08/05/2026
မေလ(၄)က International Midwives Day နဲ့ International Nurses Day အထိမ်းမှတ်အနေနဲ့ စီစဉ်တဲ့ပွဲမှာ ကျွန်မရဲ့ May May Mon Baby Food ကို မေတ္တာနဲ့ပါဝင်ခွင့်ရအောင် ဖိတ်ကြားပေးတဲ့အတွက် SOR Entertainment ကိုကျေးဇူးအများကြီးတင်ပါတယ်
အာဟာရဆရာဝန်ကြီးဆရာမကြီးဒေါ်ဝင်းဝင်းမြင့်ရဲ့ မိခင်နှင့်ကလေးရဲ့ အာဟာရရက်ပေါင်း ၁၀၀၀ အကြောင်းကိုလည်း နားထောင်ခွင့်ရခဲ့ပါတယ်။
ဆရာမကြီးပြောပြသွားတဲ့အများကြီးထဲကမှ ကျွန်မတို့ ကလေးစားစရာဟင်းချက်ပြနေတဲ့မေမေတို့ကိုပါ ထည့်ပြောသွားတာမို့ မှတ်သားစရာ၊ ဆင်ခြင်စရာအနေနဲ့ ပြန်ပြောပြပါမယ်ရှင်
ချက်ပြတဲ့မေမေတွေ blogger မေမေတွေ (baby food content ကိုလုပ်နေတဲ့သူ)တွေရဲ့ ကလေးစားချင်အောင်တီထွင်ချက်ပြုတ်ကြတာ ပုံဖော်ပြုလုပ်ပေးတာတွေ အရမ်းကိုကောင်းပါတယ်၊ သဘောလည်းကျတဲ့အကြောင်းပြောပါတယ်။
ချက်ပြတဲ့မေမေတွေလည်းအများကြီးရှိလာတဲ့အတွက် အမှားတွေလည်းများလာတဲ့အကြောင်းပြောပါတယ်။ ဘာမှားလဲဆိုရင် ဖြည့်စွက်စာချက်ပြီဆိုရင် မွှေးအောင်ဆိုပြီး ဆီတွေသပ်ပြပြီးချက်ကြတာပါတဲ့။ ဆီသပ်ချက်တာကို ၁၀လကျော်မှသာချက်ပြုတ်ရပါမယ်။ နောက် ဂျင်းထည့်ကျွေးချင်တာ၊ အရောင်လေးလှအောင်အရောင်တင်မှုန့်ထည့်ချင်ကြတာမျိုးတွေလည်းရှိကြသေးပါတယ်တဲ့။
ဒီလို blogger မေမေတွေရဲ့ influence ကတကယ်ကိုကြီးပါတယ်။ ကြီးတဲ့အတွက် အမှားတွေလုပ်တာဆင့်ပွားဖြစ်လို့ ဂရုစိုက်သင့်တယ်ပြောပါတယ်။
ကလေးတစ်ယောက်အာဟာရမမျှတတာဟာ ပိန်တာတခုတင်မဟုတ်ပဲ အဝလွန်တာအပြင် အာဟာရမပြည့်ဝတဲ့ (Malnutrition) ၄မျိုးရှိပါတယ်။
- Stunting (အရပ်ပု)
- Wasting (ကြွက်သားသေး)
- Underweight (ကိုယ်အလေးချိန်လျော့နည်း)
- Micronutrient deficiency (Vit A, Iron, Zincချို့တဲ့)
ကလေးတစ်ယောက်အာဟာရမျှတပြီး အရပ်ရှည်၊ကိုယ်ခန္ဓာဖွံ့ဖြိုး၊ ဉာဏ်ထက်မြက်အောင်လုပ်ပေးနိုင်ချိန် အရေးကြီးတဲ့ Growth Periods ၃ကြိမ်ရှိပါတယ်
✅ ကိုယ်ဝန်ရှိစကနေ ကလေးအသက်၂နှစ်ထိတစ်ကြိမ်
✅ အပျိုဖော်၊ လူပျိုဖော်ဝင်တဲ့အချိန်
(မိန်းကလေး ခန့်မှန်း ၁၀-၁၄နှစ်)
(ယောင်္ကျားလေး ခန့်မှန်း ၁၂-၁၆နှစ်)
✅ Growth Plate ပိတ်ပြီး adult baby compete ဖြစ်တဲ့အချိန်
(မိန်းကလေး ၁၈နှစ်)
(ယောင်္ကျားလေး ၂၂နှစ်) (ယောင်္ကျားလေးဆိုနောက်ဆုံးတကြိမ်ကအချိန်ပိုရပါတယ်တဲ့)
ကျန်တာကတော့ Early Life Nutrition 1000Days နဲ့ပတ်သတ်ပြီး ဆရာမကြီးအများကြီးပြောကြားတဲ့ထဲကနေ အသက်(၁)နှစ်မှ (၂)နှစ်အရွယ်အတွက်ပဲ ပြန်မျှဝေရေးပါတယ်
- ရက်ပေါင်း(၁၀၀၀)အတွင်း အာဟာရပြည့်ဝဖို့အရေးကြီး
- ကိုယ်ဝန်ဆောင်ချိန်မှ ကလေး(၂)နှစ်ထိ အရေးကြီး
- ကလေးငယ်ရဲ့ cognitive capacity & Physical Growth
- အာဟာရပြည့်ဝရင်ကျောင်းစာပိုတော်နိုင်၊ ရောဂါကိုခံနိုင်ရည်ရှိ
- လူကြီးဖြစ်ရင်ဝင်ငွေပိုကောင်း
