20/05/2026
ХҮСЛЭН ТӨВӨӨР ҮЙЛЧЛҮҮЛЭГЧИД БОЛОН ЖОЛООЧ НАРТАА ХҮРГЭХ МЭДЭГДЭЛ 📢
Манай Хүслэн төв нь үйлчлүүлэгчдийнхээ ая тухыг хангах, үйлчилгээний чанарыг сайжруулах зорилгоор гадаах талбайн зогсоолын иж бүрэн засвар, шинэчлэлийн ажлыг (200 гаруй сая төгрөгийн хөрөнгө оруулалтаар) хийж гүйцэтгэлээ.
Үүнтэй холбоотойгоор зогсоолын орц, гарц хэсэгт автоматаар ажиллах ухаалаг хаалт байршуулж, хөдөлгөөний шинэ зохицуулалт хийж байгааг дуулгаж байна.
Яагаад заавал ухаалаг хаалт тавьж, хязгаарлалт тогтоох шаардлагатай болсон бэ?
1️⃣ Урсгал сөрөх болон зам тээврийн ослоос сэргийлэх: Манай төв нь олон улсын транзит зам дагуу (Сэлэнгэ, Орос чиглэл) байрладаг тул замын хөдөлгөөний ачаалал маш их байдаг. Орох, гарах хэсгийг хаалтаар цэгцлэхгүй бол машинууд дур мэдэн урсгал сөрж орж ирэх, гарцыг хааж зогсох зэрэг үйлдэл гаргаж, төв замын хөдөлгөөнд маш том аюул учруулж байна. Энэ нь үзэгдэх орчныг хязгаарлаж, зам тээврийн ноцтой осол гарах өндөр эрсдэлийг үүсгэдэг тул бид та бүхнийхээ амь нас, эд хөрөнгийг хамгаалах үүднээс хөдөлгөөнийг нэг чиглэлд оруулан цэгцэлж байна.
2️⃣ Том оврын тэрэг болон үйлчлүүлээгүй машинуудыг хязгаарлах: Замын хүмүүс болон том оврын ачааны машинууд зогсоолыг өдөр, шөнөөр урт хугацаагаар эзлэн тавьснаас болж, яг манайхыг зорин ирж буй эрхэм үйлчлүүлэгчдэд маань зогсоол олдохгүй, чирэгдэл учрах тохиолдол их гардаг байсан билээ.
3️⃣ Зогсоолын арчлалт, цэвэрлэгээ: Энэхүү том талбайн өдөр тутмын хог хаягдлыг цэвэрлэх, өвлийн цагт цас мөсийг нь цаг тухайд нь арилгаж, халтиргаа гулгаагүй байлгах зэрэг бүхий л арчлалтыг манай төв өөрсдийн хүч хөрөнгөөр хариуцан ажилладаг билээ.
Зогсоолын шинэ журам:
Эхний 2 цаг: ҮНЭГҮЙ (Танд худалдан авалт хийж, үйлчлүүлээд гарахад бүрэн хүрэлцэх хугацаа)
2 цагаас дээш: Цаг тутамд 1,000₮
Бид үйлчлүүлэгчдээсээ төлбөр авахыг огт урьтал болгоогүй бөгөөд зөвхөн Таны аюулгүй байдал, ая тух, зогсоолын хүрэлцээг хангахын тулд энэхүү хөрөнгө оруулалт, шинэчлэлийг хийсэн тул Та бүхэн зөвөөр хүлээн авч, замын хөдөлгөөний дүрмээ баримтлан соёлтой үйлчлүүлнэ гэдэгт итгэж байна.
Хүслэн төвийг зорин үйлчлүүлдэг танд баярлалаа. ❤️
