28/09/2022
دار البو الواسعة ..دار البو الدار الدافية..
دار البو احسن دار حتى كان تملك قلعة ولا قصر...
دار البو الدار الشركة كل شي شركة ...المفتاح شركة والحيوط شركة النفس فيها شركة وكل كوان من كواناتها شركة..
جيعانة تمشي لدار البو الماكلة ديما طايبة ومحطوطة فوق القاز تاكل وتشبع ...تاعبة وتحب ترقد ...
دار البو فيها برشا بيوت وبرشا غطاء تكى وتغطى واشبع بالنوم....فاددة قالقة منرفز ة خاطرك موجوع.. ....
في دار البو تلقى راحتك وتطيب خواطرك ...
في دار البو الصغار يتلمو ويتعاركو ويدخلو الدنيا بعضها ويفتفتو الخبز ويبزعو الماء ويعملو الي في بالهم ..
في دار البو تسترجع ذكرياتك في كل بيت وكلوار وخاصة الكوجينة ....
في دار البو تحلى القعدة وفي دار البو تلقى اللمة ...
في دار البو تحب تفرغ قلبك وفي دار البو تحب تضحك وتصيح وتحكي وتبكي وتشطح وتغني ...
دار البو الدار الباهية ...الي فيها كل بنية تبدى زاهية ...❤
