เว็บไซต์คืออะไร?

https://www.facebook.com/618875514648843/

Busy Boss Diet

Name: Busy Boss Diet
Address: 19, 5 Sanna Lung Road, Wat Ket , Mueang Chiang Mai District. Chiang Mai, Chiang Mai, 50000, TH
Telephone: +66620561232

A healthy Diet Restaurant for Today's Busy Boss who want Smart and healthy Body Shape.

31/08/2026

မနက်စာ မစားတဲ့သူနဲ့ စားတဲ့သူ ဘာကွာလဲ?

Diet လုပ်နေပြီဆိုရင်

မနက်စာမစားဘဲနေရင် ပိုဝိတ်ကျမလား?

မနက်စာစားတာက ပိုကောင်းလား? ဆိုပြီး တွေးမိတတ်ကြပါတယ်။

တကယ်တော့ မနက်စာ စားတာ၊ မစားတာထက် တစ်နေ့တာလုံး ဘယ်လောက်စားဖြစ်လဲ…

အာဟာရတွေကို မျှမျှတတ စားရရဲ့လား ဆိုတာက ပိုအရေးကြီးပါတယ်။

မနက်အိပ်ရာထတာနဲ့ ဗိုက်ဆာတတ်တဲ့သူဆိုရင်တော့ မနက်စာစားထားတာ ပိုအဆင်ပြေပါတယ်။

ဥပမာ ကြက်ဥ၊ ပေါင်မုန့်၊ အသီးအရွက်၊ အသီးအနှံ စတာတွေကို Protein နဲ့ Fiber ရအောင် တွဲစားပေးရင် အချိန်တိုတိုနဲ့ ပြန်ဗိုက်ဆာလာတာကိုလည်း လျော့စေနိုင်ပါတယ်။

တစ်ဖက်မှာလည်း မနက်ပိုင်းဆို ဗိုက်မဆာဘူး၊ မစားဘဲနေလည်း နေ့လည်အထိ အဆင်ပြေတယ်ဆိုရင်တော့ မနက်စာကို မဖြစ်မနေ ထည့်စားစရာ မလိုပါဘူး။

ဒါပေမယ့် မနက်စာမစားထားလို့ နေ့လည်ရောက်တဲ့အခါ ဗိုက်အရမ်းဆာပြီး အစားကို ထိန်းမရတော့တာ၊ တစ်ခါတည်း အများကြီးစားမိတာမျိုး ဖြစ်လာရင်တော့ ဒီပုံစံက ကိုယ့်အတွက် တကယ်အဆင်ပြေလားဆိုတာ ပြန်ကြည့်ဖို့လိုပါတယ်။

ပြီးတော့

မနက်စာစားလို့ ဝိတ်တက်တယ်…

မစားလို့ ဝိတ်ကျတယ်.. ဆိုတာမျိုးလည်း မဟုတ်ပါဘူး။

ဝိတ်ကျတာက မနက်စာတစ်နပ်တည်းပေါ် မူတည်နေတာမျိုးမဟုတ်ဘဲ တစ်နေ့တာ စားသောက်မှုပုံစံ၊ ကိုယ်လက်လှုပ်ရှားမှုနဲ့ စုစုပေါင်း Calories တွေပေါ်မှာ ပိုပြီး သက်ရောက်ပါတယ်။

ဒါကြောင့် သူများက မနက်စာစားတယ်ဆိုပြီး ကိုယ်လည်း လိုက်စားစရာမလိုသလို၊ မစားဘူးဆိုပြီး ကိုယ်လည်း အတင်းမစားဘဲနေရမယ်ဆိုတာမျိုးလည်း မရှိပါဘူး။

ကိုယ့်ဗိုက်ဆာတဲ့အချိန်၊ ကိုယ့်ရဲ့ Lifestyle နဲ့ ကိုက်ညီပြီး ရေရှည်ဆက်လုပ်နိုင်တဲ့ပုံစံကို ရွေးချယ်ပါ…