ကျန်တဲ့အပိုင်းတွေထက် ဖြည့်စွက်စာကျွေးတဲ့ Weaning Period ရက်ပေါင်း(၁၈၀) အကြောင်းလေးပဲ ပြန်ပြောပြပါရစေ။
ကလေးတွေက ပုံစံ(၄)မျိုးနဲ့ကြီးထွားဖို့လိုအပ်ပါတယ်။
- Physical Growth လို့ခေါ်တဲ့ ခန္ဓာကိုယ်ဖွံ့ဖြိုးပြီးအရပ်လည်းရှည်လာရပါမယ်
- Cognitive development ဆိုတဲ့ ဦးနှောက်လည်းဖွံ့ဖြိုးကြီးထွားလာရမယ်
- Immune ဆိုတဲ့ ကိုယ်ခံအားလည်းကောင်းရမယ်
- Digestive system ဆိုတဲ့ အစာအိမ်နဲ့အူလမ်းကြောင်းလည်းတိုးတက်ကောင်းမွန်ရမယ်
✅ Physical Growth
ပထမတစ်နှစ်မှာ မွေးလာတဲ့အလေးချိန်ထက် ၂၅% တက်ရပါမယ်
၃ဆ (ဥပမာ ၆ပေါင်ဆိုလျှင် ၁၈ပေါင်)
အရပ်က ၁၅% ရှည်ရပါမယ်
ဒုတိယတစ်နှစ်မှာ ၄ဆ (၆ပေါင် - ၂၄ပေါင်)
အရပ် ၈၆စင်တီမီတာ ရှိရပါမယ်
✅ Cognitive Development
ဦးနှောက်ဖွံ့ဖြိုးမွေးစကနေ တဖြည်းဖြည်းကြီးပြင်းလာပါတယ်။
၃နှစ်မှာ လူကြီးတစ်ယောက်ရဲ့ ၈၀%ခန့် ကြီးထွားနေပါပြီ
✨ Toddler Period (၁နှစ်မှ၂နှစ်)
ဒီရက်ပေါင်း (၃၆၅)ရက်ကာလမှာ အစားမျိုးစုံပြောင်းလဲတဲ့ကာလဖြစ်တယ်
- အစားအစာမျိုးစုံကျွေးရမယ်
- အရသာအစုံကျွေးရမယ်
- ပုံစံမျိုးစုံလက်ခံနိုင်အောင်ကျင့်ပေးရမယ်
- တနေ့ကို ကယ်လိုရီ ၁၀၀၀ - ၁၄၀၀ ကျွေးရမယ်
- အစာအုပ်စုမျိုးစုံကျွေးရမယ်
Food Source of DHA, ARA, Choline
DHA ရတဲ့ Salmon, Tuna, ကြက်ဥ စတာတွေ
ARA (Arachidonic Acid) ရနိုင်တဲ့ အသားအမျိုးမျိုး၊ ကြက်ဥ၊ နို့ထွက်ပစ္စည်းတွေ
Choline ရတဲ့ နို့၊ ကြက်ဥ၊ အသဲနှင့် မြေပဲ
Antioxidant & Phytonutrients ရနိုင်တဲ့
အနီရောင်၊ အဝါရောင်/လိမ္မော်ရောင်၊ အစိမ်းရောင်၊ ခရမ်းရောင်ရှိတဲ့ ဟင်းသီးဟင်းရွက်အသီးနှံတွေ အစုံကျွေးပေးရမယ်
ကျန်တဲ့ အုတ်ဂျုံနှင့် ထမင်းကိုလည်းမျှတစွာကျွေးရပါမယ်
✔️ နို့နှင့် ရေကို တနေ့(၅၀၀)ml ဆက်ကျွေးရမယ်
✔️ 1.3liter သောက်သင့်
✔️ သစ်သီးဖျော်ရည် - သရေစာအနေနဲ့ကျွေး
✔️ အချိုရည် (soft drink ရှောင်)
ကလေးများကိုစောင့်ကြည့်ပေးရပါတယ်
✅ အစားအစာမှာစိတ်ဝင်စားခြင်းရှိ/မရှိ
✅ အစားအစာမှာကြိုက်ခြင်းရှိ/မရှိ
✅ ကိုယ်ကလေးချိန်ကျခဲ့လျှင်/မတက်ခဲ့လျှင်
✅ အစားအစာပမာဏ
✅ ကလေးငယ်စားသောက်မှုပုံစံ၊ အလေ့အထ၊ နေထိုင်မှုပုံစံ
၅နှစ်အောက်ကလေးအတွက် Oral & Dental Health
- ၆လကျော်ရင်သွားစတိုက်သင့်
- တနေ့ကို ၂ကြိမ်
- သင့်တော်သောသွားတိုက်ဆေး (၂နှစ်အောက်၊ ၂-၆နှစ်)
- ၆-၈နှစ်ထိစောင့်ကြည့်သင့်
- ၆လတကြိမ်သွားဆေးခန်းစစ်ဆေးသင့်
ဆရာမကြီးပြောသွားတဲ့ထဲမှာ ကိုယ်ဝန်ဆောင်မိခင်တွေအတွက်အပိုင်းလည်းပါပါသေးတယ်။ ခုပြန်ရေးပြတာထိကိုပိုပြီးဗဟုသုတရစေမယ့်အရာတွေပြောပြပေးသွားပါတယ်။ မေမေတို့ အကျိုးဖြစ်စေဖို့အတွက် ပြန်လည်မျှဝေပေးပါတယ်ရှင်။
(အောက်ကပုံလေးတွေမှာ ကိုယ်ဝန်ဆောင်မိခင်တွေအတွက်ရိုက်ထားတာလေးတွေပြန်တင်ထားပါတယ်)
