26/01/2023
❤️❤️
ب٤ كوب حليب اعملي ٨ علب جبنة لافاش كيري🧈
#المقادير:
- ٤ كوب لبن كامل الدسم (طازج)
- ٢ ملعقة كبيرة عصير ليمون او خل ابيض
- ٦ ملعقة كبيرة نشأ ( كورن فلور)
- ٢ ملعقة كبيرة دقيق
- ٢ ملعقة كبيرة سمنة ( لازم)
- ٢ ملعقة كبيرة قشطة لبن ( جمادة)
- ٣ ملعقة كبيرة لبن بودة ( إختياري) لتعزيز طعم الجبنة
- ١/٢ ملعقة صغيرة ملح( حسب الرغبة)
الطريقة:
بتضيفي كل المكونات في الخلاط عدا السمنة وبتخلطي حتي يمتزجوا
- علي نار متوسطة وفي حلة كبيرة بتضيفي المزيج وبتقلبي بإستمرار حتي يصبح القوام كثيف.
- بتخلطيه مره تانية في الخلاط او الكبة وبتضيفي السمنة حتي يصبح القوام كريمي ولامع.
- أدهني كونتينر بلاستيك وغلفيه بفويل بلاستيك شفاف او ورق زبدة ونزلي خليط الجبنة عليه وساوي الوش وغلفية بالفويل واقفلي الكونتنير ودخليه الثلاجة لمدة ٤ ساعات (ويفضل ليلة كاملة👍).
- طلعي الجبنة واقلبيها علي صينية مدهونة او عليها ورق زبدة وقطعيها مربعات او مثلثات.
#ملحوظة:
الطريقة الإقتصادية:
لكل كوب حليب
١/٢ كوب زيت
٢ ملعقة كبيرة دقيق
ملعقة كبيرة خل
رشة ملح
اخلطيهم عدا الزيت وقلبيهم في النار حتي يغلظ القوام ويستوي الدقيق وارجعي اخلطيهم تاني وضيفي الزيت.
وبألف هنا وعافية
🌻
🌻