Diet ဆိုတာ ကိုယ့်ဘဝနဲ့ အဆင်ပြေအောင် ပြင်ယူရတာပါ။

ကိုယ့်ဘဝကို Diet နဲ့ ကိုက်အောင် အတင်းပြောင်းစရာမလိုပါဘူး။

Busy Boss Diet
No Stress, No Fat

28/08/2026

📢 WE ARE HIRING!
COMMIS CHEF 👨🍳

ကျွန်တော်တို့ Busy Boss Diet ရဲ့ Kitchen Team မှာ ပါဝင်လုပ်ကိုင်ဖို့ တာဝန်ယူမှုရှိပြီး သင်ယူလိုစိတ်ရှိတဲ့ Commis Chef တစ်ဦးကို ရှာဖွေနေပါတယ်။

တာဝန်များ

• Head Chef ၏ ညွှန်ကြားချက်များအတိုင်း Kitchen လုပ်ငန်းများ ဆောင်ရွက်ခြင်း
• Customer Order များအတွက် အစားအစာနှင့် Ingredients များ ပြင်ဆင်ခြင်း
• Cooking Station များကို ကြိုတင်ပြင်ဆင်ခြင်း
• Menu အသစ်များနှင့် Snack အသစ်များ ဖန်တီးရာတွင် ကူညီခြင်း
• QuickBooks တွင် ဟင်းပွဲအသစ်များနှင့် Menu Item အသစ်များကို ထည့်သွင်းပြီး Update ပြုလုပ်ခြင်း
• Inventory နှင့် Food Expiry များကို စစ်ဆေးခြင်း
• Kitchen နှင့် Cooking Equipment များ သန့်ရှင်းရေးပြုလုပ်ခြင်း
• Food Safety & Hygiene Standards များကို လိုက်နာခြင်း

လိုအပ်ချက်များ

✔ Kitchen အတွေ့အကြုံရှိသူ ဦးစားပေးမယ်။
✔ အခြေခံ Food Preparation & Kitchen Operation များ သိရှိသူ
✔ Teamwork ကောင်းမွန်သူ
✔ တာဝန်ယူမှုရှိပြီး အချိန်မှန်သူ
✔ အသစ်များကို သင်ယူလိုစိတ်ရှိသူ

🕐 အလုပ်ချိန် — တစ်ပတ် ၆ ရက် (Shift Schedule)

CV ပေးပို့ရန်
Email : [email protected]

Busy Boss Diet
No Stress, No Fat

27/08/2026

ဝိတ်ချနေရင်းနဲ့….ဒီလိုအရသာရှိတာတွေ စားလို့ရပါတယ်နော်…😋

Busy Boss Diet
No Stress, No Fat

25/08/2026

တစ်ပတ်ကို ဝိတ်ဘယ်လောက် ချသင့်လဲ?

ဝိတ်ချနေတဲ့သူတွေဆီက ဒီမေးခွန်းကို အမြဲလိုလို ကြားနေရမှာပါ…

တစ်ပတ်ကို ၃ ပေါင်လောက် ကျမှ ဝိတ်ကျတယ်လို့ ပြောလို့ရတာလား?

တကယ်တော့ အဲ့လောက်မြန်ဖို့ လုံးဝမလိုပါဘူးနော်။

အများအားဖြင့် တစ်ပတ်ကို ကိုယ်အလေးချိန်ရဲ့ 0.5% ကနေ 1% လောက် တဖြည်းဖြည်းကျတာကို ရေရှည်ထိန်းနိုင်တဲ့ Weight Loss အနေနဲ့ သတ်မှတ်လို့ရပါတယ်။

ဥပမာ ကိုယ်က 154 ပေါင် ဆိုရင် တစ်ပတ်ကို 0.8 ပေါင်ကနေ 1.5 ပေါင်လောက် ကျတာမျိုးပေါ့။

