25/02/2026
اعليٰ اختيارين کي فوري نوٽيس وٺڻ جي اپيل
مٺياڻي شهر، مورو اسٽاپ ڀرسان 24 فٽ سرڪاري مين گلي تي بااثر ماڻهن طرفان کليل قبضا ڪيا ويا آهن. عطائي ڊاڪٽر معشوق علي ڀٽي ۽عطائي صحافي ڀورل ڀٽي گڏجي سرڪاري گلي کي ذاتي جاگير بڻائي هڪ دوڪان، ٻه ڪلينڪون ۽ واش روم تعمير ڪري ان کي دوائن جي اسٽور طور استعمال ڪري رهيا آهن.
نتيجي طور 24 فٽ گلي هاڻي صرف 9 فٽ رهجي وئي آهي، جنهن ڪري عام شهرين، ايمرجنسي گاڏين ۽ روزاني اچ وڃ ۾ سخت رڪاوٽ پيدا ٿي رهي آهي
ان کان علاوه تقريباً 800 فٽ واٽر سپلاءِ جي سرڪاري پلاٽ تي به قبضا ڪري ڪيبنون ۽ سرون لڳايون ويون آهن. افسوس جو واٽر سپلاءِ جي تعمير دوران غريب ماڻهن جون ديوارون ڊاهي سڌيون ڪيون ويون، جڏهن ته بااثر ماڻهن کان رشوت وٺي اصل سرڪاري ديوار کي ڇڏي ڏنو ويو. هي عمل کليل ناانصافي ۽ ڪرپشن جو ثبوت آهي
⚖️ اسان اعليٰ اختيارين، ضلعي انتظاميه ۽ اينٽي ڪرپشن کاتي کي اپيل ٿا ڪريون ته
فوري طور شفاف جاچ ڪرائي وڃي
سرڪاري زمين تان قبضا ختم ڪرايا وڃن
ملوث ماڻهن ۽ لاپرواهه عملدارن خلاف قانوني ڪارروائي ڪئي وڃي هي معاملو صرف هڪ گلي جو ناهي، پر قانون جي بالادستي ۽ عام شهرين جي حقن جو آهي. خاموشي ظلم جي ساٿ ڏيڻ برابر آهي.سڀني باشعور شهرين کان گذارش آهي ته هن پوسٽ کي شيئر ڪري آواز اعليٰ اختيارين تائين پهچايو وڃي
