07/03/2023
توضيح لا بد منه !!
في منشوري السابق تحدث عن القانون ، و بدون لغة الخشب و بلا ما نزوقو الهضرة ، البعض من جماهير الجيش الملكي اعتقدت أنني أهاجم الفريق أو أنا ضد مشاركته ، و هادشي لا يمكن أن يكون حقيقيا بشكل مطلق ، أنا ما كرهتش نشوف أربعة ديال الفرق مغربية مشاركة و نقويو الحظوظ باش يبقى اللقب مغربي مرة أخرى ، و لهذا السبب جمعتي عشرات المحادثات مع الجماهير العسكرية، و تكلمنا على القانون لي مازال ما تم إلغائه، و مطبقش ، و قلت أنني كنتعبر راسي غالط في حالة الجيش لعبات الدور التمهيدي حتى نهاية الموسم ، و بالتالي عدم المشاركة في منافستين خارجيتين في موسم واحد ، و الدليل الوحيد كان هو بلاغ السفاقسي التونسي ..
يعني كيف ما كتشوف أنه نقاش كروي سليم ما فيهش الخبث ، أو أي نوع من الإساءة ( لي منقدرش نديرها بثاثا ، لا من أخلاقي و لا أخلاقيات المهنة و لا من موقعي و ميمكنش أصلا ..) الناس لي تناقشنا راه فهموني، و درت هذا البوسط لناس لي بقات هازا في قلبها و ماراسلاتنيش
راسلني العديد من الإخوة من مشجعي الجيش الملكي في الخاص ، و جمعاتنا هضرة طويلة و تصفات الخواطر ديال بزاف د الناس كانو كيحساب ليهم عندي شي مشكل من الفريق و هادشي مكينش نهائيا ( ممكن ننشر ليكم المحادثات و الى كانو كيشوفو هذا البوسط يتكلمو عن طبيعة المحادثة بيناتنا )
تكلمت فقط عن قانون لا يزال ساري المفعول ، و لم يتم تطبيقه، جردت فقط ما جاء في البلاغات و تفسيرها ..
و الصراحة أنا النقاشات الجدلية لي فيها القانون أو التحكيم غادي نبعد منها نهائيا حيث أنا أصلا مقدم برامج ترفيهية رياضية و شبابية و صانع محتوى وثائقي رياضي ، ماشي هادشي ديال البوليميك، و خصوصا حينما يتعلق الأمر بالأندية الوطنية فين كاين درجات تعصب كبيرة بزاف ، و باغي نركز في هادشي مستقبلا و نبعد بشكل نهائي على الجدل و النقاشات الحادة ، و أنا بالعربية معروف كرشي خاوية و كنعشق هادشي لي كندير ، فشكرا على تفهمكم
و أخيرا أي فريق مغربي سوف يمثل المغرب غادي نشجعوه
من القلب
مودتي 🙏❤️