တစ်ပတ်မှာ 1 ပေါင်မကျလို့ ငါတော့ ဝိတ်မကျဘူး ဆိုပြီး စိတ်မညစ်ပါနဲ့။

တချို့အပတ်တွေမှာ 0.5 ပေါင်လောက်ပဲ ကျမယ်…

တချို့အပတ်တွေမှာ မကျဘဲ နည်းနည်းတက်နေတာမျိုးလည်း ရှိနိုင်တယ်…

ရေဓာတ်၊ ဆားစားတာ၊ အမျိုးသမီးတွေဆိုရင် ရာသီလာချိန်၊ အိပ်ရေးနဲ့ နေ့စဉ်လှုပ်ရှားမှုတွေကြောင့် ပေါင်ချိန်စက်ပေါ်က ဂဏန်းက အမြဲတမ်း တစ်ပုံစံတည်း ဖြစ်မနေပါဘူး။

ဒါကြောင့် တစ်ပတ်တစ်ပတ် ဂဏန်းတစ်ခုတည်းကိုကြည့်ပြီး ကိုယ့်ရဲ့ Progress ကို မဆုံးဖြတ်လိုက်ပါနဲ့။

ဝိတ်ကျတာမှာ အမြန်ဆုံးဖြစ်ဖို့ထက်…

ကိုယ်ကျသွားတဲ့ Weight ကို ရေရှည်ထိန်းထားနိုင်ဖို့က ပိုအရေးကြီးပါတယ်…

Diet လုပ်နေတဲ့အချိန်မှာလည်း အစာငတ်ခံပြီး မြန်မြန်ကျအောင်လုပ်တာထက်…

ကိုယ့်အတွက် ရေရှည်ဆက်လုပ်နိုင်တဲ့ နည်းလမ်းနဲ့ တဖြည်းဖြည်းကျလာတာက ပိုကောင်းပါတယ်။

Busy Boss Diet
No Stress, No Fat

19/08/2026

ဒီနေ့မှာတော့ Busy Boss မှာစားနေတဲ့
Customer တွေ အမေးများတဲ့…

Diet meal box စားရင် ဝိတ်တကယ်ကျလား?

ဆိုတဲ့ မေးခွန်းလေးကို Dr Nutrition က
ဖြေပေးထားပါတယ်။

Busy Boss Diet,
No Stress, No Fat

16/08/2026

အလုပ်တွေများတဲ့ Busy Boss တွေအတွက် Weight ချဖို့ဆိုတာကလေ တစ်ခါတလေ အစားအသောက်နဲ့ ထိန်းတာထက် အချိန်ပေးဖို့က ပိုခက်ခဲပါတယ်။

မနက်အလုပ်သွားဖို့ ပြင်ရ၊ ရုံးရောက်တော့ အလုပ်တွေတစ်ခုပြီးတစ်ခု၊ ညနေပြန်ရောက်တော့လည်း ပင်ပန်းနေပြီဆိုတော့ Exercise လုပ်ဖို့အချိန်တောင် မရှိသလို ဖြစ်တတ်ပါတယ်။

ဒါပေမယ့် Weight ကျဖို့အတွက် တစ်နေ့ကို ၁ နာရီလောက် လေ့ကျင့်ခန်းလုပ်မှရယ် မဟုတ်ပါဘူး။

၁၀ မိနစ်ကနေ စလို့ရပါတယ်။

အလုပ်မသွားခင် ၁၀ မိနစ်လောက် လမ်းလျှောက်တာ၊

Lunch break မှာ နည်းနည်းလမ်းလျှောက်ပေးတာ၊

အလုပ်ပြီးတဲ့အချိန် အိမ်မှာ Squat၊ Lunge၊ Stretching လုပ်တာမျိုးတွေနဲ့ စလို့ရပါတယ်။

အရေးကြီးတာက တစ်ရက်တည်း အများကြီးလုပ်ဖို့မဟုတ်ဘဲ ကိုယ့်ရဲ့နေ့စဉ်ဘဝထဲမှာ လုပ်နိုင်တဲ့အရာကို ပုံမှန်လုပ်သွားဖို့ပါ။

