර හා සමාන සාරයන් සහිත එවැනි ආහාරයන්ගේ හැකියාවක් බව ඔබ මෙයට පෙර දැන සිටියාද ?
කටරොළු ස්ත්‍රී ශිරුරට වඩා ගුණදායක ඇයි කියා දැන් අපට රහසක් නොවිය යුතුය.
මේ විදියට සොබා දහම පුදුමය උපදවන ආශ්චර්යමත් දෙයක් බව සොබාදහමේ නිර්මාණයන්ම වු අප දැන සිටිය යුතු අත්‍යාවශ්‍ය කරුණු බව නොරහසක්.
සොබා දහමේ ආශ්චර්ය පෙන්වන එක් අවස්ථාවක් වු මේ එළවළු හා පළතුරු නිර්මාණය වී ඇති ආකාරය තවදුරටත් විමසන විට ඇපල් ගෙඩිය හදවතට හොද හෙවත් ගුණ ආහාරයක් වන්නේ එහි ඇති මිනිස් උඩු කයේ ස්වරූපය නිසා බව කෙසේ නිවැරදිව අප පහදා ගනිමුද ?
පෙයාර්(ස්) බඩට හොදවන්නෙත් ඒ අරුතින්ම බව දැන් කියමු.
යහපත් ආමාශයක් වෙනුවෙන් හා පිරුණු වටොරක් වෙනුවෙන් දැන් සිට පෙයාර්(ස්) කන්න යැයි දැන් යෝජනා කල හැක.
කොහොඹ, කෝමාරිකා, නෙල්ලි, රසකිඳ මෙන්ම ගම්මිරිස්, කෝපි, එනසාල් යනාදියද වී ඇටයද, තිරිඟු ඇටයද, ඉරිඟු කරල හා එහි බීජද ගැන හෙළ වෙදකමෙන් හෝ අපරදිග වෛද්‍ය කර්මයෙන් හෝ නවින වෛද්‍ය විද්‍යාත්මක පර්යේෂණ ඔස්සේ හෝ තවදුරටත් සොයා බලන්නට පෙළඹෙන්නේ නම් එය මිනිස් ශිෂ්ඨාචාරය විසින් විශ්වය හඳුනාගැනීම වෙනුවෙන් කළ තවත් පිම්මක් ඉදිරියට පැන්න අවස්ථාවක් බවට පත්වන්නේ නිරායාසයෙන් බව ස්ථිර කොට කිව හැක.
සියඹලා, කැකිරි, අළුපුහුල් මෙන්ම කොමඩු, කෝමාරිකා හා දිවුල් ආදි පල වැල වියලි හෝ ශුෂ්ක පරිසරයේ වඩා හොදින් වැඩෙන්නේ හා සරු වන්නේ එකි පරිසරයේ වසන්නන්ට අවශ්‍ය ජෛව රසායනික සහාය ලබාදීමට බව දැන් අපට රහසක් නොවිය යුතුය.
ඉතිං ඒ ඒ කාලවලට ඒ ඒ පරිසර තත්වයන් තුළ සොබාදහම නිපදවන ඒ ඒ එළවළු හා ඒ ඒ පළතුරු ඌෂ්ණාධිකයැයි කියා හෝ ශිරුරට අහිතකරයැයි කියා අනුභව නොකර සිටිය යුතු නීතියක් ස්වාභාව ධර්මයේ නැත.
ස්වභාව ධර්මය ඉක්මවු යමක් නැත.
අප ස්වභාව ධර්මය වන අතර ස්වභාව ධර්මය යනු අපයි.