အချိန်မရှိလို့ မလုပ်နိုင်ဘူး ဆိုတာထက်
၁၀ မိနစ်လောက်တော့ ရအောင်လုပ်မယ်လို့ ပြောင်းတွေးကြည့်ပါ။

၁၀ မိနစ်က Weight ကျဖို့အတွက် အဖြေတစ်ခုလုံး မဟုတ်ပေမယ့်လည်း စတင်ဖို့အတွက်တော့ လုံလောက်ပါတယ်။

Busy ဖြစ်လေလေ ကိုယ့်ကျန်းမာရေးအတွက် အချိန်ပေးဖို့ ပိုလိုလေလေပါပဲ။

Busy Boss Diet
No Stress, No Fat

14/08/2026

7/11 မှာ စားလို့ရမယ့် diet snack 5 ခု….🫶

Busy Boss Diet
No Stress, No Fat

10/08/2026

အချိန်မရှိလို့… လက်လျှော့ရတာမျိုး မဖြစ်စေချင်ဘူး...

မနက်တိုင်း အလုပ်သွားဖို့ပြင်ရတယ်
ရုံးရောက်တော့ အလုပ်တွေ၊ Meeting တွေက တစ်ခုပြီးတစ်ခု
ညနေအိမ်ပြန်ရောက်တော့လည်း ပင်ပန်းနေပြီ

ဒီလိုနေ့တိုင်းမှာ

ဝိတ်ကျချင်ပေမယ့် Diet လုပ်ဖို့
အချိန်မရှိတာ က ပြဿနာတစ်ခုဖြစ်လာပါတယ်။

ဒါပေမယ့် Weight Loss လုပ်ဖို့
အချိန်အများကြီး ပေးစရာမလိုပါဘူး။

Busy Boss Diet နဲ့ဆို

🍱 ဘာစားရမလဲ စဉ်းစားစရာမလိုဘူး
နေ့တိုင်းစားရမဲ့ Meal ကို စီစဉ်ပေးထားပါတယ်။

⏰ Meal Prep လုပ်ဖို့ အချိန်မကုန်တော့ဘူး
အလုပ်ပြီးမှ ကိုယ်စားဖို့ အချိန်တွေပေး ထပ်ပြင်ဆင်စရာမလိုပါဘူး။

🥗 ကိုယ့်ရဲ့ Weight Loss Goal နဲ့ ကိုက်ညီတဲ့ Meal ကို စားနိုင်တယ်
အာဟာရမျှတအောင် စီစဉ်ထားတဲ့ Meal ဖြစ်လို့
Diet လုပ်ရင်း ဗိုက်ဆာနေတာမျိုး မဖြစ်တော့ဘူး။

အရေးကြီးဆုံးက
Diet လုပ်ဖို့ဆိုပြီး ကိုယ့်ဘဝကို ရပ်ထားစရာ မလိုပါဘူး။

အလုပ်လုပ်ပါ။
Meeting တက်ပါ။
မိသားစုနဲ့ အချိန်ပေးပါ။

ကိုယ့်ရဲ့နေ့စဉ်ဘဝအတိုင်း ဆက်နေပြီး
Weight Loss ကိုပါ လုပ်သွားနိုင်ပါတယ်။

Package & Menu
အသေးစိတ်ကို သိချင်ရင်တော့
BBD လို့ ရေးခဲ့ပါ။

Admin team မှ အသေးစိတ်ကို
သေချာရှင်းပြပေးပါလိမ့်မယ်။

Busy Boss Diet
No Stress No Fat

09/08/2026

ညီမ နောင်တရမိတာ တစ်ခုပဲ...

ဝိတ်ကျချင်လို့ အစားလျှော့စားခဲ့တယ်။

ညစာမစားတာလည်း ရှိတယ်...

Snack တွေလည်း မစားတော့ဘူး...

ဒါပေမဲ့ ဝိတ်ကတော့ မကျတဲ့အပြင်
တစ်ခါတလေ ပိုတောင် တက်လာတယ်။

"ငါက ဝိတ်မကျနိုင်တဲ့ Body မျိုးများလား..."
ဆိုပြီး ကိုယ့်ကိုယ်ကိုတောင် သံသယဝင်မိခဲ့တယ်။

အဲ့ဒီလိုနဲ့ပဲ ဝိတ်ကျချင်တဲ့စိတ်တစ်ခုတည်းနဲ့ မှားတဲ့နည်းတွေကို လနဲ့ချီပြီး ကြိုးစားနေမိခဲ့တယ်။

နောက်မှ ချင်းမိုင်မှာ ဝိတ်ချချင်တဲ့သူတွေအတွက် အစားဖြတ်စရာမလိုဘဲ…

ဖြည်းဖြည်းမှန်မှန်နဲ့ ဝိတ်ချနိုင်အောင်
ကူညီပေးတဲ့ Busy Boss ရှိတယ်ဆိုတာကို သူငယ်ချင်းတစ်ယောက် ပြောပြမှ သိခဲ့ရတယ်။ သူ့ကိုလည်း တော်တော်လေး ကျေးဇူးတင်မိတယ်။

Busy Boss ရဲ့ ကောင်းတဲ့အချက်က
အရင်လို "ဒီနေ့ ဘာစားရမလဲ၊ ဘာမစားရဘူးလဲ" ဆိုပြီး ခေါင်းခြောက်ခံစဉ်းစားစရာ မလိုတော့တာပဲ။

Lunch, Dinner Meal Box တွေလည်း
အဆင်သင့် ရောက်လာတယ်။

ကိုယ့် Lifestyle နဲ့ ကိုက်တဲ့ Weight Loss Plan ကို စီစဉ်ပေးပြီး နေ့တိုင်း Follow Up လုပ်ပေးတော့ တစ်ယောက်တည်း ဝိတ်ချနေရသလိုမျိုး မခံစားရတော့ဘူး။

Nutrition Doctor နဲ့လည်း တိုင်ပင်ခွင့်ရတော့
ပိုပြီး စိတ်ချလက်ချ ဝိတ်ချနိုင်ခဲ့တယ်။

ဒါကြောင့် အရင်လို စားချင်တာတွေကို
အမြဲမျိုသိပ်နေရတာ၊ အစာငတ်ခံရလို့ စိတ်ပင်ပန်းရတာမျိုး မရှိတော့ဘူး။

ဖြည်းဖြည်းမှန်မှန်နဲ့ လုပ်ရင်း…

ခန္ဓာကိုယ် ပေါ့ပါးလာတယ်။

အဝတ်အစားတွေ မကျပ်တော့ဘူး။

ဝိတ်ကျလာတော့ ကိုယ့်ကိုယ်ကို ယုံကြည်မှုလည်း
ပြန်ရလာတယ်။

နောင်တရမိတာကတော့…
Busy Boss ကို ဒီထက်စောပြီး မသိခဲ့တာပဲ။

ဝိတ်ကျဖို့ မှားတဲ့နည်းတွေနဲ့ ကြိုးစားမိတော့ ခဏတာ ဝိတ်ကျပေမဲ့ စားလိုက်တိုင်း ပြန်ဝလာတာမျိုးပဲ ကြုံခဲ့ရတယ်။ လနဲ့ချီ အချိန်ကုန်၊ လူပင်ပန်း၊ စိတ်ပင်ပန်းတာပဲ အဖတ်တင်ခဲ့တယ်။

ဒါကြောင့် ဝိတ်ကျချင်ရင်
ညီမလို မှားတဲ့နည်းတွေနဲ့ အချိန်အကြာကြီး မဖြုန်းမိစေချင်ဘူး။

Busy Boss Diet,
No Stress, No Fat